大仔大女媽媽會 今日: 0 | 主題: 177860

積分: 317

1^#

發表於 07-11-27 00:43 |只看該作者 |倒序瀏覽 |打印

越近bb出世,我既情緒就越波動,好似剛剛有左個時,但之前係因為身體不舒服,而家係因為我老公呀,我成日都覺得佢唔夠關心我同bb,仲成日覺得佢出面有第二個,呢d我都有同佢講呀,但佢冇安慰番我或者講d令我安心既說,只係當聽唔到咁,搞到我成日胡思亂想,仲成日發惡夢呀

0 0 0

私人傳訊

bobomi0060

洋房

積分: 375

2^#

發表於 07-11-27 10:56 |只看該作者

點解你會覺得佢在外面有第二個呢?
會唔會係佢工作好忙又冇同你講(男人通常都唔會同家人講佢地工作上的事)...而你自己又唔知的情況下諗多咗呀..
我都有好多時候都會覺得個老公唔夠關心我.. 但我又會諗另外一面...個bb係媽媽個肚到...媽媽會感受到胎動...感受到一切..
但男人係所有感覺都feel唔到..只係從媽媽的口中知道.. 但都係感受唔到... 都會唔同.
另外.. 在你懷孕後有冇成日發脾氣呀?? 他們可能會覺得大肚婆無理取閙... 多一事不如少一事等等...
唔好諗太多呀... 亞b都就出世...等出咗世之後再睇吓有冇好轉...

私人傳訊

容易拎

積分: 1219

3^#

發表於 07-11-27 11:54 |只看該作者

唔好亂諗野啦~你唔開心,阿b都會唔開心架.男人永遠都係比較粗心大意d喇~好似我咁,bb1月就黎出世,而家個肚咁大,行一陣都好快攰,有時我老公想同我出街行下,不過佢見我行一陣又想返屋企,攪到佢好似好悶咁......而家我少做家務,佢又覺得我好似懶左,佢地點會明白我地做媽咪既辛苦丫~

其實兩夫妻最緊要就係坦承相處,既然你唔開心,好應該同丈夫好好傾下,無謂自己係度亂諗野~將為人父母係一件好開心既事,開心d啦......

私人傳訊

henryc

積分: 305

4^#

發表於 07-11-27 13:16 |只看該作者

我覺得好多時都係我地自己亂思胡想...始終馱到阿b只有自己知道個feeling會點. 老公只可以support你. 但老公都會有唔開心或down既時間, 都冇可能每一日都對我地咁好...始終佢都係一家之主, 佢都有自己既煩野...所以, 千萬唔好佢有小小對你唔好就胡思亂想, 有影響大家既感情...

而且, 如果佢真係有第二個女人又點會同你生bb呢? 可能佢自己都有野煩呢...阿b就出世啦..到時你同你老公見到阿b就會唔同晒...加油呀!!

私人傳訊

積分: 317

5^#

發表於 07-11-27 13:33 |只看該作者

佢成日講親電話都LEE埋聽,好似驚我聽到咁喎,以前佢個電話周圍擺,而家個電話跟身架,仲有呀,佢一行開部電腦就將所有野都關晒,又成日都話要開工喎,連星期日都係咁,叫佢陪我行下街,行一陣又話要開工,話要整少少野一兩個鐘就得,點知一搞就一日喎,其實本身我都知自己脾氣大,但自從大肚後,我都收斂左好多,發少左脾氣,但我老公就好似越來越過份咁,我唔出聲佢就當冇事發生,我有平心靜氣咁同佢講架,佢又當聽唔到,發晒爛渣咁佢又避開,我都唔知點好

私人傳訊

kakashi

積分: 1586

6^#

發表於 07-11-27 13:38 |只看該作者

好多時都係因為我地佗得辛苦, 唔夠瞓, 所以心情唔好.
其實的老公都有產前產後抑鬱, 有壓力, 佢地都會擔心多左, 怕照顧唔來, 養唔起你同阿b等等.
多的傾吓, 了解吓先, 唔好自己亂諗野.

