少年成長 今日: 0 | 主題: 15850

積分: 528

83^#

發表於 08-10-6 15:41 |只看該作者

Hi,你好呀,

囝囝返左成個月N1,到依家都仲每朝喊住話唔返學,夜晚又成日話唔返學,近日發覺佢成日話「我喊,我要曳」,就算讚佢乖,佢都會即刻話「我要曳」,仲發脾氣,大叫,呢D係咪返叛呢?咁細個就反叛?我都唔知點同佢講好,見佢咁怕返學都好心痛,想退學,但老公話唔可以一唔開心就比佢逃避,咁我都諗,遲早K1都要返學,咁就繼續比佢返,但真係唔知點可以幫到佢?同埋點令佢唔好成日話要曳曳?佢近排每次喊親都發晒顛咁,完全係失控咁,會唔會因為返學唔開心影響到呢?謝謝。

私人傳訊

積分: 33212

84^#

發表於 08-10-6 22:34 |只看該作者

原文章由 happymama_jkc 於 08-10-6 14:17 發表
HI, 你好呀 ..
我睇左你 d 一個 topic
你好厲害呀 ..
我有一樣野想請教你 , 因為我都唔知應該點做好 , 要麻煩你可以點教我去做
我今年女女4歲 , 但係係佢出世大約 3 個月爸爸就有第 3 者走左無返過黎 , 當時因為我 ...

happymama_jkc :

唔好意思....

你嘅問題我幫唔到！
我响度淨係識教行為矯正, 心理方面我唔多識, 所以唔可以隨便建議, 之前有個mom pm 我, 又係類似嘅case, 不過佢囡囡重惨d, 目睹爸爸响屋企搞, 之後就成日鬱鬱不歡, 好驚媽咪喊, 我當時幫佢問咗隔離特殊教育版Dr.T, 佢俾咗d 可以做輔導嘅地方我轉告, 但我已經冇keep, 不如你去問吓佢啦！

私人傳訊

積分: 33212

85^#

發表於 08-10-6 23:07 |只看該作者

原文章由 fatsin 於 08-10-6 15:41 發表
Hi,你好呀,

囝囝返左成個月N1,到依家都仲每朝喊住話唔返學,夜晚又成日話唔返學,近日發覺佢成日話「我喊,我要曳」,就算讚佢乖,佢都會即刻話「我要曳」,仲發脾氣,大叫,呢D係咪返叛呢?咁細個就反叛?我都唔知點同佢講好,見佢咁怕返學都好心痛,想退學,但老公話唔可以一唔開心就比佢逃避,咁我都諗,遲早K1都要返學,咁就繼續比佢返,但真係唔知點可以幫到佢?同埋點令佢唔好成日話要曳曳?佢近排每次喊親都發晒顛咁,完全係失控咁,會唔會因為返學唔開心影響到呢?謝謝。 ...

fatsin :

我覺得你囝囝話「我喊,我要曳」同「反叛」無關, 佢係attention seeking, 相信佢每次咁講你都會「有反應」俾佢, 而佢咁講亦係要攞你嘅「反應」！
「遲早K1都要返學,咁就繼續比佢返」~~ 呢樣對於我嚟講係唔成立, 唔通K1要寫字, 兩歲就要佢做劃線練習, 原因係橫豎遲一年都要？
我都明好多細路都係兩歲幾返學, 但唔係個個都咁快適應到, 你當初係点解要佢返N1呢？因唔想佢响屋企對住個工人？冇人湊？
你要先決定係唔係俾佢返學, 先知下一步点行, 如你決定唔返, 可能囝囝乜問題都冇, 如你決定返, 我再教你處理佢嘅行為同情緒！

私人傳訊

積分: 528

86^#

發表於 08-10-7 14:45 |只看該作者

Hi Sandra,

我地當初比佢返N1,係唔想佢淨係喺屋企對住姐姐,想佢同其他小朋友接觸,有社交活動,亦希望佢學吓服從,因為姐姐太錫佢,我發覺佢已有幾大既脾氣,話左咁就一定要咁,所以我會想繼續比佢返學,希望你可以教我如何處理佢既情緒同脾氣問題,謝謝。

