吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 有冇覺得D人特登同小朋友講英文好怪

少年成長今日: 0|主題: 15848

收藏本版

發帖

返回列表

跳至頁

查看: 4164 | 回覆: 34

有冇覺得D人特登同小朋友講英文好怪 [複製鏈接]

Whicheng

大宅

積分: 1324

1^#

發表於 14-4-2 13:01 |只看該作者 |倒序瀏覽 |打印

琴日我估應該係同事個女扭計，所以佢工人打俾佢求救，我聽到佢用英文氹個女。雖然我同事係英國讀書返嚟，但始終英文都唔係native，聽得出係港式口音。其實我唔明點解明明自己係香港人係都要都D細路講英文？真係唔明咩心態？

0 0 0

私人傳訊

pokey

大宅

積分: 4758

2^#

發表於 14-4-2 13:15 |只看該作者

回覆：有冇覺得D人特登同小朋友講英文好怪

可能佢地唔介意小朋友中文唔好呢，反正大可以送佢出外國，可能佢地只追求流暢呢，不追求口音及文法準確性，所以只要造就練習環境。

不過我就真係好介意半中半英喇！你eat唔eat cake cake 呀？唔eat呀？eat bread 啦！

點評

kittykat8p

發表於 14-4-4 08:31

私人傳訊

no_mood

大宅

積分: 1449

3^#

發表於 14-4-2 13:54 |只看該作者

回覆：有冇覺得D人特登同小朋友講英文好怪

以前未做人阿媽都唔明，依家明白，係為咗製造語境。香港人太介意口音同文法呢樣嘢，所以成日唔夠膽講。其實全世界人講英語大部份都有口音，普通話都係一樣。我剩係好憎“eat 唔eat" 呢啲！

私人傳訊

Whicheng

大宅

積分: 1324

4^#

發表於 14-4-2 14:43 |只看該作者

no_mood 發表於 14-4-2 13:54
以前未做人阿媽都唔明，依家明白，係為咗製造語境。香港人太介意口音同文法呢樣嘢，所以成日唔夠膽講。其實 ...

我都明你意思嘅，但係我自己就接受唔倒，明明係中國人要講英文好古怪。何況我真係唔想個女跟埋我D肉酸港式口音。不過我認同最差係半中半英，我奶奶仲恐怖，係唔中唔英，有次係cam度聽到佢問我個女"where is the 扑扑？"我諗極都唔知咩係扑扑，後來先知原來係box呀！

私人傳訊

wan_sosin

珍珠宮

積分: 40059

5^#

發表於 14-4-2 22:03 |只看該作者

我都唔鍾意明明係人要講鬼話!

尤其係令到個小朋友唔識用中文溝通嗰D!攪到個小朋友出街唔明人哋講乜!

想小朋友英文好,大可以係屋企講故事書時用英文,只比英文節目小朋友睇!
再搵個外籍英文老師都得!

其實中英都好嘅小朋友唔少,好多父母平常講中文,但一樣教到個小朋友英文好好!

點評

cffw Agree 發表於 14-4-9 00:05

私人傳訊

fatbu

複式洋房

積分: 191

6^#

發表於 14-4-2 22:37 |只看該作者

回覆：有冇覺得D人特登同小朋友講英文好怪

我都唔明，乜講中文好失禮！中国人連中文都講唔好，先至失禮

私人傳訊

Cheeselover

別墅

積分: 768

7^#

發表於 14-4-3 06:53 |只看該作者

回覆：有冇覺得D人特登同小朋友講英文好怪

容我在此抱不同意見，小朋友在6歲前對學習語言擁有非凡能力，及後慢慢消失，十幾歲後就要花上九牛二虎之力學好另一語言；小朋友先天具有學習多語言能力，所以不會應付不來；分析指雙語環境下長大的小孩，EQ和學習能力較佳。但必須一人一語，切忌中英夾雜，即父母各施其職。口音並不是什麼大問題，本人也一口港音，但走訪各地也不會鬧出笑話，重要是流脷和成理。我與小女用英語溝通並不表示放棄中文，她已在中文語境下長大，將不成問題，我看不出她與其它人出現溝通上的困難。我不過是讓她有天賦下學習一門技藝，就如我不會在她七歲前背誦乘數表，十歲前獲什麼音樂殊榮。至於她日後中文水平如何？總不會遭人恥笑。

私人傳訊

Whicheng

大宅

積分: 1324

8^#

發表於 14-4-3 10:27 |只看該作者

Cheeselover 發表於 14-4-3 06:53
容我在此抱不同意見，小朋友在6歲前對學習語言擁有非凡能力，及後慢慢消失，十幾歲後就要花上九牛二虎之力 ...

