母乳餵哺今日: 0|主題: 85693

收藏本版

回覆發帖

返回列表

跳至頁

查看: 1436 | 回覆: 4

有冇媽媽未滿月時泵用樽鍡之後成功埋番身,分享下!! [複製鏈接]

galaxyjen

男爵府

積分: 6007

1^#

發表於 14-4-25 16:42 |顯示全部帖子

回覆 BIWOOBI 的帖子

我呀!!!! 我阿B啱啱個半月大，都係呢個星期先成功埋身餵。阿B初出世時埋身，佢太細唔太識食，又或者食到訓著覺，見佢咁辛苦，也就決定泵出來用樽餵。由全泵變做埋身，真係好好，慳時間和功夫。之前又要泵，泵完又要餵，又要花時間洗樽和泵，真係夾夾埋埋都要成個鐘。宜家埋身，真係十五分鐘內乜都搞掂，輕鬆好多同多左時間休息。

你阿B幾大呀? 你試下搵日朝早，你谷到好多奶，再加上阿B又肚餓，佢一埋身就會勁吸。我就係係毫無計劃下成功左。個朝佢訓醒扭食，我的雪奶又清哂倉，泵又未洗，焗住埋身餵，點知就咁得左。個朝早得左，我就keep住全日埋身餵，越來越順。即使你唔能一次過成功，都唔好咁易放棄呀。等阿B大少少，又再試。阿B肚餓要食嘢係本能，只要你肯堅持，一定會成功的。加油呀!!!

私人傳訊回覆引用

galaxyjen

男爵府

積分: 6007

2^#

發表於 14-4-28 06:35 |顯示全部帖子

回覆 spiderjoey 的帖子

看來你仲未夠奶。你有冇勁飲水，多食飯和食上奶食物，如魚湯，黑豆水? 你半夜有無起身泵奶?

私人傳訊回覆引用

galaxyjen

男爵府

積分: 6007

3^#

發表於 14-4-28 06:49 |顯示全部帖子

回覆 spiderjoey 的帖子

其實，我係成功全埋身前，我都試過數次失敗。我覺得要轉mode, 事前係要有些部署。例如你可能要儲定些雪奶，以備行新mode時唔夠食可以頂上，增加成功的機會, 也減輕你的心理壓力。你有雪奶作後備，同時用盡方法上奶，揀個合適時間去開始如早上訓醒肚餓，也有心理準備同佢鬥磨，盡量maximise所有條件，你應該好快成功的。你宜家離成功只係一步之遙，俾心機呀！！！

私人傳訊回覆引用

galaxyjen

男爵府

積分: 6007

4^#

發表於 14-4-28 15:19 |顯示全部帖子

回覆 spiderjoey 的帖子

看來你都已經做到盡的了喎。我未成功埋身前，我都係三個鐘共得三安奶左右，同你一樣的。我覺得奶量多少應全日計。如果全日有約至少八百毫升也就算正常。我直覺覺得你個仔未必係唔夠食而喊。埋身位的奶量一定多過你泵出來好多的。不如你搵日全日埋身餵，唔好泵，佢食得多密你都照埋食。密集式咁食，應該好快上奶。你唔駛驚佢餓親，大自然好神奇，乳腺每刻都在造奶的。我就係咁堅持左兩日，係好煩好攰，但真係堅上奶，我後來三個鐘可以泵到五至六安奶的了。另外，放鬆心情好緊要，有豁出去的態度奉陪到底。