大仔大女媽媽會今日: 0|主題: 177860

收藏本版

發帖

返回列表

跳至頁

樓主: wongkaka

[2005年] 10-11月/2005的媽咪交流會(Part IV) [複製鏈接]

14 15 16 1718

yau_grace

子爵府

積分: 14680

341^#

發表於 08-9-10 11:08 |只看該作者

係咪因為病完呀?

浩揚返 n1 時, 返左 1 星期, 病左1星期 (喉嚨細菌感染), 再返多 1 星期多 d 都喊呀! 之後先好 d 咋.

但雪雪講野咁叻, 有冇計傾呀? 問下佢為乜唔開心啦~

原文章由 小巫女女 於 08-9-10 03:19 發表
唉！雪雪唔知搞乜鬼，返左幾日學之後就開始喊，而家日日都話唔返學，都唔知要喊到幾時，希望佢唔好好似大家姐咁喊半個月啦！

私人傳訊

小巫女女

大宅

積分: 4079

好媽媽勳章

342^#

發表於 08-9-11 03:51 |只看該作者

唉！佢同我及老師講，話好掛住我，係都要搵我，但係當入到課室，就會收聲，老師同我講，而家全班既小朋友都已經冇喊，係得返佢一個上上下堂，會突然喊兩聲問老師”媽咪呢？”當初老師都有理佢，但係老師慢慢發現，其實佢只係想引老師注意，是但搵樣野黎講，所以老師而家都冇乜點理佢，只要佢唔係大喊或者騷擾到其他小朋友，老師都由得佢！而且老師亦都同我講，佢好識講數，每次老師對佢有要求，(例如叫佢坐定、排隊玩玩具、去洗手間等)佢就會同老師講要玩某樣玩具先肯做老師要求既事，老師開頭都有妥協，但老師發現佢會越來越多要求，越黎越過份，所以而家老師會同佢企硬，一定要佢做左老師要佢做既事，冇得要求，冇得反抗！
好似今日老師同小朋友做運筆練習，同佢地玩連線，果隻衰野，係都要亂咁畫，明知道個答案係乜，都要玩下野，係都要答錯，最後搞到老師同佢講”雪雪，你亂畫，而家要停你一次，等其他小朋友做晒，雪雪先可以做”當其他小朋友全部做完，老師就單對單同雪雪做練習，一開始老師唔俾筆佢，要佢用手指指出答案，佢係好快咁全部答啱晒，但當老師再俾返枝筆佢時，佢又再次亂畫答案，係要老師叫佢一聲”雪雪”，佢先連返正確既答案，但係係枝筆去到答案前時，佢都係要向上走小小位，先再畫落答案度！
所以今晚老師打電話黎同我講，由而家開始，佢完全唔會對雪雪讓步，唔會再俾佢挑戰老師，因為老師話只要老師要佢守規矩，佢係可以完完全全做到，所以我都好同意老師咁樣做！
唉！希望下星期佢唔會再喊啦！

原文章由 yau_grace 於 08-9-10 11:08 發表
係咪因為病完呀?

浩揚返 n1 時, 返左 1 星期, 病左1星期 (喉嚨細菌感染), 再返多 1 星期多 d 都喊呀! 之後先好 d 咋.

但雪雪講野咁叻, 有冇計傾呀? 問下佢為乜唔開心啦~

...

歡迎大家參觀"李家的牧場物語"李家牧場，有隻好勤力賺錢既大老鼠，一隻兇惡既大白兔，一隻成日俾大白兔鬧既馬女，一隻入左金霸王電芯既雞女，而家多左隻豬仔添呀∼

私人傳訊

yau_grace

子爵府

積分: 14680

343^#

發表於 08-9-11 10:57 |只看該作者

哈~ 等我仲以為講野叻, 會易 d 教 (因為可以雙向溝通)
原來叻到識 '講數', 精到識 '攪事'..... 似乎又係另一頭痛問題.

有時諗, 班中多幾個學生係咁, d 老師真係唔知點算.
(我唔係話雪雪呀! 我係指每個 trouble 2 的小朋友都有佢地的 '個性', 真係要好高 eq 先得)