另外,今朝兩公婆同佢去左樓下公園行下,點知佢跌左兩次(我都唔知點解佢兩歲半有多都仲行到好易跌),之後佢就唔肯行,要我抱,我地點氹點講佢淨係講「NO,NO,NO」,係都唔肯行,就算我地行左去,佢仍然企係到唔行,後黎仲跳晒DUM晒地叉起手話佢嬲,我地仍然無行埋佢到,後黎佢喊住咁跑過我果邊,我仲以為佢知驚,攬住佢話「你要拖住媽咪,如果唔係就會唔見左媽咪架喇」,佢居然仍然大聲講「NO,NO,NO」,係都唔肯行,後黎用佢鍾意既表姐氹佢,話打比表姐,唔覺唔覺佢先肯拖住行,我想請教佢依家一不如意既野就會大叫「NO,NO,NO」,不肯妥協,我地通常會用其他野引開佢注意,等佢唔記得,但點可以令佢聽指示呢,點可以令佢服從D呢

你話佢係ATTENTION SEEKING,即係點呢?我地都已經讚佢乖,仲無比ATTENTION佢?佢想要D乜呢?其實我真係覺得我唔識教佢,做得唔好,但又唔知點可以做得好D?

好多謝你。

私人傳訊

積分: 33212

87^#

發表於 08-10-7 17:23 |只看該作者

原文章由 fatsin 於 08-10-7 14:45 發表
Hi Sandra,
我地當初比佢返N1,係唔想佢淨係喺屋企對住姐姐,想佢同其他小朋友接觸,有社交活動,亦希望佢學吓服從,因為姐姐太錫佢,我發覺佢已有幾大既脾氣,話左咁就一定要咁,所以我會想繼續比佢返學,希望你可以教我如 ...

fatsin :

冇錯你囝囝係寵壞咗, 返學之前, 基本上佢係玩哂、大哂, 冇嘢係响佢唔願意嘅情況下你叫得到佢做, 或堅持佢要做, 所以, 依家要佢返學, 對佢嚟講係一種前所未有嘅挑戰, 而佢成日話「我喊,我要曳」, 係代表佢嘅不滿, 要引起你地注意.

查實搞發脾氣呢d, 我已經重覆咁答過六十幾版, 你囝囝個case係好簡單, 你先睇呢度, 睇第一個post 就得：
http://www.baby-kingdom.com/modules/newbb/viewtopic.php?topic_id=951856&post_id=16164881&order=0&viewmode=thread&pid=0&forum=25#16164881

再詳細睇番呢個topic嘅第一個post, 即点用讚；
最後睇呢度 (好多都講發脾氣, 但你睇其中一個啦 March 30, 2008 "Windy Chow"'s case 由舊開始 page 59, post #1168, 1169, 1171, 1173) ：
http://www.baby-kingdom.com/modules/newbb/viewtopic.php?topic_id=840915&forum=25#14477799

睇完上嚟話我知佢扭時你會点做, 我再答你！

[ 本文章最後由 SandraLo 於 08-10-7 17:44 編輯 ]

私人傳訊

積分: 528

88^#

發表於 08-10-8 14:59 |只看該作者

Hi Sandra,

其實我都唔係太寵佢,會同佢 say no,至於你話佢扭計時我地做法,我地通常係佢發脾氣或喊扭野時,會用其他事情轉移佢,例如會開卡通,或者用第二樣玩具之類引開佢停留係之前既事情上,咁做究竟啱唔啱呢?

其實我真係唔係好識處理佢,至於 ignore,我都有試過,好似呢排佢唔肯食飯,淨係喊,咁我放佢埋一邊,佢繼續喊,叫佢安靜1分鐘,但我唔知佢唔識定係唔聽,繼續喊,但我唔知跟住應該點做,佢喊左一段時間(約幾分鐘),叫一聲媽媽,我就行左埋去抱起佢埋位再食,佢再講「no no no」,繼續喊,最後我收埋d飯無比佢食,佢之後照玩,好似無事發生咁,究竟應點處理呢?我諗我唔識用 ignore。

至於讚,有試過,佢返學搶玩具推人,我就一放工返到去見到佢就讚佢叻,無推人無搶玩具,佢就同我講我要推人,我要喊。想請教,比如想佢乖乖訓覺,唔好每次都喊一餐先訓,應該可以點用讚方法去處理呢?

佢依家每日都同我地講唔想返學,我唔識回應佢,無出聲,講第二d野,但其實應該點回答佢呢,可以點令佢唔抗拒返學呢?

