吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 留學真面目﹣個人經驗分享

少年成長今日: 1|主題: 15847

收藏本版

發帖

返回列表

跳至頁

查看: 22184 | 回覆: 85

留學真面目﹣個人經驗分享 [複製鏈接]

12 3 4 5

happy314

大宅

積分: 2064

1^#

發表於 14-5-27 23:36 |只看該作者 |倒序瀏覽 |打印

大家好，話說我１5歲時買左我人生第一部手提電腦，當時屋企人話第時我出國都會有提電腦用自此我就成日上網msn....而我冇諗過佢地真係會俾我出國,　加上我以為自己有小聰明，應該係香港讀得上，17歲會考放榜，只有１３分原校升讀不了就去了澳洲，去了一個大城市，因為有親戚係樹...以下我將會分享我親眼親耳的經歷，大家作為家長既而又想「送」仔女出國既可以聽下我呢個留學生既心聲....
個人簡介：英中畢業，英文會考c，理科，出國前ielts 6.5分，屋企唔係大富大貴，但有些少資金，而阿爸好鍚我，話女仔一定要讀得多書，所以問我想唔想去，老實講，放榜果日下晏先決定去agent道，好似用左唔夠１﹣２星期就搞好晒文件...當時我以為留學係同去旅行一樣....

有好多家長以為送仔女去外國就可以改善佢地既行為，其實係大錯特錯...係外地冇左屋企人直接監視同埋支持，有人吸毒，醉酒，出賣自己身體....去到外國後我先知道原來人性可以咁醜惡，冇計啦，果時我只有17歲，但好彩我有分辨對錯既能力，冇同佢地坐埋一台...

我個人覺得身邊既朋友係好重要，出國後都冇認識真心既朋友，d大陸黎既同學只會利用你，用錢去搵人寫功課（後來成為我的工作),　渣車都買假牌，咁既朋友交黎有咩謂？？

（續）

0 1 0

私人傳訊

ben-dan

大宅

積分: 3758

2^#

發表於 14-5-28 00:12 |只看該作者

回覆：happy314 的帖子

咁你一定好唔開心

私人傳訊

asa2012

伯爵府

積分: 17132

3^#

發表於 14-5-28 09:55 |只看該作者

回覆 ben-dan 的帖子

謝分享, 快 d 寫下去啦, 好心急想看.

私人傳訊

colourboy

別墅

積分: 803

4^#

發表於 14-5-28 15:45 |只看該作者

看了你第一篇，已經估到你寫乜，亦好有同感，因為我都係過來人，學好學壞真係要睇自己定力。我以前身邊都有好多同學學壞，自己係就係放縱啲，不過好彩壞極有個譜。

私人傳訊

一之蘭太太

公爵府

積分: 25202

開心吸收勳章最關心BB問題熱投勳章畀面勳章

5^#

發表於 14-5-28 21:14 |只看該作者

好有共嗚,再講多啲嚟聽下!

私人傳訊

happy314

大宅

積分: 2064

6^#

發表於 14-5-28 22:46 |只看該作者

‘朋友篇‘

上回提到好假的朋友...
其實留學生好難識到真心既朋友係有原因的
１.背景不同
中學的時候，大家都係同區同學，屋企背景一樣，去玩既地方都差唔多。唔似出國後，我一個sri lanka的同學屋企係開商場的。以前我的男朋友，屋企係賣畫的，有次冇意中睇到佢屋企既交易，賣左一舊唔知咩藝術品就20萬美金....大家可以等的有時間時打「愛情篇」　
依家我唯一有聯絡既朋友，易係我伴娘住上水的，我住九龍，只係咁亦有差別....

２.　讀完書就走人
我認識有好多人讀左一年就走人，因為留學生活真係好苦悶，日日唔係對住電腦就係電腦...亦有d人讀唔上，不停留班，澳洲政府有立例，如果同一科fail　２次而冇合理釋，簽證可能會取消的...仲有我識得幾個人，因為成日缺課，返到香港放假，再坐飛機返澳洲時先知道簽證取消左，而取消簽證後係有幾年唔入得境的....冇計，冇阿爸阿媽的生活就係咁冇王館...即使能夠順利畢業，去留亦係一個問題，唔係樣樣專業都有得留下的，留唔低就走，友情亦會因為咁告一段落.....

