少年成長

收藏本版
發帖
返回列表
跳至頁

首頁
1

尾頁
   0
behappy11


大宅

積分: 2840


1#
發表於 14-4-19 01:16 |只看該作者
个仔而家2歲半多啲喇。主要係由我湊同教，佢阿爸只係一星期見1，2次，因為我地已經分開左。但我發覺我係阿仔心目中越黎越衰人，佢越黎越唔鍾意我，相反就越黎越鍾意佢阿爸，因為佢阿爸只會縱佢而我唔會！

頭先阿仔飲奶，我叫佢阿爸唔好餵佢要佢自己揸杯飲，跟本平時都係阿仔自己飲而工人只係隔離作出提點。阿仔聽倒我話佢阿爸又唔俾餵要佢自己飲就不爽，用大叫黎向我抗議！之後佢阿爸又要同我爭拗左幾句，阿仔對我更加不滿！阿仔飲完後竟然不滿到走黎打左我心口一下，我當時嬲加傷心，然後喊住咁罰阿仔，喊住咁打左阿仔手板一下。

我好憎佢阿爸只縱不教都算，仲要對我既湊法多多聲氣！我好憎佢阿爸成日攪到我係阿仔面前情緒失控，然後係个仔心目中永遠都係我係衰人！我好憎佢阿爸破壞我地兩母子之間既感情！我好憎佢阿爸可以坐享其成輕易得到阿仔既愛！我好心痛阿仔咁對我！我辛辛苦苦既付出竟然得到“衰人”既回報！

頭先同佢阿爸爭論時，我見到阿仔受驚了打冷顫，我好內疚好心痛！點解我唔可以好好咁控制情緒！其實我都好憎我自己！
私人傳訊

bosch


瑪瑙宮

積分: 128491

2024年龍年勳章 2024勳章 2023年兔年勳章 虎到金來勳章 開心吸收勳章


2#
發表於 14-4-19 06:38 |只看該作者
佢阿爸=你老公， 你地有冇好好地傾育兒方式？

響子女面前鬧交係大忌。
私人傳訊

babybabychung


大宅

積分: 2784


3#
發表於 14-4-19 10:58 |只看該作者

回覆：俾个仔攪到好傷心，訓唔著……

唔好太傷心。你可以當佢爸爸係幫你湊仔的6299 （唔話得既），反正又唔係成日見，小朋友都好識認人，知喺邊個面前可以點。佢始終都係小朋友的爸爸，又少見緊會唔係好識教。如果之後小朋友唔肯自己飲奶，咁到時你先教佢，因為你愛佢，想佢成長，等佢返學都有得食，無人餵。否則只有捱餓...
我成日同個仔講：媽媽咁愛你，乜都就你比晒你好容易，但say no 先最難。佢好聽，好明。
私人傳訊

mandelicious428


子爵府

積分: 13914


4#
發表於 14-4-19 14:29 |只看該作者

回覆：俾个仔攪到好傷心，訓唔著……

除左必要時做衰人之外，其餘時間有無多d笑容，攬呀錫呀，玩？ 我對我個兩歲仔好兇的，佢錯我就大聲罵，啤住佢，會罰會打，我eq都幾低，好易忟，相反爸爸就對住個仔千依百順，但我個仔痴我痴到不得了，痴到我有時發忟憎，我去個廁所都要揸住玩具跟入黎。

我仔做錯我先會變到勁惡，其餘時間正常我係成日攬佢，錫佢，又對住佢係咁笑，久而久之我仔呢家成日玩玩下玩具會無啦啦走黎錫我，攬我，仲會望住我傻笑。

摸下頭仔，拖手手，呢d都好sweet, 表達多d你對佢嘅愛，咁細個小朋友應該好受落^_^



P.s 樓主你好高eq 咖啦，如果我仔咁樣走埋黎打我心口一下，我個仔個下場會悲慘好多(當然我唔鼓勵人咁狠，係我脾氣差而已)

私人傳訊

dinosaurmum


水晶宮

積分: 59284


5#
發表於 14-4-19 23:46 |只看該作者
其實兩公婆嘅教育方式唔同真係好難教好個仔~~
或者你同C6商量下~~
你明白佢縱小朋友係覺得少係一齊嘅內疚~~
但係對小朋友嘅教育一啲都唔好~~
該嚴時就要嚴~~
私人傳訊

cloudwingwing


珍珠宮

積分: 47556

開心吸收勳章


6#
發表於 14-4-20 18:24 |只看該作者

回覆：俾个仔攪到好傷心，訓唔著……

男人係咁，加上小朋友可能掛住爸爸，以我仔為例，我c6鬧完我仔，喊住都要痴住c6. 可能仔仔始終都鍾意爸爸。你仔可能想嗲他爸爸，所以做一些倒退行為，如果唔係太離譜就算。
私人傳訊

fai_ling


男爵府

積分: 7119


7#
發表於 14-4-20 20:40 |只看該作者
先同囝囝爸爸私底下傾下先，睇下可唔可以達成統一嘅教育方式，如果實在唔得，自己都要好好控制下情緒，唔好係個仔面前嘈，咁樣對佢影響會好大，或者無計就乾脆讓他們獨自見面，見完面後再接返個仔

點評

cat1028  讚同fai_ling 做法,無共識, 不如叫爸爸帶走幾粒鐘,自己出去輕鬆下.  發表於 14-4-21 16:52
私人傳訊

Myfavourpink


大宅

積分: 3829


8#
發表於 14-4-23 13:28 |只看該作者
我唔知你同你老公係點分開, 如果唔係再見亦是朋友果種, 我估你話個仔阿爸想你係阿囝心目中係衰人, 自己係好人, 等阿囝鍾意自己多D呢種私心唔係無可能.. 不過你越係响阿囝面前嬲同阿仔爸爸嘈就中哂計~~

其實如果下次你明明教開, 阿囝識做的, 例如自己拎住杯黎飲奶, 阿仔爸想餵時, 你咪笑笑口咁話: 阿囝好叻架! 識自己拎杯飲架!! 不如俾佢表演俾你睇???

或者你咁講, 阿囝聽到會受落D, 仲好開心咁响爸爸面前"表演"呢!!
私人傳訊

moniko


伯爵府

積分: 15183


9#
發表於 14-5-1 05:11 |只看該作者

回覆：俾个仔攪到好傷心，訓唔著……

兩公婆教仔點都會有少少分歧既。我同c6都會。 阿女細個果時我會扮睇唔到，由得爸爸、婆婆、麻麻若干人寵飽佢，但如果阿女知道我知道我就一定會出聲，咁先可以從一而終。 而家大左，明白事理我會直頭同佢講明，淨係爸爸會俾你咁架，我唔俾架，就唔會成為佢生活中既習慣。

同埋好讚成樓上，其實良好親子關係先係關鍵。 其實小朋友唔係需要人縱，而係需要愛。 佢感覺到你愛佢，其實點樣最後都係聽你講架。 唔好俾對c6既怨恨投射左去小朋友相處果度。
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見