吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 成日話「讚」可以改正小朋友壞行為，到底點解同點讚？ ...

少年成長今日: 3|主題: 15852

收藏本版

發帖

返回列表

跳至頁

樓主: SandraLo

成日話「讚」可以改正小朋友壞行為，到底點解同點讚？ [複製鏈接]

133

fatsin

別墅

積分: 528

1^#

發表於 08-10-6 15:41 |顯示全部帖子

Hi,你好呀,

囝囝返左成個月N1,到依家都仲每朝喊住話唔返學,夜晚又成日話唔返學,近日發覺佢成日話「我喊,我要曳」,就算讚佢乖,佢都會即刻話「我要曳」,仲發脾氣,大叫,呢D係咪返叛呢?咁細個就反叛?我都唔知點同佢講好,見佢咁怕返學都好心痛,想退學,但老公話唔可以一唔開心就比佢逃避,咁我都諗,遲早K1都要返學,咁就繼續比佢返,但真係唔知點可以幫到佢?同埋點令佢唔好成日話要曳曳?佢近排每次喊親都發晒顛咁,完全係失控咁,會唔會因為返學唔開心影響到呢?謝謝。

私人傳訊

fatsin

別墅

積分: 528

2^#

發表於 08-10-7 14:45 |顯示全部帖子

Hi Sandra,

我地當初比佢返N1,係唔想佢淨係喺屋企對住姐姐,想佢同其他小朋友接觸,有社交活動,亦希望佢學吓服從,因為姐姐太錫佢,我發覺佢已有幾大既脾氣,話左咁就一定要咁,所以我會想繼續比佢返學,希望你可以教我如何處理佢既情緒同脾氣問題,謝謝。

另外,今朝兩公婆同佢去左樓下公園行下,點知佢跌左兩次(我都唔知點解佢兩歲半有多都仲行到好易跌),之後佢就唔肯行,要我抱,我地點氹點講佢淨係講「NO,NO,NO」,係都唔肯行,就算我地行左去,佢仍然企係到唔行,後黎仲跳晒DUM晒地叉起手話佢嬲,我地仍然無行埋佢到,後黎佢喊住咁跑過我果邊,我仲以為佢知驚,攬住佢話「你要拖住媽咪,如果唔係就會唔見左媽咪架喇」,佢居然仍然大聲講「NO,NO,NO」,係都唔肯行,後黎用佢鍾意既表姐氹佢,話打比表姐,唔覺唔覺佢先肯拖住行,我想請教佢依家一不如意既野就會大叫「NO,NO,NO」,不肯妥協,我地通常會用其他野引開佢注意,等佢唔記得,但點可以令佢聽指示呢,點可以令佢服從D呢

你話佢係ATTENTION SEEKING,即係點呢?我地都已經讚佢乖,仲無比ATTENTION佢?佢想要D乜呢?其實我真係覺得我唔識教佢,做得唔好,但又唔知點可以做得好D?

好多謝你。

私人傳訊

fatsin

別墅

積分: 528

3^#

發表於 08-10-8 14:59 |顯示全部帖子

Hi Sandra,

其實我都唔係太寵佢,會同佢 say no,至於你話佢扭計時我地做法,我地通常係佢發脾氣或喊扭野時,會用其他事情轉移佢,例如會開卡通,或者用第二樣玩具之類引開佢停留係之前既事情上,咁做究竟啱唔啱呢?

其實我真係唔係好識處理佢,至於 ignore,我都有試過,好似呢排佢唔肯食飯,淨係喊,咁我放佢埋一邊,佢繼續喊,叫佢安靜1分鐘,但我唔知佢唔識定係唔聽,繼續喊,但我唔知跟住應該點做,佢喊左一段時間(約幾分鐘),叫一聲媽媽,我就行左埋去抱起佢埋位再食,佢再講「no no no」,繼續喊,最後我收埋d飯無比佢食,佢之後照玩,好似無事發生咁,究竟應點處理呢?我諗我唔識用 ignore。

至於讚,有試過,佢返學搶玩具推人,我就一放工返到去見到佢就讚佢叻,無推人無搶玩具,佢就同我講我要推人,我要喊。想請教,比如想佢乖乖訓覺,唔好每次都喊一餐先訓,應該可以點用讚方法去處理呢?

