在職全職 今日: 11 | 主題: 47933

積分: 1318

1^#

發表於 14-8-21 00:10 |只看該作者 |倒序瀏覽 |打印

請教全職媽媽:

上年囡囡小一在校訂飯, 今年我有D想工人姐姐帶飯比佢(家往校出門起計25 MIN), 但擔心工人能否搞掂,

請教各位您們自己帶飯日常家務如何分配時間? 謝!!

家中二大一小, 囡囡升小二, 早上7:15am等校車7:30 am上車.
放學3:10pm接校車往託管3:30 - 6:00 PM
工人要自己買餸(因我早出晚歸)煮晚餐, 街市及超市就在樓下
(日常主要家務是洗衫(我地要熨的衫不多)家居清潔(我指定輪流每日清潔某些部份, 姐姐有沒有跟足我都不細究), 屋三房一廚一廁一廳, 清潔也很求其, 但求不要生虫發霉都隻眼開隻眼閉)

0 0 0

私人傳訊

cnynicole

積分: 33508

育兒性格勳章 DHA勳章畀面勳章 BK Milk勳章 hashtag影視迷勳章

2^#

發表於 14-8-21 11:31 |只看該作者

可唔可一早拿埋午餐返學校? 用保溫container 放住d 飯菜?
唔洗工人姐姐行多轉, 而小朋友都食到屋企飯?

私人傳訊

積分: 41839

3^#

發表於 14-8-21 12:34 |只看該作者

回覆：小二自己送飯

我覺得可以，因為我嚟緊小一都係咁。煮餐飯有菜有肉，仲要唔可以有火腿腸仔呢啲，半小時內完成，我仲會行過去大約20分鐘。睇下你願唔願意畀工人花一個多小時喺呢餐飯上。

私人傳訊

huilai88

子爵府

積分: 10742

4^#

發表於 14-8-21 18:11 |只看該作者

2二大一小全部工人姐姐湊？又要買餸煮飯。做D嘢都唔少。

私人傳訊

積分: 1318

5^#

發表於 14-8-21 22:06 |只看該作者

本帖最後由 abbymum 於 14-8-21 22:09 編輯

回覆 huilai88 的帖子

二大一小, 二大係我同老公, (二大唔駛姐姐湊的, 但要煮晚飯.....簡單家常飯; 同埋洗衫之類), 一小係七歲女, 全日小二, 放學校車返來接過去(行五分鐘內)功輔班.

請教時間上可怎安排較合理.

謝謝!!!

私人傳訊

積分: 1318

6^#

發表於 14-8-21 22:36 |只看該作者

回覆咖央的帖子

請教妳是自己還是工人姐姐送? 整體家務時間怎安排? 謝謝.

(花一個多小時應可以吧. 我媽(唔同我地住的)成日話我工人咁得閑. 但點同佢比呢, 佢以前一個湊四個差唔多年紀的細路, 自己做埋晒家務, 仲要攞外發回家做, 仲可以抽時間同我地玩, 我都唔明佢點分配, 但佢覺得這只是濕濕碎, 駛乜教.)

點評

jenniferbb 以前年代媽媽係強人，發表於 14-8-23 14:43

私人傳訊

積分: 41839

7^#

發表於 14-8-21 23:17 |只看該作者

引用：回覆咖央的帖子請教妳是自己還是工人姐姐

原帖由 abbymum 於 14-08-21 發表
回覆咖央的帖子

請教妳是自己還是工人姐姐送? 整體家務時間怎安排? 謝謝.

係我自己。
我無工人，我有2個小朋友，大嗰個快升小一。因為我細嗰個返幼稚園，放12點，橫掂都煮午餐，所以打算煮埋大女嗰份送去學校，之後湊放學。

我字面上睇你工人真係好得閒。不過可能佢鐘意慢工出細貨

。

以下是我計劃中的日程，而且一定會做，因為有啲係奶奶指定嘅:

6:00am起身，叫大女起身，準備早餐
6:30am完成早餐，溫習或玩，上廁所，換衫等。
7:15am老爺接返學，我8:10am出門口送細女返幼稚園
8:45am買嘢
10:30am煮飯
11:10am出門去送飯
12:00pm接幼稚園放學
2:50pm老爺接小學放學
其他時間:做功課，簡單家務，傍晚煮飯。
10:30am唔做嘢

我仲好多時間用手機上網。我家務除咗每日拖地洗衫摺衫煮飯，床單就1星期換1次，廁所可日日抹，簡單洗只要5分鐘，最緊要用漂白水。其他嘢睇心情先做。因為有時都幾攰。
但我啲玩具就唔會抹。

私人傳訊

積分: 41839

8^#

發表於 14-8-21 23:18 |只看該作者

回覆：小二自己送飯

仲有呀，我老公咩家務都唔做。

私人傳訊

積分: 1318

9^#

發表於 14-8-22 00:22 |只看該作者

回覆咖央的帖子

THANK YOU SOOOO MUCH for the time table.

