原帖由 Lowina 於 11-3-15 06:34 發表
其實呢, 原本我個 post 寫到日本人的修養就完了, 後來又覺得寫文總要加句結案陳詞先為之完整, 咁又覺得結尾通常要帶點反思, 然後咁岩寫呢篇野之前睇左 "熱烈慶賀..." 既消息, 突然個心沉左一野, 先隔硬加左最尾果兩句, 估唔到會引來部份人不快既記憶, 真係唔好意思...
我唔係故意話 "所有中國人" 冇品, 更加唔係話 "曾經經歷日戰既受害者" 應該忘記過去原諒對方, 我純粹覺得一千萬個 like "熱烈慶賀..." 既中國人入面有好多只係人云亦云, 人 like 我又 like, 呢頭話反日, 果頭又買日本電子產品 / 聽日文歌 / 睇日本漫畫同 AV (年輕一代), 佢地傷害緊無姑既日本平民 by 幸災樂蝸係唔應該的, 我只係希望佢地傷痛/憎恨日本之餘亦可以效法下人地好既一面.
我亦冇意將日本神化棒到上天, 的確我喜歡日本人的教養和處事認真的態度,但並不認同他們的政治立場和公司管理制度和某些大男人主義,我亦不認同殺海豚既行為, 而且日本人壓力大得令很多人變態或自殺也不是一件好事,而且亦唔係所有日本人都咁乖, 日本都有壞人, 有唔守秩序既後生仔。
一樣還一樣, 今次我只是想分享老公對日本既個人想法而已。