佢依家每日都同我地講唔想返學,我唔識回應佢,無出聲,講第二d野,但其實應該點回答佢呢,可以點令佢唔抗拒返學呢?

究竟點可以令佢乖呢?每次佢同我講我要曳我要喊,我真係唔識答佢,淨係同佢講你好乖喎,佢就話no no no,我要曳我要喊。

我都唔知自己想講乜,好亂咁,希望你唔好介意。謝謝你幫忙。

原文章由 SandraLo 於 08-10-7 17:23 發表

fatsin :

冇錯你囝囝係寵壞咗, 返學之前, 基本上佢係玩哂、大哂, 冇嘢係响佢唔願意嘅情況下你叫得到佢做, 或堅持佢要做, 所以, 依家要佢返學, 對佢嚟講係一種前所未有嘅挑戰, 而佢成日話「我喊,我要曳」, 係代表 ...

私人傳訊

fatsin

別墅

積分: 528

4^#

發表於 08-10-9 11:28 |顯示全部帖子

Hi Sandra,

嘩,你講完,我好似有少少方向咁,你叫我既 post 已睇晒,咁尋晚佢又唔肯訓,不斷講no,我就用肯定語氣同佢講唔得,要訓喇,唔可以發脾氣但佢仍然只係在床上氹腳同講no,完全唔理我,仲話佢自己曳,我無辦法,於是同佢講媽咪曳,同佢鬥講,佢跟住用奇怪眼神望住我,跟住唔記得左之前發生既野,我繼續同佢講故仔,咁佢就肯訓係張床到,不過都訓左成個鐘先訓到,係咁在床上唱學校d兒歌。

又好似尋晚食飯時,我已將佢d餸剪好晒放係佢個碗到,但佢係都要自己攞我地大人碟上既餸,唔比佢就大叫大吵講no,後黎最後佢都係自己食晒個碟上既餸,之後就食埋自己碗飯,當佢吵時我都有用肯定語氣同佢講唔可以發脾氣,我今次忍住無黑面,無鬧佢(睇完你既 post),但似乎唔成功,有乜要留意呢?

你問佢邊d問題係返學後出現,應該係成日講我要曳,我要喊,我唔返學,同埋少少野都大發脾氣話no,狂氹地同跳住喊。

請教我地迴避同用代替品既問題可以點解決呢?謝謝

原文章由 SandraLo 於 08-10-8 22:31 發表

fatsin :

我咁睇：你並唔係佢要乜俾乜嗰種寵佢, 但實際上, 你冇嘢係正面又正式咁話佢知「唔得」, 只係迴避同揾「代替品」氹住佢, 咁响佢嚟講, 發咗脾氣先係冇衰, 因總會有甜頭, 差在係d乜, 咁其實就「助長」佢去發 ...

私人傳訊

fatsin

別墅

積分: 528

5^#

發表於 08-10-10 11:15 |顯示全部帖子

Sandra,

多謝你既意見,我會照住做,希望5日後話好消息比你知。

想請教多少少,比喻佢扭野,狂喊,狂氹地,失控,咁你話唔用代替品等方法而用 ignore,係咪即係唔理佢,由得佢喊,喊到佢自己收聲?咁之後可以點教番佢呢?曾經試過係佢停止喊時想再同佢講番,一講佢就好惡咁話 no no no,尋晚仲用手打我添,我用肯定語氣同佢講唔可以發脾氣,唔可以打媽媽,咁做啱唔啱呢,但佢仍然繼續,我可以點呢?