究竟點可以令佢乖呢?每次佢同我講我要曳我要喊,我真係唔識答佢,淨係同佢講你好乖喎,佢就話no no no,我要曳我要喊。

我都唔知自己想講乜,好亂咁,希望你唔好介意。謝謝你幫忙。

原文章由 SandraLo 於 08-10-7 17:23 發表

fatsin :

冇錯你囝囝係寵壞咗, 返學之前, 基本上佢係玩哂、大哂, 冇嘢係响佢唔願意嘅情況下你叫得到佢做, 或堅持佢要做, 所以, 依家要佢返學, 對佢嚟講係一種前所未有嘅挑戰, 而佢成日話「我喊,我要曳」, 係代表 ...

私人傳訊

積分: 33212

89^#

發表於 08-10-8 22:31 |只看該作者

原文章由 fatsin 於 08-10-8 14:59 發表
Hi Sandra,
其實我都唔係太寵佢,會同佢 say no,至於你話佢扭計時我地做法,我地通常係佢發脾氣或喊扭野時,會用其他事情轉移佢,例如會開卡通,或者用第二樣玩具之類引開佢停留係之前既事情上,咁做究竟啱唔啱呢? 其實 ...

fatsin :

我咁睇：你並唔係佢要乜俾乜嗰種寵佢, 但實際上, 你冇嘢係正面又正式咁話佢知「唔得」, 只係迴避同揾「代替品」氹住佢, 咁响佢嚟講, 發咗脾氣先係冇衰, 因總會有甜頭, 差在係d乜, 咁其實就「助長」佢去發脾氣；而返學就係一條導火線引發佢去發更多脾氣, 因為係有史以來唯一一樣當佢拒絕時, 竟然係一定要返而又冇代替品offer的, 所以做成佢情緒上嘅不安, 成日講「我喊,我要曳」嚟引起注意 (因你必然會成日講唔好喊同要乖)！
好啦, 我昨日list 出嚟嘅posts 你睇哂未？
重有, 我想知你講嘅問題, 邊d 係返咗學先發生嘅呢？

私人傳訊

積分: 528

90^#

發表於 08-10-9 11:28 |只看該作者

Hi Sandra,

嘩,你講完,我好似有少少方向咁,你叫我既 post 已睇晒,咁尋晚佢又唔肯訓,不斷講no,我就用肯定語氣同佢講唔得,要訓喇,唔可以發脾氣但佢仍然只係在床上氹腳同講no,完全唔理我,仲話佢自己曳,我無辦法,於是同佢講媽咪曳,同佢鬥講,佢跟住用奇怪眼神望住我,跟住唔記得左之前發生既野,我繼續同佢講故仔,咁佢就肯訓係張床到,不過都訓左成個鐘先訓到,係咁在床上唱學校d兒歌。

又好似尋晚食飯時,我已將佢d餸剪好晒放係佢個碗到,但佢係都要自己攞我地大人碟上既餸,唔比佢就大叫大吵講no,後黎最後佢都係自己食晒個碟上既餸,之後就食埋自己碗飯,當佢吵時我都有用肯定語氣同佢講唔可以發脾氣,我今次忍住無黑面,無鬧佢(睇完你既 post),但似乎唔成功,有乜要留意呢?

你問佢邊d問題係返學後出現,應該係成日講我要曳,我要喊,我唔返學,同埋少少野都大發脾氣話no,狂氹地同跳住喊。

請教我地迴避同用代替品既問題可以點解決呢?謝謝

原文章由 SandraLo 於 08-10-8 22:31 發表

fatsin :

我咁睇：你並唔係佢要乜俾乜嗰種寵佢, 但實際上, 你冇嘢係正面又正式咁話佢知「唔得」, 只係迴避同揾「代替品」氹住佢, 咁响佢嚟講, 發咗脾氣先係冇衰, 因總會有甜頭, 差在係d乜, 咁其實就「助長」佢去發 ...

