少年成長

跳至

首頁
1

尾頁
   6


子爵府

積分: 10676


發表於 14-9-12 14:23 |顯示全部帖子
唉,好難搞
好naughty, 叫佢沖涼刷牙,鐘意先做唔鐘意唔做,發脾氣時掉野,lur 地…
話要嘅野就一定要,唔比佢就大喊,look地

總之就唯我獨尊,佢話要就要,唔要就唔要
心情唔好時,咩人都唔睬,唔食飯,咩都唔要,鍚啖佢又打自己塊面大叫唔好

佢話要時一定要比佢,不論係餅,奶,玩具,電話…

點搞? 各位媽媽,有無d好書係講點教幼兒的? 同埋我都想學多d唔同成長時期對小朋友的影響例如2歲反叛期,烙印期,猛長期等. 懇請賜教


大宅

積分: 2742


發表於 14-9-15 00:53 |顯示全部帖子
會否一開始時佢一話要乜野就個個就晒佢,如果想改變佢嘅態度,同樣妳都要改變處理手法。我囡由一歲半開始我嚴厲執行「扭果樣,冇果樣」,如果每次狂喊lur地就有,等同鼓勵佢扭計,可以先試「轉移視線」,如果唔得,語氣平靜但明確講明點扭都冇㗎,妳喊完先搵媽咪,到時冇扭計媽咪就.......(做另外一樣,並唔係佢扭嗰樣)


男爵府

積分: 5584


發表於 14-9-15 09:42 |顯示全部帖子

回覆:黑色誘惑 的帖子

書可睇\"我的兩歲小孩\"
我女都兩歲多, 同樣出現這些常見問題。
我通常都係 keep 佢喺一個安全環境,
之後由得佢扭, 我坐埋一邊睇住, 扭完先揾我。中間幫佢或叫佢抺吓眼淚鼻水, 睇吓氹得未。
喊到悶自然會揾你, 想快啲就做啲嘢吸引佢, 引咗佢埋來,講道理,做完我想佢做嘅事就可以玩(用來引佢嘅嘢).
都引入緊,\"扭咩冇咩\"概念俾佢。
當然自己 EQ 要控制, 因有時真係扭好耐。

--- 我是P牌爸! ---
--- 爸爸o既自尊心係建基於囡囡o既關注度 ---


大宅

積分: 1027


發表於 14-9-15 11:02 |顯示全部帖子
mikona 發表於 14-9-15 09:42
書可睇\"我的兩歲小孩\"
我女都兩歲多, 同樣出現這些常見問題。
我通常都係 keep 佢喺一個安全環境,
我個女都類似樓主個小朋友咁...
個日係架車到,係咁要落地,我已經好好聲氣叫佢唔可以咁做,好危險,佢就變本加厲,開始係到大喊大叫...(之前我會盡量忍佢,因為怕嘈到爸爸揸車)但係爸爸放聲講,由得佢喊,唔好理佢....咁我同爸爸全程都冇理佢,間中幫佢抺下眼淚,佢途中都有用手點下我,但我一望佢,佢又大叫大喊,我只用好平和既聲同佢講,你收哂聲先,我先會同講野...最終佢由荃灣喊叫去到TUEN MUN,佢先收聲

之後我抱返佢,我同佢講點解唔可以落地..佢第二日自己係架車同我講,唔可以落地好危險...希望佢真係記得喇...

當然自己 EQ 要控制, 因有時真係扭好耐。--呢樣野真係要成日同自己,要EQ高D同埋同佢打持久戰



大宅

積分: 2624


發表於 14-9-15 11:13 |顯示全部帖子
佢扭既野如果唔合理或你決定唔俾既, 簡單解釋一兩句, 等佢明白咩原因唔俾。
然後佢要喊就由佢喊啦! 佢LUR你走埋你度, 同佢講, 媽媽知你好想要, 唔開心, 但係XXX (頭先既理由, 一定要俾個理由佢) 。 如果佢繼續喊, 由佢, 叫佢喊完先同你講野。

如果係街, 做法亦一樣, 搵個唔阻人既地方, 同樣講果D, 佢喊一樣由佢喊, 唔好心軟, 總之你有解釋, 有用愛黎關心同明白佢感受, 佢唔開心要喊要發洩就由佢。等佢喊到咁上下, 可能都唔知自己喊乜, 咁你再TUM返佢啦! 但緊記佢扭果樣野都係唔俾架啦!