至於食飯我話好似唔成功,係因為我用肯定語氣叫佢唔可以發脾氣唔好喊,佢無聽到,只係自顧自堅持食晒大人碟餸,然後食自己碟餸,所以停止叫喊,而唔係聽到我講乜而停止,所以我都係唔知當時應該點做,有朋友話叫我當時應該拎走所有餸,由得佢唔好食,因為佢自己都唔知自己喊乜野(因為我地已比番晒拎起左既餸放在碟上),咁做得唔得呢?

我最希望知道「點樣可以令佢知佢應該點做先啱」。謝謝

原文章由 SandraLo 於 08-10-9 23:13 發表

fatsin :

好, 我地就搞咗佢成日話「我喊,我要曳」呢樣先…….
佢話呢d 嘢其實冇影響人, 所以ignore就夠了, 他說這些話是要引起注意, 你們若對這些話沒有反應, 他便不會說了, 記得唔好話同鬧, 有乜照做照講, 保持 ...

私人傳訊

fatsin

別墅

積分: 528

6^#

發表於 08-10-14 12:49 |顯示全部帖子

Hi, Sandra,

我都係覺得好亂,可能我理解能力唔多好,咁係咪即係唔好同佢講「唔可以...」、「...唔啱」?

咁如果係佢曳緊時,例如大吵大鬧,大喊,只要係唔影響其他心既情況,我都可以採用「ignore」方法呢?係之後適當時間先用「讚」既方法令佢知道乜係啱呢?咁係咪即係每次唔聽話都由得佢,當時果刻唔使處理呢?

謝謝你

原文章由 SandraLo 於 08-10-10 21:52 發表

fatsin :

你再詳細睇一次呢段：
「点解ignore咁難？因為呢個係人嘅「自然反應」，叫唔係應囉，点解要唔俾反應？但係喊呢樣又係bb嘅「自然反應」嚟喎！？當佢地未識講嘢個陣就用喊嚟表達，大大吓，發現一喊就有人理，同埋有好多 offer， ...

私人傳訊

fatsin

別墅

積分: 528

7^#

發表於 08-10-15 11:58 |顯示全部帖子

Hi Sandra,

真係好多謝你仍耐心指導我,有關「我要曳,我要喊」,至今已連續5日無講過,而我係讚佢時佢居然會講「let's eat blackberry」,有無問題呢?

至於我話「大吵大鬧大扭」,其實係我叫佢唔好做某一d野時佢多數比我既反應,例如食飯時,佢會鍾意用隻匙「but」我地d餸食,唔食自己碗飯,我叫佢食少少飯先再食其他餸,佢會大叫「no」同埋喊。

又例如尋日佢入左廚房,我叫佢出返黎,話危險,佢唔肯,仲喊,我抱佢出黎佢居然「典」落地,我都夾硬抱左佢出去,佢當然喊啦,跟住我用左其他野分散佢注意,佢就收左聲唔記得左,不過每次我叫佢唔好做乜,佢多數唔合作,會say「no」同喊。

「唔聽話」例子仲包括唔肯沖涼,每次都要夾硬抱佢入去,但其實沖沖下佢又無野。

「由得佢」,我意思係問「係咪唔理佢,由佢喊既喊、吵既吵,直至佢自己收聲」,如果唔係「由得佢」,咁可以點呢,舉個例子,佢上次唔肯食飯,仲打左我,我用肯定語氣同佢講「唔可以打媽媽」,你之前意思好似話我用左「話」呢個方法唔啱,咁我係呢個case到可以點做呢?

謝謝你。

原文章由 SandraLo 於 08-10-14 22:49 發表

fatsin :

首先, 我要知道先前的問題(佢話佢要曳)是否已解決......我地再去第二樣！

「大吵大鬧大扭」~~ 必須 ignore, 佢先知咁做係冇用而唔再做！否則, 佢以後都會用咁嘅方式嚟向你「要求」！

「係咪即係每次唔聽話都 ...