私人傳訊

積分: 33212

91^#

發表於 08-10-9 23:13 |只看該作者

原文章由 fatsin 於 08-10-9 11:28 發表
Hi Sandra,

嘩,你講完,我好似有少少方向咁,你叫我既 post 已睇晒,咁尋晚佢又唔肯訓,不斷講no,我就用肯定語氣同佢講唔得,要訓喇,唔可以發脾氣但佢仍然只係在床上氹腳同講no,完全唔理我,仲話佢自己曳,我無辦法,於是同 ...

fatsin :

好, 我地就搞咗佢成日話「我喊,我要曳」呢樣先…….
佢話呢d 嘢其實冇影響人, 所以ignore就夠了, 他說這些話是要引起注意, 你們若對這些話沒有反應, 他便不會說了, 記得唔好話同鬧, 有乜照做照講, 保持溝通, 只係佢講「我喊,我要曳」時不作反應便成.
另外要用「讚」來讓他知道什麼是好行為, 每日約三次, 讚他：「bb好乖喎, 冇話要曳！」起初幾次, 佢會即刻話我要曳, (因佢以為會引起你注意) 你照樣ignore, 到第三日, 捉緊timing, 讚完再用獎勵嚟加强讚的效果, 例如話：「bb好乖喎, 冇話要曳！我地一齊玩XX (佢鍾意嘅遊戲) 啦！」
與此同時, 响晚上嘅講故事時間, 揾d 講有關返學嘅故事書, 滲d 滲d 咁俾佢知点解要返學,冇小朋友會唔駛返學…. 唔返學就乜都唔識等等.
以上方法, 五日內如未掂, 你應該有d 嘢做錯咗……

另你講佢尋晚食飯嗰度, 你話「後黎最後佢都係自己食晒個碟上既餸,之後就食埋自己碗飯」,点解話係「
似乎唔成功」呢？

至於氹/代替品問題, 其實都係用ignore, 因一樣你一定唔會俾佢嘅嘢, 你係要正面咁話佢知, 你愈怕佢扭同喊, 佢就愈做, 唯有你唔怕, 即俾佢知喊/扭係冇用, 佢先至唔喊/扭！

私人傳訊

積分: 528

92^#

發表於 08-10-10 11:15 |只看該作者

Sandra,

多謝你既意見,我會照住做,希望5日後話好消息比你知。

想請教多少少,比喻佢扭野,狂喊,狂氹地,失控,咁你話唔用代替品等方法而用 ignore,係咪即係唔理佢,由得佢喊,喊到佢自己收聲?咁之後可以點教番佢呢?曾經試過係佢停止喊時想再同佢講番,一講佢就好惡咁話 no no no,尋晚仲用手打我添,我用肯定語氣同佢講唔可以發脾氣,唔可以打媽媽,咁做啱唔啱呢,但佢仍然繼續,我可以點呢?

至於食飯我話好似唔成功,係因為我用肯定語氣叫佢唔可以發脾氣唔好喊,佢無聽到,只係自顧自堅持食晒大人碟餸,然後食自己碟餸,所以停止叫喊,而唔係聽到我講乜而停止,所以我都係唔知當時應該點做,有朋友話叫我當時應該拎走所有餸,由得佢唔好食,因為佢自己都唔知自己喊乜野(因為我地已比番晒拎起左既餸放在碟上),咁做得唔得呢?

我最希望知道「點樣可以令佢知佢應該點做先啱」。謝謝

原文章由 SandraLo 於 08-10-9 23:13 發表

fatsin :

好, 我地就搞咗佢成日話「我喊,我要曳」呢樣先…….
佢話呢d 嘢其實冇影響人, 所以ignore就夠了, 他說這些話是要引起注意, 你們若對這些話沒有反應, 他便不會說了, 記得唔好話同鬧, 有乜照做照講, 保持 ...

私人傳訊

積分: 33212

93^#

發表於 08-10-10 21:52 |只看該作者

原文章由 fatsin 於 08-10-10 11:15 發表
Sandra,
多謝你既意見,我會照住做,希望5日後話好消息比你知。
想請教多少少,比喻佢扭野,狂喊,狂氹地,失控,咁你話唔用代替品等方法而用 ignore,係咪即係唔理佢,由得佢喊,喊到佢自己收聲?咁之後可以點教番佢呢?曾經 ...

fatsin :

你再詳細睇一次呢段：
「点解ignore咁難？因為呢個係人嘅「自然反應」，叫唔係應囉，点解要唔俾反應？但係喊呢樣又係bb嘅「自然反應」嚟喎！？當佢地未識講嘢個陣就用喊嚟表達，大大吓，發現一喊就有人理，同埋有好多 offer，咁梗係有理冇理喊咗至講啦！如是者，喊喊吓慣咗，阿媽唔即時俾我就唔啱啦，咁梗要升級啦，喊勁啲兼瞓落地囉……… 你唔想佢瞓地就唯有乖乖就範，咁下次，必然食過番尋味，有地瞓地，有啲阿媽知道咁落去唔掂，但又以為個仔真係「傷心」，又以為已經ignore過，重問唔係咁可以点…… 事實上小朋友喊，90%都唔係代表傷心，只係代表要求！」

