濕疹又叫異位性皮脂炎,係器官敏感症既一種,如果父母or家族有器官敏感病例(鼻 - 花粉症; 氣管 - 哮喘; 皮膚 - 濕疹),小朋友就有機會有遺傳,bb既時候容易有濕疹,會因年齡而"移位",先係面,然後係腳/手/身。
我個又係濕疹b,西醫得一招 - 類固醇,但搽之前要考慮清楚,因為類固醇係以減低免疫力黎抗敏感,而且類固醇會透過皮膚滲入內臟,影響內臟功能,仲慘過本身既濕疹而。d藥搽完只會好一陣,之後番發就要用更強既藥,搽更多日先見效,真係好差。
後來我同老公決定俾bb睇中醫,食中藥,真係控制得好d,而家再加外敷"濕疹清"(屈記有售),明顯有好轉,中藥改善體質,有機會會斷尾。
西醫基本上叫我等運到,話bb六個月左右會好d,好彩既2歲就會無事(抵抗力好咗),唔好彩就到青春期開始有性荷爾蒙(同類固醇有d似)時就會無事,再唔好彩就真係跟一世。
要注意有乜嘢食物會誘發濕疹,人人唔同,我個b一食米糊同水果就明顯轉差,一般要避免牛奶(如果唔係食人奶,可能要飲低敏奶粉/豆奶粉)、牛肉、花生、所有nuts、容易有農藥既生果(提子、莓、士多啤梨等)、蛋白同所有高蛋白質既食物,等bb大d(一歲+)先慢慢試食下。
暫時既新藥/抗敏感藥都唔適合兩歲以下bb,有人介紹藥時要問下藥廠/藥劑師先。舊既抗敏感藥水又係副作用多多,我個人認為中藥反而比較可信。
原文章由 wuleung 於 07-8-10 10:19 發表
想問下濕疹係點架? 如果確認左真係濕疹, 點處理? (除左睇醫生)
因為我有個朋友嘅bb, 睇左醫生後話係濕疹, 比藥膏揸..但係隔一排又番發, 好似斷唔到尾咁, 本身媽媽有nose敏感, 醫生話遺傳到bb有濕 ...
識網友只限吹下水、交換下資訊、發揮網力,邊個認真就邊個輸。