私人傳訊

fatsin

別墅

積分: 528

8^#

發表於 08-10-16 12:26 |顯示全部帖子

10版咁多,我會慢慢睇,謝謝你。

好吖,第二樣搞食飯,佢會有自己既蒸肉,咁我會再比d我地大人食既魚、菜同其他肉佢食,但佢成日要搞我地d餸,就算比左佢,佢都要自己「but but 吓」,仲會喊,因為我地阻止佢搞搞下,放左係佢個碗到,咁係呢到我可以點做,做到「正式拒絕佢」?拒絕咁咪要講「唔可以....」囉,咁佢持續大喊,我又可以點呢,我上次就試過放佢埋一邊喊,無比佢食,佢喊左1個鐘,我無理佢,之後佢走埋我到拍我,我叫佢收聲先同我講,佢真係收聲(第一次叫佢收聲佢會照做),跟住問我佢個碗呢,咁我就問佢係咪要食飯(因之前佢一路喊一路話唔食飯),佢話係,我就比番佢食,佢好快咁食晒,咁我應該係邊個位到教佢同佢講佢有乜唔啱?

原文章由 SandraLo 於 08-10-15 22:57 發表

fatsin :

佢已經冇再講「我要曳,我要喊」, 咁即係成功咗啦！

第二樣不如就搞食飯啦…… 你要改d 乜？
「佢會鍾意用隻匙「but」我地d餸食,唔食自己碗飯」~~ 你地d餸同佢d 有唔同？你想佢唔食你d 餸？定係唔搞其他嘢？

...

私人傳訊

fatsin

別墅

積分: 528

9^#

發表於 08-10-17 12:34 |顯示全部帖子

Hi Sandra,

原來係咁。

你話條件係要佢食完一樣再BUT第二樣,我既問題係佢唔會聽我既條件,如果佢真係唔聽又亂BUT野,唔食係佢個碗到D飯同餸時,我可以點做呢?IGNORE佢由得佢喊,跟住將我地餸放離佢遠D,我地繼續食,由得佢喊?又或直情唔比佢食,將佢拎去NAUGHTY CHAIR,我地繼續食?可以點令佢同意我既條件呢?我其實都會比佢食我地D餸,不過係想佢又食自己D又食我地D。

另有一樣新鮮熱辣,希望你可以教吓我,尋晚照平時一樣約10點多d帶佢上床,佢平時都唔多願意訓,要用野tum,比如近日佢晚晚要食一粒佢鍾意食既藥,我就用呢粒藥引佢上床,免強都ok,咁尋晚如是者,講完故事關燈拍佢訓,但佢訓訓下起身,我禁返佢落去,佢再起身,仲出埋廳果度,後黎仲拎紙筆係到畫野,好,我同佢講畫完呢張要去訓喇,佢話好,點知畫極都唔肯入番去訓,我忍住無鬧佢,後黎已近11點,我夾硬抱起佢入房,佢大喊大典,但佢無我咁大力,我地入左房,佢訓係地下到,我同佢講依家好夜,要訓覺,如果唔係聽日無精神返學,佢繼續喊,我再同佢重覆講要訓,如果唔係對眼會變黑,會睇唔到野架,跟住我用手掩住自己對眼,一路講話唔夠訓就變黑睇唔到野,見唔到我個囝囝,囝囝又見唔到爸爸媽媽,點知佢好似靜左少少,仲走過黎攬住我,我趁機抱起佢攬住佢係佢耳邊細細聲再講多次以上既對話,再慢慢放佢落床,其實佢已好眼訓,拍左一陣佢已訓著,雖然最後佢係訓左,但我好想知一開始佢唔肯訓時,其實我可以點做呢?

p.s.其實係佢未發作話唔訓時,係一上床果刻我已讚左佢話佢乖,肯自己上床訓覺。

另外,尋晚佢又唔肯入去沖涼,最後又係我夾硬抱佢入去,佢大喊想落地,後黎爸爸入黎搞下笑,佢笑笑吓就唔記得左喊,仲可以順利沖到涼,點可以係一開始帶佢入去沖涼時令佢自願呢,我之前都有讚過佢叻叻肯去沖涼。