仲有呀, 我老公好多時忍唔住連地都拖埋.
爬高的抹窗和抹燈等等怕她一失足成千古恨, 好多時又我老公做埋. (我懶....同埋我工餘專注幫女功課之類).
見到別人實際如何運作(是自己做而不是"労役"工人), 很有參考價值. 可以比姐姐有個時間預算, 唔駛樣樣野都"慢工出 (?) 貨".

私人傳訊

積分: 41839

10^#

發表於 14-8-22 06:39 |只看該作者

引用：回覆咖央的帖子THANK YOU SOOOO MUCH for

原帖由 abbymum 於 14-08-22 發表
回覆咖央的帖子

THANK YOU SOOOO MUCH for the time table.

抹燈我無呀，因為太高了，換燈泡時先順便抹吓。
抹窗我要用45分鐘，。先抹清潔劑抹，再用乾布抹。
廚房，隔日洗完碗，用廚房漂潔液抹吓表面，10分鐘。
抽油煙機，15分鐘，見好多塵先抹，可能1，2個月一次。
吸塵時，吸埋電視機，電腦，電掣。

私人傳訊

積分: 1318

11^#

發表於 14-8-24 00:18 |只看該作者

回覆咖央的帖子

自己做返真係唔同. 總之就係見到順手就做埋. 即使有D話好耐唔做, 都係講緊一兩個月.

(我以前無返工自己湊女時(當然係無工人), 洗厠所浴室都係拼埋沖涼時一齊做

.見到摸到唔乾淨就做, 除非好唔得閒或好攰.)

私人傳訊

bosch

瑪瑙宮

積分: 128491

2024年龍年勳章 2024勳章 2023年兔年勳章虎到金來勳章開心吸收勳章

12^#

發表於 14-8-24 10:37 |只看該作者

本帖最後由 bosch 於 14-8-24 10:39 編輯

abbymum 發表於 14-8-21 00:10
請教全職媽媽:

上年囡囡小一在校訂飯, 今年我有D想工人姐姐帶飯比佢(家往校出門起計25 MIN), 但擔心工人能 ...

你屋企既情況算好簡單, 因為佢大部份時間根本係一個人做野唔受人打擾, 理應可以做得快. 當然有心要做好每份家務的話, 可以全日都忙到暈, 不過呢個係ftm 既生活, 能力上工人實搞得掂, 問題係佢肯唔肯同埋有冇咁既智慧去搞掂.

我送左大仔返學, 之後湊2個細既, 所以有時間至做家務, 買送就好天咪帶埋小朋友一齊去順便去公園, 早知天氣差時會一早買定幾日餸.

我只係朝早整份麵包俾佢響學校度食. 時間表大致上係咁:
7am 早餐
8:15am 返學
11am 小朋友食生果
1pm 午餐
1:45pm 出去接放學
2:30pm 小食
6pm 開始煮飯
7pm 食飯
8pm 大二仔去訓
11pm 細女飲奶, 訓覺

我既時間表主要係要有固定作息和膳食時間為基礎, 家務係攝時間入去做. 我只係煮晚飯, 所以預1個鐘內搞掂, 有時我想食雲吞水餃等食物做晚餐, 咁就預多d 時間去整, 有時整多d, 之後雪響冰格, 可以保存耐d, 下次一拎出黎煮就得.

你可以叫工人響夜晚準備好第二日帶飯既飯菜 (將d 餸菜切好, 醃好, 雪好), 第二日要煮時可以快 d 搞掂準時出門口. 或者間中整d 簡單食物, 特如pancake 等, 亦唔會花佢太多時間去準備.

家務方面我係比較求其亦冇特定時間表, 始終要睇住2個細既好難分到身, 用到機器既咪用, 有時會叫埋兩個仔幫手做.

洗廁所我係半個鐘洗好2個廁所, 唧左潔廁得要等20分鐘, 咁呢20分鐘內我去刷乾淨個水喉同洗手盆.

私人傳訊