吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 在職全職› 人真係最難管理的事，請教職場上的管理 (比較長) ...

在職全職今日: 118|主題: 47930

收藏本版

發帖

返回列表

跳至頁

查看: 1448 | 回覆: 15

[在職媽媽] 人真係最難管理的事，請教職場上的管理 (比較長) [複製鏈接]

sukiheiso

別墅

積分: 923

1^#

發表於 14-7-18 20:30 |只看該作者 |倒序瀏覽 |打印

講少少背景先
我同我先生開寵物店，其實一直以黎都想請一個信得過既人，我同我先生既要求其實都好簡單，唔穿櫃通底，做野時就勤力，無野做既時候hea都無問題，總之博殺就一齊博殺，無野做就一齊hea
但我地都知自己既缺點係邊，由於寵物店的人工真係唔多，比起出面做餐飲等等既工作人工真係有差距，而且要清潔執貓貓狗狗既大小便，都是比較厭惡的！雖然員工返8小時，但實際工作時數不會多於5小時
在種種矛盾的情況底下，我同我先生都有嘗試請人，請過幾個但都未如理想,而每一個都是由白紙開始，對依行的認識全由我先生灌輸，如果出去學都至少要一萬幾千嫁
其中一個，已經22歲，男仔，返工好似完全無帶腦返工咁，長期發夢，岩岩講完既野唔洗15分中就完全唔記得晒，佢會返舖先，而我同我先生會晏d返，佢會睇準時間跟住扮做野，點解會知?因為有次我同我先生早左返去，見到佢掛住打機，但d野未做好！佢優點係同客人好容易混熟，我同我先生都唔中意鬧人，而我地都知佢未養過寵物可能難上手d,所以會成日搵佢傾計，同佢講道理，希望佢理解，但真係點極都唔明咁
另一個,18歲，女仔，其實工作上都唔算太有問題，可能係女仔，成日都會話怕依樣，驚個樣咁，但我地都體諒，始終係女仔！成日掛住個電話，返工個陣掛住放工去邊，其實都唔緊要，但做緊野個陣要重覆3-4次佢先聽到，不過最大問題係佢聲稱自己唔舒服凌晨3點幾send whats app比我先生,而我先生一直都無online，係公司上admin一直都由我處理的依樣佢都清楚的,結果到左第二日我都唔知佢唔會返工，仲搵左佢成朝,搵到佢之後，佢話佢呀媽send左 whats app比我先生,但果個whats app係由佢自己個電話號碼發出,不過我都無同佢爭議d咩,因為佢講到好嚴重話自己氣器發炎入左院留醫，而佢個電話就係媽咪到，所以先會咁，佢都話唔會再有下次,咁我就叫佢補番醫生紙比我,咁佢就即刻話佢媽咪叫佢唔好返工，各樣那樣話唔做

其實我唔係白癡，我好清楚依個係大話，但我亦明白人有懶惰既時候，我都唔介意，只係介意佢交代既方式

係依2件事上面其實我同我先生都不停諗係邊到出現問題。亦有問身邊既朋友，佢地話其實唔係我地既問題，係個人既問題
但我依家想搵個長做既人，唔想做一排又出現依d問題，跟住又要重新教過一個新人，所以好想請求大家指教一下呀!!!!

0 0 0

私人傳訊

lottieclee

大宅

積分: 4575

2^#

發表於 14-7-18 20:43 |只看該作者

回覆：人真係最難管理的事，請教職場上的管理 (比較長)

係人問題。你試下請有小朋友的c9做part time。佢地大多需要錢，會專心d做，俾心機d做。

點評

sukiheiso 我同我先生都係咁諗，但人地有經濟負擔，要人地返8個小時，而佢對依行完全無認識，我又應該出咩價呢？因為依行始終係技術性行業

發表於 14-7-18 23:24

私人傳訊

Dearkk

禁止訪問

積分: 12299

熱血勳章

3^#

發表於 14-7-18 23:14 |只看該作者

提示: 作者被禁止或刪除內容自動屏蔽

私人傳訊

dorma716

大宅

積分: 1032

4^#

發表於 14-7-19 00:03 |只看該作者

回覆：人真係最難管理的事，請教職場上的管理 (比較長)

