大仔大女媽媽會

收藏本版
發帖
返回列表
跳至頁

首頁
123

尾頁
   0
Junie


複式洋房

積分: 336


1#
發表於 07-12-9 19:11 |只看該作者
前兩天, 原本開開心心係屋企等細佬老婆生仔消息.
仲因為咁啱個日係小朗生日, 心諗又會咁啱, 兩小表兄弟, 同一日生日...我媽媽仲話又幾好喎, 以後兩個可以一齊慶祝生日tim....
當晚同小朗切蛋糕之同時, 接到一個電話, 當大家都興高彩烈以為弟婦已生. 點知原來係惡夢ge開始........

我弟婦係威爾斯醫院生產, 上星期二已經腰痛到頂唔順, 入到醫院,
子宮頸已經開咗一度, 但條腰痛到好似斷開兩截咁.....
病房姑娘又唔理佢, 話生仔係咁痛ka啦....叫佢哋打支止痛針,
又話病房無得打, 要落產房先有得打, 玩嘢咩....
病房點會無得打啫, 我以前生小朗時, 恥骨痛到要坐輪椅,
都係病房幫我打止痛針之ma.....根本係D姑娘唔想做, 因為打完針, 又要搵人駁儀器, 睇住BB心跳, 又要成日睇住個大肚婆同埋BB情況, 根本係懶唔想做.....正衰人.....
忍咗一晚, 第二日, 大家都要求醫生開刀生, 因為怕弟婦痛到唔夠力生, 醫生話唔可以你話開刀就開刀, 要睇佢情況而定.....
到最後只係爭取到支止痛針番嚟, 打咗支針, 弟婦無咁痛, 終於可以瞓下....佢呢幾日根本痛到瞓唔到.....陰公.....

第三日, 子宮頸口只係開得2度, 但穿咗羊水, 諗住好快生得啦....
但到半夜都只係咁多度, 無進展....最後..姑娘話可以落產房了....
但落到去又係等等等.....

第四日, 小朗生日個日.....下午醫生話可以幫佢催生.....
落咗催生藥, 又係等等等.....
黃昏時, 子宮頸終於開到六度, 應該好快可以開到十度, 好快就可以見到BB喇.....終於生得....我細佬係入去陪產, 成個過程驚心動魄....事後細佬講番.....
係產房入面, 姑娘叫我弟婦用力推生, 但之前因為腰痛問題, 真係痛到無力, 佢已經係腰痛蓋個陣痛.....慘......
跟住, 又話個出位唔啱, 要弟婦推高D先出到個BB...
個頭仔出到少少.....但個位都係唔得, 頂住咗BB出唔到.....
呢個時候, 我細佬又再要求佢開刀....佢哋又一再拒絕, 話要佢自己生, 醫生會幫佢生....多多藉口....
當時情況都幾不妙......最後用吸盤幫, 吸個BB出嚟, 都係唔得.....
個姑娘仲要死扯爛扯, 突然, BB心跳開始慢, 有危險...
即刻將BB推番入我弟婦個肚入面....即刻送入手術室開刀.....
結果咪又係要開刀.....班衰人......
大家都好擔心BB同弟婦情況, 手術終於完, 產房話母子平安, 大家都諗住鬆一口氣....

晚上因為之前BB個心跳曾經慢過, 要入深切治療部觀察....大家心情又一冷....
差唔多半夜, BB情況突然急轉直下, 醫生話弟婦生產過程唔順利, 令到BB吸咗D胎水
入肺, 亦因為呼吸好弱, 令到腦部曾經缺氧唔知十幾秒, 要即時搶救. 後來大家先知, BB出世時已經紫哂......
醫生最後更丟低一句, BB如果有抽搐情況, 可能會過唔到個晚....
大家當時心情係直跌谷底, 有人開始激動, 有人開始流淚, 當時大家都好無助, 細佬亦開始沉默, 好擔心佢兩公婆, 好擔心BB, BB千祈唔好有事呀...要頂住呀.....
弟婦因為麻醉藥未過, 係病房休息緊, 當時亦唔敢同弟婦講, 怕佢受唔住打擊......
大家一齊係門外靜候.... 念經..... 祈求.....

零晨....終於見到細佬有少少笑容, 係深切治療行番出嚟, 佢話BB搶救到, 無事....大家個心情先至鬆番少少.....呢一晚真係唔易過.....亦令我聯想到, 原來幸福真係唔係必然, 有時幸福係會突然離去, 要珍惜而家擁有ge一切.....

而家BB仲係深切治療部觀察緊, 但情況已有好轉, 昨日已經可以拆走呼吸喉, BB已經可以自行呼吸, 但因為曾經吸入過胎水, 而家肺部都仲係有個陰影, 而個腦, 亦曾經有缺氧過, 所以遲D要做個腦掃瞄, 睇下有無事....唉.......
而家係擔心BB個腦, 唔知有無咩後遺症....個肺又唔知會點, 希望個肺影快D清番.
呢件事, 如果當初醫生肯聽我哋要求開刀, 可能就唔會發展成咁,
總之, 我哋無論如何, 都會追究責任....明知個大肚婆條腰有事, 直到生, 都唔協助, 醫院堅持最後一刻都要佢自然分娩...最後BB真係出咗事.....