如果可以做到..一開始用第二樣野令佢分心, 就最好啦! 佢就唔洗喊到豬仔咁!

故事書呢...暫時都未必好有作用。我仔三歲幾先開始話要好似故事人物阿邊個咁乖咁得人鐘意。兩歲幾唔知會唔會太細未係太代入故事裡面...


大宅

積分: 4849


發表於 14-9-15 16:20 |顯示全部帖子

回覆:求救,唔識教野蠻兩歲幾b囡,有無好書介紹

直接同佢講佢既問題, 講到佢明為止。
溫柔語氣得架啦, 唔駛鬧。
佢要既野應該俾佢嗰時就俾佢囉,
一路同佢講道理到大個反叛期都總有d留喺腦入面。


大宅

積分: 1565


發表於 14-9-17 06:50 |顯示全部帖子

回覆:求救,唔識教野蠻兩歲幾b囡,有無好書介紹

要好恨心,我小朋友都2歲,一樣好曳好扭,發脾氣,我好大聲鬧佢,佢會驚會喊但唔知錯,依然唔會執返發脾氣時掉嘅玩具,我會好恨心,迫佢執返,尤佢大喊,間中幫佢抹,過5分鐘仲喊緊仲堅持,我都會繼續用好肯定嘅語氣話佢唔啱要知錯要執返啲物件。通常爭持15分鐘,其間好難頂,佢喊到好煩,屋企如果有老人家仲會幫小朋友,我通常都會阻止,我話我教仔其他人忍一忍,佢乖返你哋鍾意點錫都得,一定一次都唔可以俾老人家插手救小朋友。慢慢,我覺得情況有好轉,仔仔一有發脾氣動作,我只要同佢講:你試下!佢就會記得,會停,會扮嘢講其他。


大宅

積分: 3356


發表於 14-9-17 22:54 |顯示全部帖子

回覆:求救,唔識教野蠻兩歲幾b囡,有無好書介紹

唉!我囡囡21個月大都好頑皮, 又任性, 又經常大喊扭計, 我都好頭痛


大宅

積分: 1482


發表於 14-9-17 23:32 |顯示全部帖子

回覆:求救,唔識教野蠻兩歲幾b囡,有無好書介紹

你自己湊定有人幫手?通常爺爺麻麻湊就佢咁,我女由佢開始識扭開始我都會同佢講點解唔得先,講夠三次佢都仲扭我就會無視,到而家22個月,佢每次扭喊唔會超過5分鐘就會自動收聲。 試過係街扭到坐係地大喊唔肯走我都係唔出聲等佢自動走過來,周街人望,但我唔會理。 最近我一唔俾佢就掉野,我唔會大聲鬧,但我要佢每樣執番擺好,要記住一樣野,唔好輸俾眼淚


子爵府

積分: 10676


發表於 14-9-18 08:41 |顯示全部帖子

回覆:求救,唔識教野蠻兩歲幾b囡,有無好書介紹

工人湊
兩公婆放工同weekend 就陪佢
可能我地唔夠嚴,有時真係唔想見到佢喊到成個人紅晒,出晒汗
同埋佢有時病真係會就晒佢
有時心情好d容忍就會高d, 有時心情無咁好,就會難忍受佢曳多d
而家咪懶野,佢都唔驚我嘅,罰企都罰唔到,打佢佢又打番我
而家嘗試開始嚴格執行naughty corner, 希望work啦


男爵府

積分: 8617


發表於 14-10-25 00:49 |顯示全部帖子

回覆:求救,唔識教野蠻兩歲幾b囡,有無好書介紹?

每日有遵從一定的規舉丶方法丶步驟嗎?即使細微過程的改變都會令小孩不安,因2歲正處於秩序敏感期。尤其不是同一個人湊的情況,步驟變到一時一樣,如睡前刷牙先定小便先,平時多是爸爸楂車突然改成媽媽楂車,也會令小孩內在「很辛苦」,但又無法表達出來。大人看這些小孩不可理喻,標籤他們為曳,其實大人應該協助小孩順利過渡秩序敏感期。更多方法我諗樓主上網search下呢個keyword即可搵到




禁止訪問

積分: 343


發表於 14-10-30 18:01 |顯示全部帖子
提示: 作者被禁止或刪除 內容自動屏蔽

首頁
1

尾頁

跳至