上回講到8月1日的早上(BB33週2)血壓一直偏高，醫生提議唔好等不如開刀拿BB出來。
當時心情只有一點點緊張，又開心可以見到BB,但又擔心BB安全，真係好鬼矛盾。不過聽到醫生話33週2既BB又打哂強肺針，其實已經可以好叻，咁就只好一切相信醫生啦。
之後跟手打比老公叫佢帶定相機返工，因為我大概今天就生了（當時其實我仍然未知醫生想幾時開刀的）掛線後忽然有幾個阿姐和姑娘和抽血醫生企係我床邊急到賴屎咁叫我起行。我話想打比老公先，佢地又唔比，要我馬上執野換衫和上床落髮（原來馬上就要落產房了，心諗唔洗咁急下話)
講到呢道要鬧下個低能抽血醫生，仆佢個x前前後後一共白挨左佢三針，比佢吉到瘀黑哂，唔識抽血就唔好害人啦，打豆又打唔到痛撚到我大叫，好在最後比我鬧走佢換人幫我打（excuse me其實平時我份人好有善）
繼續，落到產房，左右手都打哂豆，左手一個右手兩個，插埋尿喉，成個人唔郁得了。這時先捨得比個電話我打比老公，老公都好驚訝我咁快落左產房插哂喉，前後都不夠廿分鐘。老公馬上從公司趕過來。
由於要配血，吊左鹽水，吊左防止抽根藥，加上之前食左野未可以開刀，所以要等夠鐘再開刀。
下午2:00老公來到了，入來產房陪左我一陣，係咁嗲老公好驚好驚，老公摸著我的臉安慰我唔洗驚老公係道等妳和BB出黎。由於我是屬於緊急開刀，所以唔比陪產(>﹏<)哼，都唔知有乜咁急!
2:30推入手術室了，見多老公一面，為我打打氣。一入到去一大堆人好忙碌咁氹氹轉，我開始好緊張好驚了。他們把我轉到一張超細既手術床上，要我打側身，蝦米形睡姿在背部打麻醉針，超級緊張，一邊打針一邊餵我飲防嘔的藥水。之後打平瞓，他們把我的手綁在架上，情況就好似釘十字架的形態一樣。
不到一會我胸部對下已失去知覺，過5分鐘手術開始了。(>﹏<)醫生無話比我知已在開刀，只問過我一句痛唔痛，相信就是這時開始了。當時我感覺到有人不停在推我個肚，推到成個人左搖右搖，還推到我有些反胃。
下午三點五小B卒之出世了，重1.5KG。我聽到一聲微微的哭聲，問姑娘BB是否出世了，姑娘話係呀出左世喇! 我一眼都未見過小B他們就送左佢去nicu了，這個時候我知道醫生在替我聯針，可能麻醉藥的威力使我勁攰勁眼瞓，忍唔住瞓著左。
一瞓醒已經五點幾六點，我瞓左係產房觀察，馬上問姑娘借電話打比老公，老公竟然仲未知道細B出左世(>﹏<)有無攪錯？竟然無人通知我老公，要他在產房門外呆等左三小時，激死! 老公馬上入來產房和我見一面，之後馬上過nicu睇BB了。
而我生左BB後要觀察24小時才可以上大房，其間要不段量血壓，不過已停左血壓藥，而血壓也正常返D嚕。吉手指糖尿又無問題了。希望一切都康復吧。
我寫呢篇文章時已是產後二十天了， 我之前提過自己第一胎順產，今次是開刀。其實我第一胎是無痛分娩順產的，而今次是開刀，兩種感覺我都試過了，我個人覺得順產真係好好多。
而家小B仍在醫院，媽媽會每天Keep住泵奶比你食，爸爸會每天來看你，小B你要加油努力呀！爸爸媽媽家姐永遠都咁愛你!加油!
正用手機app，請勿點評，因為是看不到的。如要回覆請用引用，多謝合作！
發表於 
點會咁
加油
果時我個女得1.4kg咋，收左水後，1.4都無
返回列表