"小豬"你好叻呀, 生命力亦都好強, 希望"小豬"可以快D好番出院,
祝"小豬"平平安安, 身體健康, 聰聰明明, 快高長大!
"小豬"你要乖乖, 小表哥"小朗" 好期待同你每年一齊切蛋糕同拆禮物ka......

希望大家為"小豬"送上深意ge祝福, 希望"小豬"快D可以離開深切治療室, 重投佢父母ge懷抱......
私人傳訊

princesslee


大宅

積分: 2950


2#
發表於 07-12-9 19:27 |只看該作者
睇到都忍唔住喊…
D醫生同護士真係好過份呀…
如果真係開得聲想開刀都真係忍唔到先要求架O者…
明知bb位唔o岩好難生…仲要格硬黎…
唉…
希望「小豬」佢可以健健康康…快d同媽咪一齊出院返屋企…加油！
私人傳訊

mdl832832


大宅

積分: 1854


3#
發表於 07-12-9 19:39 |只看該作者
希望無影響BB啦.　
按吓這行字看看我囡囡的網頁啦
私人傳訊

貓姐


禁止訪問

積分: 33575


4#
發表於 07-12-9 19:53 |只看該作者
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

PRINCE-TKO


男爵府

積分: 6325

好媽媽勳章 畀面勳章 BK Milk勳章


5#
發表於 07-12-9 19:56 |只看該作者
「小豬」…加油！
PRINCE-TKO
私人傳訊

夢妮


男爵府

積分: 5223


6#
發表於 07-12-9 20:24 |只看該作者
小豬, 加油呀！ 所有人都會支持你架 !
私人傳訊

韓太


大宅

積分: 3661


7#
發表於 07-12-9 20:36 |只看該作者
小豬,加油呀!願主大大祝福你們一家!
私人傳訊

sand373


男爵府

積分: 6960


8#
發表於 07-12-9 20:43 |只看該作者
我都想講下我既情況比大家知....
我係廣華順產 (本身係廣華同仁安都有留床位),但經私家既檢查,我係比較容易生,因為bb本身唔係大隻,而且落既位亦都岩,所以我決定去廣華生,可以慳番幾萬蚊.......
好啦....阿b,真係要出世, 星期五晚7點幾,去廁所發現有啡色分泌...我都唔覺係先兆,因為無陣痛, 到零晨2點幾開始有陣痛, 我就4點幾先去沖涼,洗頭,食埋個cup noddle先....跟住就call Taxi, 6點半去到待產房, 8點半先有醫生檢查, 佢檢查完就話我開得幾好, 有3至5度,幫我穿洋水, 咁我就開始陣痛密左同埋痛左,但都可以接受,醫生仲叫我打止痛針,我話唔駛喎...我用呼吸法去止痛,......9點助產士話推我入產房,但叫我唔好生住....因為未夠10度, 係因為出面無位...咁推我入產房,但係痛真係密左, 有d頂唔住....我先生亦都入埋離...佢地(我先生同埋助產士)叫我用笑氣,我用左幾下...唔得,因為好"哂"力,我推開左...靠自己既呼吸法仲好...可以留力生阿b,痛左幾下,助產士突然講左句,你想生就痾啦....咁我就試左幾次...就生左啦....(如果個助產士講清楚點用力,我諗我仲生得快d)....
好野,阿b出左世.....好似Daddy.
好啦...到我要"連"針....惡夢開始,初頭我都頂到...但慢慢地我開始頂唔住...要用笑氣,而且我開始challeage佢地搞咩...點解痛過生仔...佢地既解釋係兩樣係唔同既痛....頂真係好鬼痛呀!
助產士唔點, call 左醫生....我開始發神經係咁罵,而笑氣亦開始發揮最強既效力,我開始有d暈暈地...而醫生都開始搞唔掂, call左主任級既醫生到場,我聽到主任問醫生我失左幾多血...醫生答完主任即刻用英文問佢,點解咁遲先叫佢...而我亦開發冷同埋有d昏迷既感覺同埋全身無哂力,我亦開始發覺我身邊突然多左好多人,不斷叫住我...如來我既血壓去到好低,我雙手就不由自主地,比人打左好多針,落藥....最後"連"針呢個程序,我要用個幾兩個鐘先搞掂, 我先生入離叫到我都好驚,因為我雙手係吊哂針,而且我仲要用氧氣幫助呼吸....
我係廣華留左五日四夜(同人剖腹生bb一樣),輸左4包血先走得...
:-( :-( :-( :-( :-( :-( :-(

