有D長, 但第一次請工人, 遇著佢真係夠晒經典!
9 Apr朝早食左個面包, 中午帶左飯返公司食, 食完lunch, 係公司係咁嘔, 返到屋企又疴, 又發燒, 行去睇醫生時成程拎住個膠袋嘔, 醫生都問我食過乜野. 懷疑工人加料, 因為平時食完晚飯, 我地會分餸帶返公司食, 但因為果日我地忙住湊阿B, 叫佢分. 佢平時係客廳分, 果日拎左D餸入廚房分, 我就出事.
夜晚睇完醫生, 返黎見到佢又係屋企播popmusic, 叫左佢十次以上唔可以播pop music 俾阿b聽, (我地一早set 好d 兒歌, classical music俾bb聽). 我問佢點解講左十次以上都唔聽, 係咪有咩difficulty. 點解今日下午我打左三次俾你, 我老公打左兩次俾你, 你都唔聽電話. 我仲whatsapp, 見你過左五分鐘就睇左, 但都唔覆. 佢話: 唔知道有missed call. 我同佢講: 你知唔知我地屋企個cam有咪, 我聽到你係度傾緊電話, 但就唔聽我地電話. 你覺唔覺得你花太多時間做私人野. 佢居然答我: no… 我話: 你成日十問九唔應, 你要應人先知你聽唔聽到, 你咁既attitude 唔得….佢答我: if you don’t like my attitude, you can terminate me….
第二日我話我地一齊去agent度, 佢毫無懼色話好. 一路行仲一路講電話. Agent隔黎係我auntie間舖頭, 我入去打個招呼, auntie話佢眼濕濕. 去到agent度, 開頭agent D人話佢好緊張, 成身震晒 (攪到好似我係D刻薄僱主咁)….之後agent問佢有咩問題, agent話: 我問左你四次, 你都唔答我….agent問佢仲想唔想work for them, 佢話想, 咁叫佢會唔會改善佢既態度, 佢唔出聲….之後agent單獨同我講, 佢係搏炒, 如果你單獨俾new born baby同佢一齊, 我係你唔會安心, 建議我炒左佢…跟住叫佢入黎agent話你個employer會terminate你, 佢即刻笑晒口….agent話: 好開心呀? 但呢個唔係right 既attitude….佢先收儉一下….
<< 待續 >>