忍唔住留言。。利申,小朋友今年亨澤小二。當年三條一報世德,派第二志願亨澤,再叩世德,巳入剩番二十人的2nd in ,最後二十人當中只有一個位收左叩門,根本冇人放位。亨澤校風係咪真係甘好,其實家長可以放學時間去學校附近,同附近社區中心留意下學生行為,兩間何澤芸,我都覺得校風唔好。亨澤學生好粗佬,經常郁手郁腳;主恩學生文靜D,之前去小童群益會同miss傾計都係甘認為。下面何澤芸,我久唔久會聽到學生講哂粗口。。我小朋友讀左亨澤一年,粗魯左好多,學左好多唔好既行為番黎,我久唔久去學校做義工,睇左d學生推黎推去訓地下,學生打交由課室打到出走廊,去醫院檢查。英文程度好,我就真係唔認同,但呢方面我就唔清楚其他津校英文程度,所以比較唔到,但「聽講」部分好少,其實要靠自己校外培訓。另外,有愛心老師唔多,過半數老師板起塊面,未了解就鬧左先。學校透明度唔高,老師搞活動比較hae.....可以校內填色比賽到放暑假都冇公佈過,暑假前我問負責老師,老師話忙未有時間,小朋友覺得比心機畫左,好期待公佈結果,所以好唔開心。學期尾見到成績表上有獎學金,但完全冇收過,到開學後我問新個班主任,佢話今年既11月先會朌上年既獎學金派。開頭我帶保溫壼送飯,但放學我小朋友話因為開唔到,班主任都扭唔開,所以冇食到lunch,放學不停嗌好肚餓,即刻番屋企煮面,我唔明白點解唔搵d亞sir 試下開,又唔打俾家長叫家長立即去,令個小朋友捱一日肚餓。但果次我唔敢打俾校長投訴,驚投訴後,班主任會針對我小朋友。D野如果家長唔去跟,唔去問的話,係完全唔知,亦無途徑知。我認同校長有心辦學,但老師冇乜,得過且過方法教學。