我諗咁就真係要睇家長自己嘅期望係咩啦。你意思係唔介意佢口音文法，最重要係佢肯講同流脷。

但我自己就好介意，有時聽到D父母同D仔女講埋D好肉酸嘅英文嗰下真係有D打冷震，我唔係笑人，我自己都講得唔好。

我寧願盡量創造多D機會俾迫佢要講英文（例如約D屋企真係講英文嘅家庭出嚟玩，等D細路自己講英文，又或者上多D英文嘅興趣班）。我就係怕佢學壞咗D口音，將來要改仲難。

私人傳訊

yycathy

男爵府

積分: 6551

畀面勳章

9^#

發表於 14-4-3 11:27 |只看該作者

會唔會佢個工人喺用英語同個小朋友溝通開，所以有d字詞用開英文，未必喺專登。

點評

chiyin8

發表於 14-4-6 23:30

私人傳訊

pokey

大宅

積分: 4758

10^#

發表於 14-4-3 11:56 |只看該作者

引用：Quote:no_mood+發表於+14-4-2+13:54+以前未

原帖由 Whicheng 於 14-04-02 發表
我都明你意思嘅，但係我自己就接受唔倒，明明係中國人要講英文好古怪。何況我真係唔想個女跟埋我D肉酸港式 ...

「扑扑」呢啲堅唔得喎又，唔係口音問題，係錯音！

所以我雖然唔mind人地唔native都同仔女講英文，但我自己本人就唔想啦，留番畀學校啲NET教佢正音，因為我小時已被錯音老師們打好左穩固基礎，一世了！

私人傳訊

Whicheng

大宅

積分: 1324

11^#

發表於 14-4-3 15:18 |只看該作者

pokey 發表於 14-4-3 11:56
「扑扑」呢啲堅唔得喎又，唔係口音問題，係錯音！

所以我雖然唔mind人地唔native都同仔女講英文，但我自己 ...

我同奶奶講過架啦，叫佢同阿女講廣東話就得。佢應完我下次又不知不覺講咗D唔中唔英嘅文，我諗佢係習慣咗咁樣同我姑仔個女溝通。不過我見奶奶都係一個星期先嚟一兩次，唔想成日話佢搞到佢唔開心。

有時有D香港人覺得係口音問題，其實可能已經唔係嗰個字。例如"fit feet, theme film, genes jeans, matrix metrics, bad bag" 佢哋每一pair字都係一樣讀法，以前未去外國讀書都以為自己英文幾好，反而係聽多咗先知原來以前咁多年喺香港讀錯哂都唔知。

私人傳訊

chungmavis

大宅

積分: 2653

12^#

發表於 14-4-3 15:38 |只看該作者

如果講得好好聽就唔介意.....

想製造語境俾小朋友心態係好, 如果話唔介意有口音既話, 但唔好又中又英, 要講就唔該成句仲要用字啱同文法啱!! 如果唔係, 其實係會教壞小朋友!! 我曾經聽過有個媽媽教個小朋友要去那一層樓係咁樣問佢 "what floor" 囉

失敬講句, 我老公好細個已經去咗外國讀書, d英文講到好似外國人咁, 但佢都唔會刻意同女女講英文, 只會有需要, 例如返playgroup, 個老師係外籍人士, 又或者讀故事書時講, 佢話覺得古怪, 除非女女對住佢講英文, 如果唔係, 唔會特別同佢講!! 佢話想小朋友英文好, 別無他法, 送去外國讀書

點評

cffw Agree!!! 發表於 14-4-9 00:06

私人傳訊

Gooblovebb

大宅

積分: 4204

13^#

發表於 14-4-3 16:43 |只看該作者

回覆：有冇覺得D人特登同小朋友講英文好怪

我自己以前係中學英文老師，但自問唔係native, 覺得同子女最好的溝通始終係母語，所以一直以來都只用廣東話同佢地溝通。當然我知道如果我用英文同佢地傾計，佢地英文會叻D，但我更在乎的是大家能暢所欲言地表達內心世界。其實語言唔難學，要學到最緊要係有需要性，記得小時候我的普通話發音好過我哥好多，但前幾年佢娶了個大陸老婆後D普通話簡直一日千里