心聲留言今日: 2|主題: 17314

收藏本版

發帖

返回列表

跳至頁

查看: 12551 | 回覆: 167

12 3 4 5...9

積分: 2280

1^#

發表於 14-8-5 16:40 |只看該作者 |倒序瀏覽 |打印

囡囡～不經不覺你以離開左我地23日有多了，知麻，媽咪每諗起你就心好痛了。你陪伴左媽咪38週既日子，睇番啲相，好多相入邊你都同爸爸，媽媽，家姐仔一齊渡過，媽媽嗰時日日都同你講，妹妹你要等媽咪開刀嗰日先平平安安健健康康出世呀，結果妹妹，你還是答應了媽媽嗰日出世，不過⋯⋯仲記得你出世前一日，媽媽感覺唔倒你郁動，所以去醫院了。係路途中。我同爸爸都從未諗過你會有事。我地只諗我地想太多。但結果去到醫院。經檢查後听唔倒你心跳。嗰一下。我心好驚。心跳加速。眼淚係甘流，姑娘再轉媽咪上去產科再檢查，超聲波下既你還是冇左心跳了，我當時只有喊。除左喊我真係唔知有咩好做。然後婆婆姨媽姨丈地黎到。媽咪好似個細路囡甘見倒婆婆只識攬住婆婆喊。婆婆都跟住媽咪喊個不停。然後麻麻爺爺帶埋家姐黎。媽咪見倒家姐仔係甘攬住家姐仔喊。因我帶唔倒妹妹俾家姐，然後姑娘姨姨同醫生叔叔就跟媽咪爸爸相量要安排媽咪催生你出黎了。嗰日醫生俾媽咪番屋企，因廢事媽咪自己係醫院亂諗野，叫媽咪第日再入院，仲同媽咪講。安排催生都冇一下子生倒，意思話都唔係一日搞掂。媽咪同爸爸帶住你番左屋企。番到樓下。安更姨姨仲同我地講。快生喇喎。但媽咪同爸爸嗰一下唔知俾咩反應，可能姨姨都見我地面上没帶一點笑容所以冇再多問了。番到家。食完飯，汁定入院用品，訓了。點知家姐仔大喊要跟我。然後我抱住家姐仔入房。點知媽咪突然覺見紅。望下。真的見紅了。所以叫爸爸話我見紅了，然後立即去醫院，我地出門時家姐仔喊得好勁。係咪家姐仔都感受倒妹妹要離開了。所以不捨係甘喊呢。去到醫院。爸爸就番企先了。因姑娘姐姐地話冇甘快。所以叫爸爸番企先。當時去到醫院11點半。到12點穿水了。然後又打俾爸爸。爸爸以番到家了。爸爸話過黎。但姑娘話媽咪一度都未開所以唔洗甘快。到時差唔多再叫我打俾爸爸。一點，2點甘過。我同姑娘講我痛密左同想屙的感覺了，姑娘同媽咪檢查。話媽咪都未開度數。還同媽咪講依家檢查左之後冇甘快檢查架喇。起碼幾個鐘後先會再檢查，但到左3點幾差𣎴多4點。我話我真的好想屙。姑娘才給電話我打俾爸爸。當收左線後。我話我真好想屙。姑娘話你屙拉。2話不說。係咪因為距地知妹妹你以不在了。所以當媽咪大力屙時姑娘姐姐們用手拉你頭仔出來呢。因為媽咪屙左2，3你以出黎了。爸爸都還没到，但媽咪見倒你出左黎訓左係度。但知你没心跳了。你訓係度嗰樣我還記得。姑娘們把你抺乾淨後等爸爸來到再給我們看你。媽咪見倒你可愛既樣好心痛。我親愛的囡兒呀。你就這樣離開媽咪了。你知嗎。你真係好可愛。你就甘左天父走了。嗰日正正是我選押開刀的日子。之後既日子媽媽成日喊。但媽媽知道要振作，因爸爸家姐仔仲需要媽咪。直到琴日媽咪爸爸地最後送別你了，再次望倒你。媽咪還是没用。眼淚都係甘喊，妹妹呀。依家你真真正正自由自在了。在天父身邊做個快樂的小天使了。不用讀書工作了。只有快樂同開心歌唱了。你要好好乖乖甘跟住天父呀知麻。我地個個都會掛住你。你永遠都係媽咪既好妹妹。我既小玥玥～對唔住！媽咪保護唔倒你。但媽媽真係好愛你，雖然你離開了。但愛你既心唔會變。