私人傳訊

ChingMan06

積分: 167

7^#

發表於 07-11-27 13:40 |只看該作者

唔好疑神疑鬼先,大肚婆係比較敏感架,目前最主要係放鬆d,等bb出世,仲有2個月之麻,反正你而家又做唔到d乜,不如向好果方面諗,等自己開心d!

私人傳訊

積分: 317

8^#

發表於 07-11-27 14:03 |只看該作者

多謝大家呀,睇完你地打既野,我放鬆左D喇,其實真係好在有BB係度,我唔開心時FEEL佢郁,諗起BB就會開心番喇,我會努力架,希望大家個BB都健康可愛快樂:-P :-P

私人傳訊

佩兒

積分: 1240

9^#

發表於 07-11-27 14:44 |只看該作者

如果真係唔開心, 都要同老公好好傾下, bb出生後生活有更大的變化, 若果大家無好好咁溝通, 第二時都好容易出現問題, 搵個好機會大家拍下拖傾下計, 男人要做爸爸也很有大壓力的, 可能佢唔想你擔心, 所以唔講比你聽. 祝福你地

私人傳訊

ckyoki

積分: 457

10^#

發表於 07-11-27 19:31 |只看該作者

我同你情况都非常相似,佢好以唔想對住我咁,佢夜晚先話返工,但唔定時,5-6点先返,仲唔會即刻瞓,如果係屋企就淨係全晚對住部電腦打機至凌晨5-6点先睡覺,咁我咪自己睡覺(每晚都係咁),有時又飲到狗屎爛醉先返,有時醉咗又話喺朋友家瞓(抖抖先和),就算佢喺度都唔會同我講嘢(就算講都只係一兩個字嘅對答),一Ｄ關心嘅說話都無!我都費事同佢講,廢事令自己激氣(因之前講過好多次,同你一樣同佢講親就好似聽唔到),
宜家我直頭電話都唔會打比佢,唔會問佢嘢,親物Ｄ都更加無,我已經都對佢好心死,寧願佢搬走(我send sms比佢有提過),,我係有咗ＢＢ先結婚的,結婚後才發現(現在剛4個日)ＢＢ仲有１個月就出世,唔知點算好!

原文章由 rachel0410 於 07-11-27 13:33 發表
佢成日講親電話都LEE埋聽,好似驚我聽到咁喎,以前佢個電話周圍擺,而家個電話跟身架,仲有呀,佢一行開部電腦就將所有野都關晒,又成日都話要開工喎,連星期日都係咁,叫佢陪我行下街,行一陣又話要開工,話要整少少野一兩個 ...

私人傳訊

積分: 317

11^#

發表於 07-11-27 23:06 |只看該作者

真係好激氣架,我係廳佢就入房訓,我入房訓佢就出廳,我初時都會諗,佢可能驚自己忍唔到,所以唯有選擇避開,但後來佢就成日話開工,其實我都有同佢平心靜氣咁講,都係唔得,好似今次咁,我send sms俾佢,但放工返黎見到佢,都係當冇事咁,一樣對住部電腦,成晚大家都冇乜講野,我已經儘量叫自己要平心靜氣,但真係忍得好鬼辛苦呀,我最憎佢成日係度逃避,佢偏係要咁,都唔知點算好

私人傳訊

henryc

積分: 305

12^#

發表於 07-11-27 23:09 |只看該作者

我個人認為你要同你老公好好咁傾下啦!!! 阿b都就出世啦, 唔可以咁樣係咁出去, 如果你要生, 佢唔係到. 會好危險啦.....
可能你老公都有自己唔開心既事先要咁樣, 你try下同佢傾. 大家可能知道問題係邊呢.

私人傳訊

積分: 317

13^#

發表於 07-11-27 23:16 |只看該作者

我有同佢傾過,我同佢講,究竟我有乜問題令到佢咁,佢又有乜野問題,兩公婆大家拎出黎講嘛,但佢都唔理我,依然一次又一次係咁,我以為有左阿b後佢會好d,但佢好貫徹始終,依然如舊,其實我本來冇諗住生bb,但我見佢真係好想要,因剛好今年我幾個朋友都有左,我諗清楚都可以應付到,而佢又話會改過d壞習慣,咁咪生囉,點知佢都仲係咁

私人傳訊

kakashi