夫婦情感

跳至

首頁
12

尾頁
   1


別墅

積分: 535


發表於 14-8-21 01:49 |顯示全部帖子
我和C6在一起超過年半了,大家都有工作,沒有子女。我收入穩定及尚算不錯,而C6則收入少。他一向待我很好,放工多數在家陪伴我。由於我收入多,所以家中開支,都由我負責;C6收入用於自己及養開工用的車。
我不知為何,覺得很想C6能給家用我:是令我感覺良好點(即是他也會共同負責我們家的支出,而不是只有我負責),也是幻想收到家用時會感到溫馨和開心(我一廂情願)。其實我不是能力上負擔不起,只是有時感覺不太好。
結果我晚上吞吞吐吐,才能向他講出口,希望想收到他的家用(由於遲遲不講得成,還給他罵)。他聽到就有點不快地說:「知道怎樣做了,會滿足我,所以會增加額外工作時間」,但我本意不是這樣。他又說我講到錢就失感情。
我是否一開始就不應該講?他又不是沒工作,只是收入的確低,我是否太貪心了?(雖然我想,就算收很少的家用,也是有象徵意思)
結果好像他不開心地睡覺了。我就打這篇帖子⋯⋯我是否很過份?不知足?




男爵府

積分: 5610


發表於 14-8-21 02:18 |顯示全部帖子

回覆:講出口,錯了!怎樣辦?

明白你係在乎感覺唔係錢,你有尼個要求唔需要道歉,如果佢黑面或當無件事就再同佢講你既感受,如果佢比家用你就買返野比佢等佢明白你唔係計較錢


大宅

積分: 2051


發表於 14-8-21 03:00 |顯示全部帖子

回覆:講出口,錯了!怎樣辦?

如果你真係唔係錢方面既問題,你可以試下咁,你話你老公都會負責家庭開支一部份,咁你叫你老公張個負責一部家庭開支既金額折現當「家用」咁比你。咁你一方向可以滿足收「家用」個陣既溫馨,又唔洗令到你老公開工時間又長左。



點評

catcatcati  佢c6並無負責家中開支   發表於 14-8-21 23:13


別墅

積分: 622

認識瑞士牛牛第二回 認識瑞士牛牛第一回


發表於 14-8-21 03:14 |顯示全部帖子

回覆:講出口,錯了!怎樣辦?

建議先了解係咪你c6介意自己收入少過你。你問佢要家用本身唔係問題,但可能觸及佢死位。我有朋友把口話唔介意太太收入高過佢,但實際好介意,通常佢地會用大男人的手法來提高地位



別墅

積分: 622

認識瑞士牛牛第二回 認識瑞士牛牛第一回


發表於 14-8-21 03:17 |顯示全部帖子

回覆:講出口,錯了!怎樣辦?

如果你感覺到佢介意,講真先不要談家用,建議在遇到新開支時作為時機討論如何分擔家庭開支啦﹙如聯名戶齊齊入錢交費﹚


別墅

積分: 535


發表於 14-8-21 07:31 |顯示全部帖子

回覆:講出口,錯了!怎樣辦?

他早上返工前,已經說「我是否很沒用」,我抱著他,說「當然不是!」
我倆收入不同,從我倆相識已經是這樣子。有時外出,他會說想買這些那些,我才以為會否他寧願花在自己身上,但原來他是「講也高興」,但很少真的買下來的。我也不知道他原來剩不到錢來作家用。
他花在養車(工作用)的錢,應該做不到「折現」給我。預計大家也不會有什麼新的開支可以共同負責。
現在感到是覆水難收似的,令他不快,唉!



點評

喵喵miu  快快 say sorry 好快   發表於 14-8-26 00:33


公爵府

積分: 26954


發表於 14-8-21 08:13 |顯示全部帖子

回覆:講出口,錯了!怎樣辦?

背景同你似,但一結婚就係一人入一舊錢入戶口交租同儲蓄,其他人人俾啲,粗略係我俾多啲,但冇去計,c6都冇俾家用我,因為佢返工咁辛苦,份糧幾乎俾哂屋企,自己鍾意嘅嘢都唔捨得買,做老婆會肉痛佢多啲,可以能你先生覺得佢已經咁辛苦,揸車係攰㗎,我老公都要揸,你仲要求佢再搵多啲錢,佢本身介意自己收入低,你咁講佢可能覺得你介意埋一份,佢未必明你個諗法,但我估你先生都錫你,因為佢雖然悔氣,但都滿足你。我諗唔好提家用了,有時男人大男人起嚟,做唔到都死頂,我老公成日都話去跑散同埋揸夜更的士,或者出去食飯貴不如中午唔食飯食面包,俾我極力制止,影響健康㗎嘛。


