話說自己失而復得,做依份工差不多二個月,本來我職責係跟單,點知最近公司最高領導人,有重病,要放長假,算喇!當幫下人,需要幫佢做埋會計及admin 一點工作,如訂購公司用品、入票、TT申請、綱上查帳等等,唔好唔記得,我仲有本來職責,上星期時我代見左個客,有講到一d要求,我做的部份,自己就記著下次做比佢囉,有一部份係講要求包裝,唔係我做的,我因常外出,唔記得馬上話比同事聽,直至今日先諗起,我係錯,遲左三日講,今日見個貨包左,好在如客要求,不用再包,點知……我比人鬧到飛起,話個客一向都係咁包,唔駛我講、唔駛我管佢做野,你做好你既野喇!我回應:我遲講係我不對,請你明白,我無時間管你,我唔知以前個客係點要求,只係我去見左個客,客人有講要求,我只盡責任話番比有關同事知,別無用心,大佬!我忙都成日ot,(依間公司無人ot,準時就走),我都想盡快做好返屋企湊仔喇,得鬼得閒管你咩?我唔係唔開心,只係覺得無奈,下次應該點同佢溝通,唔會令佢誤會呢?再下次我仲應唔應該去代見客呢?知既野仲應唔應該講呢?
一個人的快樂, 不是因為他/她擁有得多, 而是因為他/她計較得少, 願我們有一顆知足常樂的心.