1/7全港熊貓bb爭霸戰擺明"造馬"
之前講明要自己化妝去架嘛,去到先知,原來冇化果d bb工作人員又會幫佢化埋,咁對特登化晒妝去既bb同媽媽好唔公平囉!
大細b爬得最快就一定冇假,但有些質疑小部份bb既年齡,可能人地大舊啦,都冇得講既。
但另外3個獎就.....全家3件著晒熊貓套裝(由頭(粒)到落腳),本人都冇話可說,但係另一個係扮"龍貓",睇清楚係"龍貓",而且個bb女大件到點睇都唔似12個月,行得咁穩定,打死唔信佢得1歲,咁都得獎會唔會有d過分呢?
唔係只係我自己一個人覺得,連司儀讀結果出來既時候都口窒窒,一臉疑惑咁周圍望,面有難色咁。攝影師哥哥都搖頭不語,無奈咁笑0左一笑話:係咁架啦!
就連周圍既途人都係咁講囉!
好心啦,攪埋d自己人派對就早出聲啦!唔洗咁多媽媽爸爸咁辛苦去搵衫比bb著,我見有幾個媽媽爸爸仲親手畫件衫去比賽,人地比咁多心機出來,原來去左個私人派對= ="
阿彌陀佛!本人問心無愧,你作的惡果~遲早會報的,只是時辰未到而已!好自為之!