「我用肯定語氣同佢講唔可以發脾氣,唔可以打媽媽,咁做啱唔啱呢,但佢仍然繼續,我可以點呢?」~~ 我再copy番之前叫你睇個解話：
「話人呢樣嘢，係十個人十個都會中招，點解？因為我地自己細個時，阿媽都係咁「話」我地，我地被話十次，總有三次都係聽，便形成咗呢個「話」的文化，自己都係「話」大或者打大，當然話/打番自己嗰件。但時移世易，小朋友已經唔怕阿媽話同打，話得多，重慣咗，唔聽，甚至駁嘴……」
話就聽, 個個都唔駛上嚟揾幫手, 天下太平啦！

你心急咗

..…...…. 我知你仍然有好多問題, 但你未「通」, 所以雖然問題只有一個, 但你未能將解決方法apply 响另一處…….... 因此, 我要你搞掂一樣先搞另一樣, 好過因你唔識處理而全部都唔得！而當你第一次出擊成功, 你先有經驗同信心去做第二、三次！

p.s. 呢度：「與此同時, 响晚上嘅講故事時間, 揾d 講有關返學嘅故事書, 滲d 滲d 咁俾佢知点解要返學,冇小朋友會唔駛返學…. 唔返學就乜都唔識等等.」 ~~ 要解話, 响開開心心嘅睡前講故事時間, 如嗰晚佢發脾氣, 又要選第二個時間！

私人傳訊

danielmorris

複式洋房

積分: 334

94^#

發表於 08-10-11 10:48 |只看該作者

你好!

我想請教一下,小兒3歲,原本已誡睡前的一支奶,以準備誡夜片,但近來他要飲奶奶才肯睡. 而我與父母同住,個仔一要求公公婆婆便會給他.
昨天晚上可說是一個漫長夜,個仔訓到2點幾醒左,無啦啦要飲奶奶,我不給他,說很夜了,而且你9:30PM訓果時已經飲了,天光才飲吧! 他一直放聲大喊,一邊喊,一邊叫婆婆,我阿媽開左支奶開房門想比佢飲,我拒絕並關門,個仔一直喊,一邊同我講媽咪我要奶奶明唔明白,又叫我抱佢,我用ignore 的方法, 訓響床度背住佢及不準他落床,曾經想用打來威嚇他,但我也算把情緒控制住.沒打.
當他無喊時,我替他抹眼淚及汗,一抹他又喊過,我又ignore 佢,循環了2次,他才肯訓.足足搞左成個鐘,
我的問題是,
1.
這次對我而言他半夜要求飲奶是無理的要求,故此我ignore他,對嗎?
2.
他會明白半夜要求飲奶是一個無理要求嗎?
3.
若要重新誡睡前一支奶,可用ignore嗎?

謝謝幫忙!
由於小朋友脾氣大的topic很久沒有人上,所以在此重覆!

私人傳訊

積分: 33212

95^#

發表於 08-10-12 22:14 |只看該作者

原文章由 danielmorris 於 08-10-11 10:48 發表
你好!

我想請教一下,小兒3歲,原本已誡睡前的一支奶,以準備誡夜片,但近來他要飲奶奶才肯睡. 而我與父母同住,個仔一要求公公婆婆便會給他.
昨天晚上可說是一個漫長夜,個仔訓到2點幾醒左,無啦啦要飲奶奶,我不給他,說很 ...

danielmorris :

响呢邊答咗你啦：
http://forum.baby-kingdom.com/viewthread.php?tid=840915&extra=&page=1

私人傳訊

積分: 528

96^#

發表於 08-10-14 12:49 |只看該作者

Hi, Sandra,

我都係覺得好亂,可能我理解能力唔多好,咁係咪即係唔好同佢講「唔可以...」、「...唔啱」?

咁如果係佢曳緊時,例如大吵大鬧,大喊,只要係唔影響其他心既情況,我都可以採用「ignore」方法呢?係之後適當時間先用「讚」既方法令佢知道乜係啱呢?咁係咪即係每次唔聽話都由得佢,當時果刻唔使處理呢?