大宅

積分: 3528

親子王國15週年勳章


發表於 14-8-21 08:17 |顯示全部帖子
其實你知唔知佢嘅真實收入係幾多。


珍珠宮

積分: 46960

開心吸收勳章


發表於 14-8-21 08:34 |顯示全部帖子

引用:我和C6在一起超過年半了,大家都有工作,沒

原帖由 charis 於 14-08-21 發表
我和C6在一起超過年半了,大家都有工作,沒有子女。我收入穩定及尚算不錯,而C6則收入少。他一向待我很好, ...
男人自尊心問題吧⋯尤其係中國人嘅思想,總覺得女人比男人本事係一種羞恥。
其實一開始妳講嘅方法錯咗啫⋯如果一開始妳同c6講:「不如每個月你將啲雜費折現俾我,等我負責交囉⋯」到佢問點解時,妳咪照直同佢講,話:「你唔覺收到老公俾錢好sweet嘅咩?」咁就唔會有而家嘅情況出現啦。
如今妳都係直接同佢講妳原意,加多聲sorry吧⋯sorry並唔係因為妳想法錯咗,而係令妳c6內心舒服一些,值得講。



百花叢裡過,片葉不沾身。


伯爵府

積分: 18300


發表於 14-8-21 09:42 |顯示全部帖子

引用:我和C6在一起超過年半了,大家都有工作,沒

原帖由 charis 於 14-08-21 發表
我和C6在一起超過年半了,大家都有工作,沒有子女。我收入穩定及尚算不錯,而C6則收入少。他一向待我很好, ...
要同佢解釋返件事!




別墅

積分: 535


發表於 14-8-21 10:02 |顯示全部帖子

回覆:講出口,錯了!怎樣辦?

其實我只是大約知他的收入,我也沒有要他賺更多錢的想法(我寧願他陪伴我)。一直以來,我只知他大約收入和支出應該差不多,但我也不知道他是否有錢剩下來的。
所以收家用,是我一廂情願的「少女」般的幻想吧了!
我會好好解釋,但似乎已經踩到他的痛處了!




子爵府

積分: 13093


發表於 14-8-21 10:14 |顯示全部帖子
本帖最後由 豬兜有情人 於 14-8-21 10:15 編輯
charis 發表於 14-8-21 10:02
其實我只是大約知他的收入,我也沒有要他賺更多錢的想法(我寧願他陪伴我)。一直以來,我只知他大約收入和 ...

佢要比你一早比你, 更何況佢收入少你咁多, 你叫佢點比你??

你換轉想吓如果佢收入多你好多, 佢從冇比家用你? 咁諗你會唔會覺得舒服D, 因為大有人在係咁.


男爵府

積分: 8463


發表於 14-8-21 10:22 |顯示全部帖子

回覆:charis 的帖子

可能係你表達既方式出左問題…
你講到佢樣樣都好,無理由咁就發脾氣既…
慢慢同佢傾多次,好好地表達自己既感受,佢會明白的。


男爵府

積分: 6308


發表於 14-8-21 10:23 |顯示全部帖子

引用:我和C6在一起超過年半了,大家都有工作,沒

原帖由 charis 於 14-08-21 發表
我和C6在一起超過年半了,大家都有工作,沒有子女。我收入穩定及尚算不錯,而C6則收入少。他一向待我很好, ...
不過分,他有責任為頭家出多少力的。多有多出,少有少出,最重要肯付出。更何況你又唔係喉住佢d錢,問心無愧即可。不過你都應揾機會,同你老公分享下你的睇法,等佢明你多點!




子爵府

積分: 12943


發表於 14-8-21 10:23 |顯示全部帖子

回覆:講出口,錯了!怎樣辦?

可能是時機問題,通常等到他升職加人工時問較好


瑪瑙宮

積分: 127467


發表於 14-8-21 10:35 |顯示全部帖子
佢唔係唔比, 係少到比唔到, 咁何必問呢?


子爵府

積分: 13093


發表於 14-8-21 10:43 |顯示全部帖子
Nancy20090615 發表於 14-8-21 10:35
佢唔係唔比, 係少到比唔到, 咁何必問呢?

同意...比晒你問你拎又有咩意思, 每個家庭都有不同安排, 你睇人好人睇你好, 只要大家係有為個家付出有咩所謂呢.


子爵府

積分: 13093


發表於 14-8-21 10:44 |顯示全部帖子
Bling11 發表於 14-8-21 10:23
可能是時機問題,通常等到他升職加人工時問較好

GOOD IDEA


伯爵府

積分: 19582


發表於 14-8-21 11:42 |顯示全部帖子
樓主蠢左啦, 同佢講想一齊儲錢, 開個聯名戶口每個月入D 錢入去咪得囉.


別墅

積分: 535


發表於 14-8-21 11:44 |顯示全部帖子

回覆:講出口,錯了!怎樣辦?

謝謝大家意見!真的是我看人好,人看我好;也是自己有些「得一就想二」吧!知道不應該強求形式上的東西了,我會更多些欣賞C6非金錢的付出。
又:他的工作性質,好像沒有升職或加人工的可能⋯⋯我都是繼續隨遇而安好了!




首頁
12

尾頁

跳至