論盡家傭

收藏本版
發帖
返回列表
跳至頁

首頁
1

尾頁
   0
PINKAVA


男爵府

積分: 7534


1#
發表於 08-1-27 23:46 |顯示全部帖子
6年黎都用印印, 一向都聽教聽話, 同工人都相處溶融洽, 今次請老賓, 係因為聽人講用個老經驗既湊初生b, e+ bb未出世我已經頂佢唔順, 1月尾就兜鬼左佢, 2月再請番個印妹.

濕濕星星既衰野:

1. 只做表面清潔, 按章工作, 半日工, 下午4:00已經烚眼訓, 成日無精神無活力.

2. 即使我地放假在家(唔係佢假期), 都唔會扮下野搵d野做下, 依然坐起度, 你叫佢先做, 老賓擺明灘開幅牌比你睇, 佢就係咁.

3. 無衛生常識, 在我仔面前痾尿, 鬧完佢都仲要有第2次.

4. 洗衫唔check袋, 連熨衫時都仲未發現到褲袋內有朱古力及硬糖, 鬧完佢, 依然比我發現無 check 袋.

5. 我的床單掛在露台條欄杆, 即床單貼外牆, 嘩~~ 大姑, 外牆咁多塵, 掛我床單後再放回床上給我訓 , 仲再係今日先發現, 即呢2個月黎都係咁啦, 我外牆乾淨晒啦.

6. 無大無細, 狂飲食我地d奶茶/唐茶/公仔面/餅乾等既儲備, 等我地想飲想食時一d都無, 唔會留有餘地. 專食好野, 佢自己煮野難食到自己都唔食. 有隔放飯送第2日 lunch 都唔食 (我都係帶飯焗住食), 佢就煮晒我地d貴價面, cheap面就唔食, 再用我錢買一丁比自己食.

7. 工人執野方式係"眼不見為乾淨", 把d物品乜都放入箱, 問佢d一箱二箱內係乜野, 佢就話: 唔知呀! 要用既野問佢放左去邊, 又係個句: 唔知呀!

8. 上星期6我安排好叫工人煮 栗米肉粒飯比亞仔lunch, 回家後佢話亞仔唔食d飯, 就另外煮了一丁面比亞仔, d粟米肉粒就無食過, 連工人都唔食, 仲賴我仔叫佢煮. 但亞仔話其實係工人自己煮面食唔食飯, 分一半面比佢. 但我已講左n次, 亞仔要減肥, 唔可以食公仔面, 所以我地都唔買, 但工人就用我錢買仲分比我仔食.

9. 今個星期6, 我回家 lunch, 叫工人整熱d舊送比我食, 死老賓只炒熱d菜比我, 飯同肉餅都係凍冰冰, 頂~~~ 我日日返工咁辛苦, 難得星期6先要佢整一次 lunch, 都仲要比d凍既飯送我食?? 妖得佢少


10. 我既野就做, 因為佢想比d表現我睇, 好似今既佢一回家, 就洗了我既柸, 但我柸內既茶係沖左無耐, 岩岩灘凍想飲就比佢洗左. 亞仔個柸由昨晚放到e+佢都仲唔洗, 連收都無收入廚房. then 我同亞仔落左樓, 回到家 10:00倒, 工人己搵定亞仔乾淨睡衣同 un (我落街前叫佢搵定出黎), 但我地一入門口, 工人馬上say good night then關房門, 咁就唔使同我仔沖涼, 我見亞仔條un 太細, 入房幫我仔搵過另一條un, 發現個工人跟本唔係訓, 坐左起度, 佢跟本係唔想做野. 我開燈搵un 時問佢仲咩比條咁細既我? 死賓: 係呀, 得幾條闊乍, 呢條好細唔岩佢. 頂, 咁你唔比d大條既我?

11. 最令我激氣既決定兜佢 --- 星期6 中午2:00我回到家, 佢就已經唔使做, 坐起度, 睇住我仔玩, 我仔跌到成地玩具, 佢唔會幫下我仔執, 都算, d玩具唔見左一舊, 砌唔到野, 咁我仔問工人見唔見到, 幫佢搵下, 死野話: i don't see that. 幫都唔幫我仔搵, 仲要我在家佢都係咁 , 然後我入左房, 亞仔搵極都極唔到個搖控, 問工人見唔見, 叫佢幫手搵, 我聽住死老賓講: i don't see that, you used this morning. 亦唔幫下我仔, 我真係火都黎埋 你黎唔係照顧我仔咩? 乜都唔幫佢? 我仔識講叫佢做都唔做, bb出世後乜都講唔出, 更加唔知佢會點到我亞b. 亦因為咁, 我決定送舊迎新過鼠年.

我連新年豆利是既機會都唔比佢, 我用佢2個月都咁辛苦(自問 eq都好高), 點捱埋個22個月合同期? 本來諗住佢對我初生b好都算了, 現在無機會睇佢點湊好初生了! 死老賓, 你迫我架~~~~~
私人傳訊

PINKAVA


男爵府

積分: 7534


2#
發表於 08-1-28 09:29 |顯示全部帖子
原文章由 alik 於 08-1-28 08:05 發表
雖然你個老賓懶懶閒都唔幫手搵玩具就唔啱,但我反而覺得你應該培養下亞仔既責任心, 自己玩完既玩具,要自己執好. 自己無手尾整唔見, 自己又唔去搵就要負上無得玩既後果囉. 唔係乜都依靠人幫手做既. ...



