前言: 34吋得黎好易，想走好難。
自問係一個為食既人，有時為左食，可以去到好盡。
每日早餐牛肉面、菠蘿油，凍OT，星期六、日更牛腩面、西多，間中又海鮮、又火鍋......。間唔時都有運動，但冇咩作用，慢慢個肚由比人話有左，到三月、六個月，最利害係就黎生得!!褲碼就一條比一條大。
雖然係咁，自已都為減肥一拖再拖，"過埋新年先"、"暑假前一定減"、"食完今次就減"，當然冇次成功，直至.......
直至有一日，當我穿上 34 褲頭時，突然”啪”一聲粒褲鈕彈飛，令我想起MR. INCREDIBLE trailer 嗰一幕，自己先開始提升對減肥既決心。有想過食頭條每日都賣廣告嗰隻”萬靈”藥，但網上評論不一，又怕可能有副作用。亦有想過買青色汁飲，好似健康D，不過日日飲又好似好貴，而且都唔似我STYLE。睇下睇下，又開始冇左件事，肚腩大過大肚婆，真係就快生得。
十月某天一個早上起身，突然左腳好似麻痺左咁，有D似打波扭親，但事前又冇做過咩運動，行一陣又冇事，行多陣又再痺過，情況維持左幾日，自已都唔知咩事，後黎聽朋友講，佢話佢老豆中風前都係咁! 唔係吓嘩，咁大整估?!其實真係有D驚，因為我老豆都係中風至死。呢一刻，我知道唔可以再推，一定要減肥!
實戰篇
參考過他人成功例子，整理左一套屬於自己既瘦身方法，目標係半年內減20磅!
每日只食正常時間三餐，早餐自已煮，每日都係少量雞胸肉加大量蔬菜及一隻雞蛋白，每三日早餐可以食一次蛋黃。間唔中雞肉可以用鴕鳥肉代替。午餐因工作關係多數出街食，主要以牛肉、雞肉、涼瓜組合為主，汁飯一定要分開，可以加少少汁落D飯，咁會食得開心D。飲熱檸茶加幾粒糖，所謂幾糖，係沙糖幾粒，其實都係滿足心理上需要，加左等於無加，食量為平時既三份一。晚餐都係咁上下，豬肉或較肥較甜食物最好少食，都係雞，牛、魚、菜為主，少飯。飯後都有食生果。初時忍口忍得幾辛苦，但一星期已習慣左，而且好快見效。運動方面....
發表於 
返回列表