謝謝你

原文章由 SandraLo 於 08-10-10 21:52 發表

fatsin :

你再詳細睇一次呢段：
「点解ignore咁難？因為呢個係人嘅「自然反應」，叫唔係應囉，点解要唔俾反應？但係喊呢樣又係bb嘅「自然反應」嚟喎！？當佢地未識講嘢個陣就用喊嚟表達，大大吓，發現一喊就有人理，同埋有好多 offer， ...

私人傳訊

積分: 33212

97^#

發表於 08-10-14 22:49 |只看該作者

原文章由 fatsin 於 08-10-14 12:49 發表
Hi, Sandra,
我都係覺得好亂,可能我理解能力唔多好,咁係咪即係唔好同佢講「唔可以...」、「...唔啱」?
咁如果係佢曳緊時,例如大吵大鬧,大喊,只要係唔影響其他心既情況,我都可以採用「ignore」方法呢?...

fatsin :

首先, 我要知道先前的問題(佢話佢要曳)是否已解決......我地再去第二樣！

「大吵大鬧大扭」~~ 必須 ignore, 佢先知咁做係冇用而唔再做！否則, 佢以後都會用咁嘅方式嚟向你「要求」！

「係咪即係每次唔聽話都由得佢」~~ 絕對唔係！点樣唔聽話法？点樣為之由得佢？每個case做法都唔同, 如你真係唔明我之前所講, 我情願你逐個case問！

私人傳訊

積分: 528

98^#

發表於 08-10-15 11:58 |只看該作者

Hi Sandra,

真係好多謝你仍耐心指導我,有關「我要曳,我要喊」,至今已連續5日無講過,而我係讚佢時佢居然會講「let's eat blackberry」,有無問題呢?

至於我話「大吵大鬧大扭」,其實係我叫佢唔好做某一d野時佢多數比我既反應,例如食飯時,佢會鍾意用隻匙「but」我地d餸食,唔食自己碗飯,我叫佢食少少飯先再食其他餸,佢會大叫「no」同埋喊。

又例如尋日佢入左廚房,我叫佢出返黎,話危險,佢唔肯,仲喊,我抱佢出黎佢居然「典」落地,我都夾硬抱左佢出去,佢當然喊啦,跟住我用左其他野分散佢注意,佢就收左聲唔記得左,不過每次我叫佢唔好做乜,佢多數唔合作,會say「no」同喊。

「唔聽話」例子仲包括唔肯沖涼,每次都要夾硬抱佢入去,但其實沖沖下佢又無野。

「由得佢」,我意思係問「係咪唔理佢,由佢喊既喊、吵既吵,直至佢自己收聲」,如果唔係「由得佢」,咁可以點呢,舉個例子,佢上次唔肯食飯,仲打左我,我用肯定語氣同佢講「唔可以打媽媽」,你之前意思好似話我用左「話」呢個方法唔啱,咁我係呢個case到可以點做呢?

謝謝你。

原文章由 SandraLo 於 08-10-14 22:49 發表

fatsin :

首先, 我要知道先前的問題(佢話佢要曳)是否已解決......我地再去第二樣！

「大吵大鬧大扭」~~ 必須 ignore, 佢先知咁做係冇用而唔再做！否則, 佢以後都會用咁嘅方式嚟向你「要求」！

「係咪即係每次唔聽話都 ...

私人傳訊

積分: 33212

99^#

發表於 08-10-15 22:57 |只看該作者

原文章由 fatsin 於 08-10-15 11:58 發表
Hi Sandra,

真係好多謝你仍耐心指導我,有關「我要曳,我要喊」,至今已連續5日無講過,而我係讚佢時佢居然會講「let's eat blackberry」,有無問題呢?

至於我話「大吵大鬧大扭」,其實係我叫佢唔好做某一d野時佢多數比 ...

fatsin :

佢已經冇再講「我要曳,我要喊」, 咁即係成功咗啦！

第二樣不如就搞食飯啦…… 你要改d 乜？
「佢會鍾意用隻匙「but」我地d餸食,唔食自己碗飯」~~ 你地d餸同佢d 有唔同？你想佢唔食你d 餸？定係唔搞其他嘢？

「不過每次我叫佢唔好做乜,佢多數唔合作,會say no同喊。」~~ 呢樣我一早講過：你根本未正式拒絕過佢, 每樣你唔想佢做嘅嘢都冇正式咁話佢知唔得, 淨係俾代替品, 佢每次唔順意都必定大扭咗先, 因為不會空手回！如你唔肯改變, 依然選俾代替品而唔「容許」佢喊, 神仙都教唔到你！！

私人傳訊