我仔唔係唔自己執野, 反而係死老賓唔做野(當時只係下午2:15)坐在我仔旁"睇"住我仔砌積木(但只係睇, 個腦發緊夢), d積木跌晒落地, 全部都係我仔自己執, 佢完全唔幫手, 到我仔發現欠一舊, 搵極都搵唔到, 唔知彈左去邊, 先叫工人幫下手搵, 個死野連地下都唔望一眼就話: i don't see that.
私人傳訊

PINKAVA


男爵府

積分: 7534


3#
發表於 08-1-28 11:55 |顯示全部帖子
原文章由 mylulu007 於 08-1-28 09:49 發表
妳件BUN真係好極品，炒得好，費事細B出世後俾件野激多妳2錢。

之後妳自己湊嗎？定係搵陪月？


2月份會有另一位工人幫我手, 如果呢個工人都唔好既話, 我要請過另一個, 不過可能我要請陪月幫手了, 3月有無陪月好介紹? 點收費架?


原文章由 Krymum 於 08-1-28 10:00 發表
我記得以前都睇過你係到講你工人, 係咪人地介紹direct hire呀, 終於都頂唔順要抄呀, 咁你找到新工人未呀,


我個工人擺明做36, 唔做又36, 連門面功夫都唔做比我睇, 我已安排工人幫手, 隨時可以黎我家的, 不過e+等買到機票先炒個工人。

hinhinmama

連我老公一向唔多理工人個 part, 都頂個老賓唔順, 早炒早著, 老公仲話以後要搵d後生, 最好係新黎未在hk打工, 會純d喎, 但我無精神再去教一個毫無經驗又唔識講既工人.


[ 本文章最後由 PINKAVA 於 08-1-28 12:01 編輯 ]
私人傳訊

PINKAVA


男爵府

積分: 7534


4#
發表於 08-1-28 15:02 |顯示全部帖子
原文章由 mrsanthony 於 08-1-28 12:52 發表
炒佢, 等大家開開心心過年啦!

而今一天都光哂! 之前妳話佢無衛生常識, 在仔仔面前痾尿, 已經好擔心妳


我會部署呢幾日要工人大清潔屋企, then 31/1晚比終止信佢, 出一張 14/2 既 機票比佢, 可改日期, 佢要早走佢既事, 我無眼睇了。

咁岩遇著 high season, 機票好貴呀 :cry: :cry: :cry:

朋友叫我忍佢到過年後先送佢走, 但新精頭又唔想對住個瘟神, 算, 當自己破財擋災。

私人傳訊

PINKAVA


男爵府

積分: 7534


5#
發表於 08-1-28 22:25 |顯示全部帖子
原文章由 Krymum 於 08-1-28 15:11 發表
呢個工人係咪你朋友用過架, 跟住介紹比你呀, 佢唔 '至在' , 好心就咪應承你來做啦, 真係運吉!


咪係, 黎玩2個月, 我除左出糧同養佢之外, AGENT費+保險+驗身+外傭稅+炒佢既機票+1個月通知金, 就玩左我成萬蚊, 平均1個月用成 $8500 請個衰工人, 我份人工都比晒佢, 真係超運吉, 無心做就咪黎HK啦


Samantha

你就好啦, 有個好工人. 我初初都以搵個老小小, 可以安守本份, 會緊張自己份工, 但原來相反. 我從未用過工人一早起身就雙手捧住柸茶入定, 直到我出門口, 個工人依然坐在廚房入定, 又唔開始做野, 又唔係食早餐, 唔知佢要坐幾耐先回魂開始會野, 總之黎左2個月多, 我番工前從未見過佢一起身精精神神做野架. 我就急到死乍乍林趕車番工, 死老賓就施施然唔知嘆到幾多點....
私人傳訊

PINKAVA


男爵府

積分: 7534


6#
發表於 08-1-29 20:48 |顯示全部帖子
原文章由 babyjerry 於 08-1-29 09:19 發表
don't worry be happy.

我話你聽.........我以前都以為個個阿印都係無阿賓咁醒.........但我而家個印印不知"醒& pro"過賓記幾多..........又識同阿仔著衫........樣樣跟到足.

我上個阿賓又係比我送走左.

希望你搵 ...



我一直都係用開印, 都覺得好好, 不過今次中左暗箭信錯人用左個死老賓.

今日我已簽了另一個23歲印, 我知我將會有好日子過的。
私人傳訊

PINKAVA


男爵府

積分: 7534


7#
發表於 08-1-30 09:59 |顯示全部帖子
原文章由 mybb66 於 08-1-29 21:42 發表
講真,我用過6-7個菲菲,個個都同你以上講差不多,就算我依家個bunbun,本來食麵無choose,一見到我有買就食晒D麵,本來都無計,但我每次想食麵時,總係無晒,買十次就無十次,買維他奶末開包裝時,就主動問我個女飲唔飲,因為開 ...


mybb66

我老公就係頂佢唔順食q晒所有野, 係都留番最後一個面黎, 然後講聲比我地知係 last one, 咁都無咁慶丫!

我昨晚發現死老賓開左我地d朋友送既日本手信小食黎食, 起初我以為係我仔食乍, 我仔話掂都未掂過, 隻死野連分都唔分比我仔添呀!

昨晚餐飯又係咁摧我仔食快d, 我仔未食飽就想執野, 我叫佢停, 比亞仔慢慢食啦, 死老野快d做完野就可以快d入房丫麻。

明天就同佢 bye bye:tongue:
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見