原文章由 mdl832832 於 07-12-9 19:39 發表
希望無影響BB啦.　
私人傳訊

BUNNYLEE


伯爵府

積分: 18078

畀面勳章


9#
發表於 07-12-9 20:49 |只看該作者
私人傳訊

chloe_pak


複式洋房

積分: 460


10#
發表於 07-12-9 21:42 |只看該作者
Junie & sand373,

多謝你地的分享， 我預產期30/12, 都會在政府醫院生(瑪嘉烈), 但係好後悔，因為越聽越多現在政府醫院的不是，於是都係想轉返去私家，點知私家冇晒位，唯有迫住係政府啦，我覺得現在係政府生好似揾命博咁，宜家生仔咁大件事，你估去賭場買大細咩，真係好驚....:-(
Junie 你呢個case  真係要追究啦，個大肚婆痛左２４個鐘都生唔到就應該開刀la, 真係好過份，d醫生咁衰，如果呢個係佢老婆，個BB係佢個仔，佢地一定唔會咁啦.....
唉！ 現在只好祝自己, 及所有會在政府生BB 的媽媽好運，但求一切順利la.......

Chloe
私人傳訊

ChingMan06


複式洋房

積分: 167


11#
發表於 07-12-9 21:56 |只看該作者
真係睇到令人心寒....
希望小豬快d康復!加油呀!
私人傳訊

puffer-fish


大宅

積分: 4287

畀面勳章


12#
發表於 07-12-9 23:22 |只看該作者
呢2個case都令我好驚訝...果然政府醫院唔係好得,好在你地都無事
祝你弟婦的bb早日出院平安大吉

私人傳訊

carton514


大宅

積分: 4011

畀面勳章


13#
發表於 07-12-9 23:45 |只看該作者
希望「小豬」佢可以健健康康快啲返屋企！
私人傳訊

teresasasa


別墅

積分: 535


14#
發表於 07-12-10 00:26 |只看該作者
真係睇完都想喊！小豬，加油！深深體會到媽媽真偉大
私人傳訊

cwclsh


大宅

積分: 4386


15#
發表於 07-12-10 02:00 |只看該作者
小豬，加油！
希望小豬早日康復!
私人傳訊

Sica


別墅

積分: 895


16#
發表於 07-12-10 02:29 |只看該作者
小豬, 加油呀.
原先我的預產期係 12月30日, 不過我係 10月30日生咗, 而且仲生咗個迷你B添, 佢出世只有 0.5KG, 現在亦是在 NICU.
我 BB 都有經歷生死一刻, 所以好明白小豬屋企人嘅感受. 不過你地不斷同小豬打氣, 佢一定知道架.
祝小豬早日康復, 一家團聚.:-P

http://hk.myblog.yahoo.com/sica_tsang/
私人傳訊

prettylily


男爵府

積分: 5999

畀面勳章


17#
發表於 07-12-10 03:00 |只看該作者
睇完兩個真人真事, 都好驚........:-(
我仔仔都係 威爾斯醫院生的, so far 都 ok.....d 服務...
比起當初聽回來的都沒有這麼恐怖....上帝保佑.....

但真係唔明點解政府D 醫生會咁, 大家都係 hk 人, 應該
要好d 啦, 不過你地個位局長就唔好啦, d 醫生唔知係
唔係受他影響呢 ?????............

anyway, 希望小豬快高長大, 健健康康........:-P
私人傳訊

peggy@_@


男爵府

積分: 5707


18#
發表於 07-12-10 03:13 |只看該作者
我果時都係政府私家兩邊留位,好彩個私家醫生當時估我要開刀比數好大,最後去咗港安同真係要開刀,因為bb胎水濁同半夜有半個鐘心跳慢咗d!!!
政府係唔到最危急都唔會同你開刀 ,因為要貼幾萬蚊比你開刀喎,所以有能力都係去私家好d安平d,而且依傢仲咁多大陸女人就更加啦!!!其實兩個案例都有朋友試過,出世頭仔紫晒個b要成3個月先可以出院,不過之後無事,個腦發育正常,依傢都12歲大啦!!!另一個係個姑娘未剪就叫朋友用力生,攪到下面爆晒,痛死人啦仲要再比個姑娘罵!!!兩個都係瑪加烈生!!!
希望小豬健健康康快d可以出院!!!

[ 本文章最後由 peggy@_@ 於 07-12-10 03:24 編輯 ]
私人傳訊

gsleung1806


別墅

積分: 733


19#
發表於 07-12-10 11:01 |只看該作者
小豬快d好返, 健健康康.願主保守你.

我都覺得你地要同醫院追究. 因為bb本來可以安全健康甘出世, 係佢地疏忽, 以致bb同mami受左不必要的痛苦及危險. 所以試下將件事寄去報管, 一周刊等. 等社會人士知道公營醫療機構忽視人民安全'官僚, 令病人無法得到最好醫療方法.
私人傳訊

tipqit


大宅

積分: 3764


20#
發表於 07-12-10 11:35 |只看該作者
希望小豬快d好返，健健康康咁成長!!!
而政府醫院亦越來越多醫療失誤了...
私人傳訊


首頁
123

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見