婆媳關係今日: 0|主題: 27697

收藏本版

發帖

返回列表

跳至頁

查看: 11973 | 回覆: 3

會變的奶奶 [複製鏈接]

小寶貝兒

珍珠宮

積分: 30247

1^#

發表於 08-1-10 14:02 |顯示全部帖子

回覆 #14 kantanjin 的文章

bingo!!
同我99一模一樣!!

我結婚初期, 又係對99好過對阿媽, 結果呢, 佢就得寸進尺, 成日借D E鬧我(其實係佢自己唔開心, 但就搵我黎發洩!), 我對佢好, 佢病左我照顧佢, 佢一好返就同全世界講話我冇理佢! 幾HURT呀! 果幾日佢直頭當我係賓賓, 指指點點要我做呢樣果樣, 我都唔計較, 諗住等佢休息多D快D好返(其實都係傷風感冒姐), 結果到佢好返原來係咁對我! 真係HURT到我以後都唔想再理佢! (我老公佢親耳聽到99點樣亂UP野, 所以佢都好嬲99架, 仲叫我以後佢病左, 唔洗理佢咁多, 求期打個電話上去就算!)

唔知係咪佢對我D態度, 連2歲幾的孫仔都知道, 大巴大巴COM落大伯娘(即係我)度, 係唔須要道歉, 只要一扁咀, 大伯娘仲會呵返氹返(因為最高領導人落ORDER丫麻), 仲有野食! 所以個靚仔完全唔尊重我, 成日兜巴COM埋黎, 我想教好佢, 話佢聽唔可以打人, 佢一扁咀, 99就即時叫我同佢個金孫道歉! 真係火滾! 明明我係受害者, 仲要同佢道歉? 冇野呀佢!

唔洗講, 我99無論係我背後定面前, 都會用D好難聽既字眼(即係粗口啦!)黎稱呼我!

而呢排, 我真係忍無可忍, 我唔會反擊(免得佢執住又話我冇家教!), 但我亦唔會再對佢好! 本份野我做, 但本份以外, 想我再煮多次野比佢食? X就有得佢食!

反而呢排大家相安無事, 而家睇下今次過年, 係咪又搵我黎出氣?!

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

小寶貝兒

珍珠宮

積分: 30247

2^#

發表於 08-1-11 13:14 |顯示全部帖子

回覆 #29 zuzu888 的文章

我99, 嘻嘻~ 唔睇呢套架! 佢睇亞記果套咩咩有情天呀? (即係果d好老套, 阿媽好辛苦, 然後個仔同新抱好鍚佢果d掛.... 岩岩尋日上去, 見到講緊個阿媽睇見個月亮係度喊, 多數都係呢d故事啦~)

佢唔睇野蠻99架, 唔投入丫麻, 反而我好有興趣睇, 4少奶都係, 睇得好投入!

私人傳訊

小寶貝兒

珍珠宮

積分: 30247

3^#

發表於 08-1-11 13:29 |顯示全部帖子

回覆 #19 豆丁的文章

我愛Corina,豆丁,
我都想大巴大巴com返個靚仔, 但99係旁邊望到實, 我試下掂下佢個寶貝金孫丫, 命都冇呀!!

2次我老公都不在場, 係事後先知, 但連我父母而家都唔會打我(升左上中學就冇再打), 佢一個死靚仔, 打完我仲要似住有阿麻撐腰, 死都唔道歉!! 仲扮喊(冇眼淚架!)

我真係超頂唔順我99咁鬼縱個孫!

有次, 我老公想教好個姪仔, 只係叫佢由酒樓行返屋企, 短短5分鐘路程, 行左2分鐘已經喊住要抱, 我老公起初唔比6299抱, 話要教, 但99就唔理個仔, 一手抱起個孫, 仲話"大伯好衰, 我地唔好理佢姐!" 擺明同我地搞對抗! 搞到老公好嬲, 99就一邊抱一邊話佢, 我見到老公黑晒面架, 後尾問佢, "99知唔知咁樣唔岩架?" 佢就話"佢知架, 所以後尾話我地, 對佢黎講就係道歉架啦!" 跟住我話 "咁既道歉, 我受唔起!"

之後我同佢講, "之前既事, 加埋今日件事, 我諗我地要有共識, 就係絕對唔可以比d老人家插手我地教我地既仔女!" 我老公都認同, 然後我就話"以後邊個想縱孫, 包括你父母同我父母, 佢一縱, 就一個月冇得見d孫!"

我心諗就係, 我父母絕對唔會縱孫, 只要我同佢地講聲, 玩就會, 好似99咁係我地手裡面搶就一定唔會! 所以我段說話, 擺明係話比佢聽, 叫佢同佢阿媽講掂數, 唔好阻住我地教仔女, 唔係就一個月冇得見! 住對面都咁話!

私人傳訊

小寶貝兒

珍珠宮

積分: 30247

4^#

發表於 08-1-12 17:09 |顯示全部帖子

原文章由 joyjoymm 於 08-1-12 16:14 發表

你99咁縱容個孫,第日個孫連佢都打添,到時真係報應

唔洗第時, 而家已經係啦, 不過佢覺得個孫唔係兜巴com埋去, 係"摸"麻麻塊面之麻!!

我等緊幾時, 佢縱到個孫好似佢個fd個孫咁, 霸道到冇人有, 到時想我采下佢個孫? no way!!

btw, 我曾經有一次, 好語重心長, 心平氣和咁同老公講, 若果佢阿媽要數我, 記得千祈咪係佢面前幫我, 由得佢數! 仲要加多把口, 講到我有咁衰得咁衰, 有咁賤得咁賤!

我唔係要扮大方, 而係, 反正99本身已經覺得我係衰人賤人, 無論佢個仔點樣同佢講我有幾好幾好, 佢都聽唔入耳架啦(亦唔會因為個仔講幾句就改變佢既諗法), 何必為左呢少少問題又要嘈大交呢?

而且99聽到個仔咁講, 基於一個好簡單的道理, 就係"物極必反"既原理, 若我老公講得比99更誇作, 作更多野出黎鬧我, 附和佢(最好加d串串地既語氣就更perfert), 99好自然就會諗, 佢(即係我)都唔係咁衰姐, 有冇咁誇張呀! (即使99唔係咁諗, 都冇壞, 反正佢都當左我係衰人)
如果我老公幫我, 同99講我其實好好, 99肯定會諗, 佢有冇咁好呀, 你咁幫住佢, 阿媽都鬧! (我99係, 只要同佢意見不合, 就係鬧緊佢!)

而第3個理由,

就係令到老公了解到佢阿媽既不講理, 然後仲明白到個老婆一d都唔介意, 幾咁偉大呀, 即刻鍚都黎唔切啦, 仲點會係佢阿媽面前數我呀!! (我講完之前果段說話之後, 又講左頭果2個理由, 冧得我老公不知幾開心同感動, 差d流下男兒淚添呀!!)

係咪掂先!!

ps, 獨門秘方黎架, 各位姊妹岩用既請隨便攞去用!!