英文除左ORT,我仲會去圖書館借唔同既繪本或科普書俾佢哋睇,有時間你去圖書館行一圈,實會有唔少收穫,初級推介sandcatle果套,由淺到深,都係好好既教材。到小朋友完成ORT 8時,可睇Usborne first reading系列,好多簡單版童話故事,佢哋好有共鳴。另外,大家唔好遺忘中文,良好既閱讀環境應中英同步進行。中文初學推薦基礎漢字500,由基本級一路教,完成5級25本,基本既繪本可自行閱讀7,8成。睇到第三級時可到圖書館借《我自己會讀》同《我會讀》系列,呢啲都係唔錯既教材。有時間,記住多睇唔同類型故事書,唔好局限某一類,應擴濶佢哋既知識。