回覆 Edmund1216 的帖子
您好Edmund1216,請問BB近排除左胃口差D之外有無其他唔舒服既症狀? BB胃口有時都會有參差,建議因應囡囡既需要提供合適既分量。唔同既食材的確會吸引到BB既,媽媽可以慢慢引入字母粉﹑上海麫等等麪類俾BB食,一開始煮得淋D同剪得短身D以便容易吞下。盡量等佢肚餓D至餵,真係唔食都唔需要迫佢架,寧願等下一餐佢肚餓D至餵,同時都要確保返囡囡有足夠既水分吸收。另外,媽媽亦要多留意自己既奶量,如果埋身食得少都要泵返多D出黎呀。出牙仔有時未必有其他徵狀,假如囡囡有食手指習慣,建議要多D注意雙手清潔呀。現時可能只係一個過渡期,相信日後胃口會慢慢恢復架啦。加油呀媽媽!
我有一個願望,就是想見到每個BB食得好、瞓得好、笑得好、Poo得好,
有個海綿級肚仔,每天盡情體驗新事物、吸收新樂趣!