其實你都知道係厭惡行業，要清理竉物大小二便，人工又點可以低過餐飲呢？人工唔ok，我都騎牛搵馬心態做住先啦…

點評

sukiheiso 餐飲做足咁多個中，咁我地每日做咁小個中係咪可以減人工吖？發表於 14-7-19 00:20

私人傳訊

nyfng

侯爵府

積分: 24792

5^#

發表於 14-7-19 01:07 |只看該作者

唯有再請，直到遇岩人為止。
吾好俾D員工覺得你好蝦。

點評

dorma716 我做開的是厭惡行業既管理，我地俾既係同行市場價，而且明知佢偷懶亦冇聲出的。因為我冇本事容易請到人。
你又話唔介意人得閒時hea,但你就會問得出做唔夠甘多個鐘係咪要減人工，可見你並非接受員工hea。根本就唔在於發表於 14-7-19 16:40

sukiheiso 點樣先可以比佢覺得我地唔好蝦吖，擺老闆款，但日日對住都唔係太好喎發表於 14-7-19 01:18

私人傳訊

nyfng

侯爵府

積分: 24792

6^#

發表於 14-7-19 01:44 |只看該作者

回覆 sukiheiso 的帖子

其實我都吾鐘意人擺老板款，但原來真係偶爾要擺下，員工先會識撈D。吾好企圖以真心，換真心，可行性係萬分之一。
以前人地同我講尼D，我覺得好un 耳，但經驗話俾我聽原來尼個就係現實！

私人傳訊

Nancy20090615

瑪瑙宮

積分: 128580

7^#

發表於 14-7-19 09:53 |只看該作者

本帖最後由 Nancy20090615 於 14-7-19 10:20 編輯

撇開工種, 份工都幾悶, 得兩個老細同一個下屬, 又要交帶, 又要醒目, 又要唔懶, 無福利, 得人工, 咁比高少少喇. 比高 d 自然有要求. 或者您考慮勤工獎, 放生日假, 一個星期有一日可以收早少少, 過節請人食飯, 送生日小禮物比佢, 間中醒多少少比人, 您出心, 人地就會搏命 etc. 我公司全年無病假員工有獎金的.

如果您對佢好之餘又要佢知底線, 有時言談間同佢講, 我做野就咁 ge, fd 還 fd, 做野還做野, 您收得我人工就要交足貨, 問佢明唔明您講咩, 觀察下佢有無心响度做. 無就 next.

有時講下以前果個點點點, 又係咁囉, 比我炒左囉 (其實無呢個人).

私人傳訊

choco_soup

珍珠宮

積分: 34732

8^#

發表於 14-7-19 10:04 |只看該作者

回覆：人真係最難管理的事，請教職場上的管理 (比較長)

樓主你又唔肯請年紀大既人，人工又低又要清理動物屎屎尿尿，樓主你本身會唔會試下每月收咁既人工，然後又要清理動物屎屎尿尿？

我呢行都難請人，特別係清潔，要人工高少少，有下福利，d 姐姐先肯留低

私人傳訊

小鼠

大宅

積分: 4696

9^#

發表於 14-7-19 18:09 |只看該作者

回覆：人真係最難管理的事，請教職場上的管理 (比較長)

樓主用幾錢請人?作為打工仔既心態，我唔理你份工hea唔hea，我賣咁多個鐘俾公司，公司就要俾返相對既錢俾我，唔肯返工時間hea定唔hea,如果樓主認為咁要俾少d人工，我唸你請到人都唔會做得長