謝謝你,我覺得我無乜用,要每個case同你講,先可以解決問題,可能我理解能力真係好差,實在唔好意思。

原文章由 SandraLo 於 08-10-16 22:38 發表

fatsin :

佢已經學咗宝貴嘅一課啦...... 唔須要再教佢d 乜......
你叫佢收聲佢會照做嘅原因, 係佢响喊嘅嗰個鐘裡面, 你冇offer代替品俾佢, 令佢相信再喊都冇用, 諗諗吓可能連初初為乜喊都唔記得咗, 重要媽咪冇理 ...

私人傳訊

fatsin

別墅

積分: 528

10^#

發表於 08-10-20 15:20 |顯示全部帖子

Hi Sandra,

我而家改左佢既食飯時間,係佢一放學就比佢食,得佢自已d餸,佢都ok,食得好快,之後到我地食時比佢埋枱一齊食,咁佢要自己but餸食,我由得佢,個心無咁煩,因為佢已食左基本既飯同餸,我由得佢自己but,所以呢個問題暫時係咪可以放低先??

咁你可唔可以教我處理佢唔肯上床訓既問題呢?例子:尋晚照平時一樣約10點多d帶佢上床,佢平時都唔多願意訓,要用野tum,比如近日佢晚晚要食一粒佢鍾意食既藥,我就用呢粒藥引佢上床,免強都ok,咁尋晚如是者,講完故事關燈拍佢訓,但佢訓訓下起身,我禁返佢落去,佢再起身,仲出埋廳果度,後黎仲拎紙筆係到畫野,好,我同佢講畫完呢張要去訓喇,佢話好,點知畫極都唔肯入番去訓,我忍住無鬧佢,後黎已近11點,我夾硬抱起佢入房,佢大喊大典,但佢無我咁大力,我地入左房,佢訓係地下到,我同佢講依家好夜,要訓覺,如果唔係聽日無精神返學,佢繼續喊,我再同佢重覆講要訓,如果唔係對眼會變黑,會睇唔到野架,跟住我用手掩住自己對眼,一路講話唔夠訓就變黑睇唔到野,見唔到我個囝囝,囝囝又見唔到爸爸媽媽,點知佢好似靜左少少,仲走過黎攬住我,我趁機抱起佢攬住佢係佢耳邊細細聲再講多次以上既對話,再慢慢放佢落床,其實佢已好眼訓,拍左一陣佢已訓著,雖然最後佢係訓左,但我好想知一開始佢唔肯訓時,其實我可以點做呢?

p.s.其實係佢未發作話唔訓時,係一上床果刻我已讚左佢話佢乖,肯自己上床訓覺。

原文章由 SandraLo 於 08-10-17 19:55 發表

fatsin :

查實你真係唔好處理其他嘢住….. 總知用住一招ignore先, 要扭由得佢！
首先, 記住佢要喊由得佢係冇衰, 至於佢要but你地D餸, 你淨係覺得佢係搞住你, 有冇先諗吓点解？雖然用行為矯正法係唔須要知点解都得, 但 ...

私人傳訊

fatsin

別墅

積分: 528

11^#

發表於 08-10-21 12:20 |顯示全部帖子

Hi Sandra,

通常我10點帶佢上床訓,早上約7點半起身,中午約1-3點係學校訓晏覺。

原文章由 SandraLo 於 08-10-20 19:33 發表

fatsin :

問題只係：你覺得「佢自己but餸」是否一個要改的行為..... 如你不覺得要改, 基本上係冇問題！

瞓覺方面, 可否話我知佢幾点起身同有冇瞓晏覺？

我屋企部電腦瓜咗, 睇怕都要整三幾日, 下面twg個case同你有d 似 ...