ivyscyip 發表於 23-4-17 17:30
我女係夜鬼,成日唔知幾時瞓幾時醒,最慘係零晨落嚟同我練琴,真係midnight sonata⋯⋯有時佢哋啲文係11:5 ...
係啦,就係好多功課都係夜晚11:59pm最後限期,我仔有時嘈過upload好慢,應該係字多圖多,佢個AP都係下月初,而家日日老師都測驗,所以周末都話唔出街溫書,上星期我踢佢陪妹妹去櫻花節玩幾個鐘,等佢休息下。以前係星期五六至夜瞓,疫情在家學習,唔駛早起身準備返學,變成越來越夜瞓,咁啱佢遇著D老師又係多功課,出年佢話報兩科AP,希望搞得掂。
個妹就唔同,細細個已經早瞓,要瞓好多個鐘,但佢會自己醒,而家返學會執下個樣,於是自動早起身,我老公最煩佢畫下眼都搞十幾廿分鐘,之後換衫又十分鐘,我話如果個女唔貪靚就死啦,唔過份就得。出年個女都話報一至兩科AP,佢想11年級讀pre-cal,然後12年級再決定讀cal AB定stat。
花旗太太生活在花旗國,留意時差,你問我未必即時答到。