3.目標不同
出國後先明白咩叫一樣米養百樣人....有８成半的留學生係黎虛度光陰的。有d大陸的家長有d錢就會送仔女出國，佢地有大學學位係好重要的，果班細路就係我上文講既寫作業都要人幫既垃圾，sorry語氣重左，但你去得讀書連功課都唔做，咁你做咩呢？！亦有d本來已有學位，但讀多個學位係因為想移民，呢種人都算有目標

而香港去的小朋友呢，有d係俾家長叫去，亦有d係自願。當初我去係冇咩目標的，應該只係想拎個學位影張畢業相咁...後來讀上先慢慢先知道自己想做咩，有好多人到左畢業都唔知自己想做咩架，咁話題又會小d...

留學咁耐只有一個人我叫得上係朋友，但係一個18/19年先識既朋友，實在好難可以同佢分享我18年黎既生活，因為大家都要返工返學拍拖呀成，冇咁多時間見面，加上外國地方又大，邊有得好似係香港咁話見就見...

有時有d咩唔開心都唔會同人分享，因為係好私人的事，覺得自己可以搞得店，人地亦冇咩時間會理你

記得有次失戀（算係人生第一次），我話左俾我一個以為好好的朋友知，點知佢幫我唱通街，真係唔該晒，時到今日我仲有陰影，好難會信人...

仲有我發現一樣野，如果你presume 每一個人都係好人，而唔用太多的時間同精神去認識佢，你會發現唔到佢既缺點。雖然咁樣係自己厄自己的，但起碼我唔會用一輩子去嬲一個人，人係一定有缺點的，隻眼開隻眼閉吧，反正果個人你都唔在乎，咁了解佢做咩？？

出國後先知道有好多人鐘意睇你點跌架，係jealousy 定係想等你有事時黎幫你呢？我拍拖時，有d朋友會問我：係咪仲同上次果個一齊，拿我唔係交際花，佢講呢句說話亦未必有意，但你聽到有咩感覺呢？

出國後我發現自己溝口語溝通能力弱左，我會考時中英oral都a架....最近阿媽話我講野一舊舊，所以打家見我打野一舊舊唔好怪，有好多中文字我都要諗下先打得出...「朋友」就認識不了，但我認識了自己...因為我人生終於都有了目標

（續）

ps，大家下回想聽咩呢？學業，愛情，工作，家人，生活？？？？？

私人傳訊

happy314

大宅

積分: 2064

7^#

發表於 14-5-28 23:01 |只看該作者

回覆 ben-dan 的帖子

初初去果時當然有啦，我係細女，所以屋企人好鍚我，小小年紀去到一個要獨立，身邊冇人冇物的地方係好無助。依家我有時諰起以前既野都會諗如果我努力d今日就唔洗咁，到左依家我諗起屋企有時都會喊...但留學真係一個好好的經歷，前題係小朋友底子唔壞

私人傳訊

selina1109

王國會長

積分: 9103

2023年兔年勳章虎到金來勳章減齡達人勳章 HiPP勳章(1) 畀面勳章王國會長爸B勳章大廚勳章 BK Milk勳章 hashtag影視迷勳章

8^#

發表於 14-5-28 23:02 |只看該作者

引用：‘朋友篇‘上回提到好假的朋友...其實留學

原帖由 happy314 於 14-05-28 發表
‘朋友篇‘

上回提到好假的朋友...

無所謂，追。

私人傳訊

ben-dan

大宅

積分: 3758

9^#

發表於 14-5-28 23:44 |只看該作者

回覆：happy314 的帖子

我想知你回來後同家人有冇生疏？

私人傳訊

傻啤啤

大宅

積分: 1060

10^#

發表於 14-5-29 00:14 |只看該作者

追到呢度我就知你一定系个乖孩子

鄧你父母安慰

私人傳訊

cottonballball

男爵府

積分: 5755

11^#

發表於 14-5-29 02:14 |只看該作者

回覆：留學真面目﹣個人經驗分享

我都係12歲讀完小六出國讀書（本身成績ok，考入了一間band 1 英中，去了英國），我同意去到外國會唔會變壞好睇小朋友本身個底。
最緊要教小朋友做自己認為啱的事，唔好為了多一個所謂的“朋友”，改變自己的本質。

不過另一樣我唔同意的是，大陸黎嘅學生也會有好的，雖然屋企有錢，但對人係真心，到現在大家喺唔同地方生活（有些回國了，有些在不同城市），也會關心大家和見面（雖然一年見不到一次，但我相信真正的朋友，就算一年不見，都唔會生疏）。

我英國沒有親人，住宿舍，有中國人朋友，也有本地的，朋友可以分享心事，無可能係100%的也想睇住你衰，大家會support each other。當然也會一d壞心地的，但我覺得，宿舍就如一個小社會，要學習點生存，早一些明白一d道理，都唔係一件壞事。

