論盡家傭今日: 0|主題: 133712

收藏本版

發帖

返回列表

跳至頁

查看: 980 | 回覆: 0

會不會請在香港工作超過十年的姐姐 [複製鏈接]

加菲

子爵府

積分: 11064

1^#

發表於 14-8-21 10:37 |顯示全部帖子

會，我剛剛第一次請工人，冇時間比我揀人因為急用，AGENT只給了一個工人CV (就係呢個)，我見佢响HK做了11年，又湊開NB和小童。心諗中文肯定冇問題 (我冇人幫手，一定要搵個能雙方溝通到的工人)。另外做咗咁耐，對HK僱主/人和事和文化，點都略知一二 (起碼識坐MTR / 識用電器 / 認路或基本交通規則 / 廣東菜)
不過我都有考慮過係老屎忽，但又唔敢摶用零經驗 (驚湊BB有危險和雞同鴨講，我返工冇時間TRAIN)。
工人上班了差不多2個月，稱得上75分。果然中文完全冇問題，我當佢HK人咁傾偈都得。煮食幾好，起碼煮咩似咩，唔會亂嚟 (亂配搭)，亦懂煲老火湯或滾湯或炒飯或一般家常小炒，雖然唔算一流水準，但我哋唔高要求，正常味就掂! 湊BB也好好，懂煲BB粥仔，換片，基本安全等。

雖然工人係有經驗，不過我初頭都係慢慢給工作的，見佢識或做得嚟，才加其他工作。例如煲BB粥，頭4天是我煲的，見到佢OK才給她煲。我老公婆喜歡自己湊，所以2位小朋友，都係等我回家才同佢哋沖涼，唔使工人做。湊返學/上興趣班/餵奶/換片/BB刷牙/洗奶樽/換床單也是我哋自己做返，因為想多些時間對小朋友和自己做乾淨啲，我哋唔喜歡工人踩我床換床單，所以自己做。放工後我負責買餸/日用品 (避免金錢引起貪念或誤會)。工人在我家崗位是負責清潔/煮食/上班後照顧BB和大女，其他我哋自己做返。

補充: 工人是基督徒，所以食豬肉，不用手抺PAT PAT。但她曾試過2次黑面 (都係無端端鬧情緒的)，我哋冇理佢，第日佢又冇事。我相信所有工人都有通病，問題係你請著嗰個係衰邊樣啫，而衰嗰樣又視乎你嘅接受程度，你給她工作的優先次序，工人本身個品行 (懶但可以係善良，有啲清潔好好但串咀，有啲對小朋友冇愛心但唔偷嘢....總之咩人都有)

而我老公婆亦深信自己個工人未必會保持得到2年都係75分，分分鐘半年後還完AGENT FEE就現形都唔出奇。總之大家相處恭敬有禮，唔刻薄，但又冇需要視為家人咁親密。過得人過得自己就算，如果佢咁都變臉，都無話可說。