私人傳訊

Dicdicmama

大宅

積分: 2189

10^#

發表於 14-7-21 09:17 |只看該作者

回覆：sukiheiso 的帖子

自從有左最低工資，只可以接受越來越多年青人hea住做都有咁多錢，更何況話有d厭惡既工作。
樓上各位話請有小朋友既媽媽，試下，加油！

私人傳訊

milkteabb

子爵府

積分: 11549

11^#

發表於 14-7-21 12:25 |只看該作者

SORRY講句... 作為打工仔, 趁老細未返之前HEA下, 都係人之常情... 至於個女仔, 唔知佢係咪講大話扮病, 不過如果係初犯我會比次機會, 樓主問佢拿返醫生紙, 如果佢真係堅病而急症都睇左了, 事後要拿返醫生紙可能未必拿到/好麻煩先拿得返, 加上假設份工個女仔可能只係返左冇耐/人工唔高/又唔係難搵過份差唔多錢既, 都理解到個女仔可能怕左樓主會係D麻煩BOSS而索性唔做...

好相信人工既高低自然吸引到咩質素既員工。不過都同意有JM講不如講年紀大D有家庭負擔既員工, 好過請D對轉工全無顧慮既年輕人。不過要請年紀大D既又可能人地有工作/社會經驗而要求高D人工..

私人傳訊

gg_candy

伯爵府

積分: 19709

2018復活節勳章

12^#

發表於 14-7-21 13:33 |只看該作者

我覺得真係人既問題呀.
不過諗下請D唔好咁後生既年青人都可能會好D

私人傳訊

gk678

伯爵府

積分: 19582

13^#

發表於 14-7-21 14:49 |只看該作者

笑左.
樓主, 如果朋友話係你地既問題, 你會點? 黑面? 開拖? 絕交?
講笑姐, 樓主, 梗係唔係你地既問題啦.
打工仔心態梗係望日日掛8 號架啦, 如果唔係我宜家都唔會上BK 啦.
希望你早日搵到個一心一意幫你既員工啦.

點評

sukiheiso 如果可以導出，我真係會反思，因為我都諗左好耐^^ 發表於 14-7-21 19:14

sukiheiso 其實我想知問題既原因，因為我都覺係自我的管理有問題發表於 14-7-21 19:13

私人傳訊

芒

大宅

積分: 3610

14^#

發表於 14-7-21 15:04 |只看該作者

hea還hea.都係要賣身8粒鐘比公司.同埋.實做5粒鐘唔關佢事架喎,可能佢想做足8粒鐘冇咁悶之餘仲可以多d錢呢.......

私人傳訊

no_mood

大宅

積分: 1449

15^#

發表於 14-7-22 11:49 |只看該作者

回覆：人真係最難管理的事，請教職場上的管理 (比較長)

其實無論係誰的問題, suffer 既都係你自己，因為間公司係你既。所以，你要諗下點樣避免問題發生。假設你都係唔會出太高人工，請既人都係差唔多水平，如何管理呢個水平既人呢？

1. 可否返5個鐘就5個鐘？咁你就可以請C9, 學生。
2. 或者請兩個4個鐘 part time
3. 先小人後君子，講好一啲規矩。
4. 唔好一開始就假設別人會自律，e.g.你應該自己開舖。令員工覺得你係非常認真。可以 hea 呢樣野你唔駛講明，佢地自然會做。
5. 勤工獎

暫時諗到咁多，希望幫到你！

私人傳訊

gk678

伯爵府

積分: 19582

16^#

發表於 14-7-22 15:26 |只看該作者

樓主, 你真係想問, 咁我真係答.
首先, 你列出佢地既工作, 然後睇下佢地做唔做到你要佢地做既野先?
個男仔, 其實問題唔大; 大把人返工唔帶個心(包括我), 只要做左要做既野, 其實又有咩問題?
個女仔就的確有問題; 無人既話咪用住先, 睇下佢有無改善, 不過佢都開口唔做, 你可以問下佢咩理由, 請下一個既時候留意下.