點評

卓玲BB Me too 五係全負面發表於 14-9-6 13:45

私人傳訊

111aaa

男爵府

積分: 7123

12^#

發表於 14-5-29 10:04 |只看該作者

香港都有好人同壞人, 我自己都冇朋友, 一讀完書就各走各路,

如果上到香港大學當然唔想佢地去外國

私人傳訊

蒸魚落蠔油

複式洋房

積分: 165

13^#

發表於 14-5-29 11:00 |只看該作者

我就完全吾同wow, 我都係o係澳洲讀書,讀大學, 我識到好多真心朋友
宜家番左香港做野,都仲有keep in touch

私人傳訊

happy314

大宅

積分: 2064

14^#

發表於 14-5-29 14:28 |只看該作者

回覆蒸魚落蠔油的帖子

唔係冇呢類人，係少姐，要雙方都要好好珍惜大家先得...

私人傳訊

happy314

大宅

積分: 2064

15^#

發表於 14-5-29 14:58 |只看該作者

回覆 ben-dan 的帖子

家人篇
由細到大我爸爸都一日返10幾個鐘工，放工返到黎食完飯就差不多要訓，但記得小時候英文默書都係佢捉住我黎溫的，所以佢都算幾關心我地

由於爸爸係一個幾長氣幾人，日日哦我叫我食菜食生果溫書bla bla bla，到左10歲到開始有d反感，駁下嘴咁，佢話一我就話２...但我心底係知道爸爸係最鍚我既

而阿媽呢就係家庭主婦，所以我大部分時間都係同佢一齊，佢又會帶我地去行街買野呀咁，細個同阿媽關係係好d既...都好正常...

我出國既果一日就係我爸爸生日，佢仲車我去機場，訂機票果日原全想唔起係佢生日呢...真係不孝haha。爸爸雖然好鍚我，但佢出奇地方心我去到咁遠，可能佢了解我係點掛...

去左外國後，每之打skype返去阿爸都會同阿媽搶個電腦用，我成日笑佢地好似探監咁haha，最後佢地會share一對耳機，阿爸同我講野，阿媽加把嘴，阿爸就會話「依家同個女講句野都唔得呀」...好搞笑架

去左半年到第一次失戀，有幾次同阿爸講講下我就喊，佢一見到我喊立即以９秒９的速度叫阿媽過黎同我講，因為佢見到佢最心愛既女俾人飛實在太心痛....後來阿媽話我知，阿爸話要搵人打我ex一獲，當然佢係得把口啦，但就睇得出原來男人都有會感情的，佢唔同我講，但心內面一定有好多想法（講到呢到我都喊了）

出國頭一年我地日日都skype個幾２個鐘，比著以前係香港真係每日溝通既時間都唔夠半個鐘，加上我有段時間，中１﹣２到我日日返到屋企就關埋房門（係阿媽最近話我知架，我都唔記得左），一生人中，原來出國後先同父母有多d溝通...

讀到大學後，因為搬左出黎住，買菜洗衫煮飯都係自己來，空閒時間少左，但好彩有whatsapp,facebook，阿爸阿媽都仲可以同我聯絡到，有時佢地係facebook睇到我煮左咩又會留言話好似好好味呀成...我返到香港都有煮野俾佢地食....整左個pizza 炸嗎，阿媽就影左上佢facebook話好感動...我食左你１０幾年飯我都冇咁感恩haha

出國一年後我每一次返香港都會留係屋企食晚飯，多數都係lunch先同朋友出去，因為我真係想用多d時間去陪我阿爸阿媽，佢地一生就為左我去勞碌，讀左幾年書就用左佢地大半生既積蓄，好在我都讀得okay，如果唔係真係俾佢地打返獲金...

由於我讀既科目同工作會令我接觸生老病死，每次見到d臨死既病人，或者有老人痴呆而不停搵個女（明明個女係旁邊）既病人就會好心痛，因為我好驚到我阿爸阿媽病時我唔係佢身邊....阿爸成日話留係澳洲好，香港有咩好呀？？但係香港就係因為有佢地所以好....如果可以我會想陪佢地終老...

如果唔出國，我地關系未必會咁close，雖然每日都可以見到佢地，但情感上未必有依家咁好...出國雖然冇得成日面對面見到，但對方有咩事都會好緊張。在家千日好，如果可以簡多次，我會留係佢地身邊，到佢地老左照顧佢地，即使佢地要去老人院，我都會日日去餵飯，幫佢地沖涼...人地個女（護士）做，同自己個女做，係有分別的.....