我工人係慳呢? 定係貪呢?
話說我工人來了個多月了, 自動波做家務, 開始上軋道了, 人都好似冇乜點, 比$佢去買野回來都有單有據, 冇打過父頭.
但係呢, 我之前執我囡的衣服, 分左好多唔岩著的出來想捐去回收箱, 佢就問我要捐去邊, 我照直同佢講, 佢就問我可唔可以自己選一些比佢姨甥女, 我話得, 我唔知佢有姨甥女, 只知佢自己有三個仔. 佢選左成晚, 第日同我講佢想要晒全部. 我反正都係捐, 就話ok. 佢仲話以後我囡有乜衣服唔岩都比佢唔好拿去捐喎...
我又執左幾個我唔要的手袋出來, 佢又問我係咪捐. 我話我唔要了, 佢初時睇下睇下, 話想要幾個大個既. 但之後又全部立晒.
再之後佢話佢auntie(同在港工作)話問有冇囡囡鞋仔, 佢話唔知呀, 不過見我囡囡有好多, 都是大一點才可以穿的. 我唔出聲, 冇話係同唔係.
今日佢同我清理鞋柜, 突然問我點解我自己d鞋好似少左咁多, 我話我陀住b對腳大左, 買左新鞋所以丟左幾對唔岩著的鞋, 咁佢立刻話你丟左啦, 留返比佢嘛, 我話我隻腳同你隻腳一睇就知唔同size啦, 佢話佢可以拿去給她auntie喎...
我既感覺好似係有個人成日候住我地d野咁....
I support autism acceptance!