在職全職 今日: 32 | 主題: 47923

積分: 226

1^#

發表於 14-9-18 05:42 |只看該作者 |倒序瀏覽 |打印

我有1個兒子,今年7歲多....
本來1家3口與我父母同住, 一家5口住在一單位...母親前年癌症走了....
父親在我母親走後1個月立即搵女人(加上很多三八賤格親戚介紹)...
我丈夫在我母親走了後4個月開始有小3....我在上年5月才發現....他7月正式搬走...
現只剩下我, 我兒子跟我爸爸住.....爸爸是退休人士...囝囝由3歲開始有抽筋及學習遲緩...
由於剩下我1人負擔成屋費用....爸爸又常常找事來跟我吵架....再加上兒子學習有障礙...
好無奈亦好氣憤.....

在母親走後的初期...爸爸很幫忙地湊囝囝返學放學及晚上幫忙湊囝囝睡覺...
但自他有女人後...態度180度轉變....令我壓力培增....
自己搵得10K...一半俾爸爸交租及囝囝伙食...
剩下的交水電煤及其他雜費...每個月又要俾囝囝返補習社...每月變月光族

錢事少....自己返sales...要輪班....朝早6點幾要搞惦囝囝返學...
自己返早的話就梳洗準備返工....放工返到屋企最早都要晚上9點9...
返夜班就要11點先返到屋企....
由於囝囝已2年級....他早期有學習遲緩....升2年級對他來說是學校給他的一個機會(本來我以為他會留班)
9月開學到現在....囝囝在學校上課表演欠佳....常常玩擦膠碎...玩筆...又搞其他野咁...
又唔肯寫家課冊...這個星期我放工回來便check佢功課...
有時候補習老師打電話給我投拆話佢唔肯做功課, 又在坐位踢櫃, 又發出叫聲打擾其他同學做功課
之後就叫我爸接囝囝回家(6點開始去補習補2個鐘...未夠8點就叫接回家)
因為囝囝這樣...我放工回來便要同佢做功課...他做功課專注力又差...常常做到12點幾1點先做完..
朝早唔肯起身又無精神...學校老師又投拆說他上課睡覺...
連續2日見佢唔肯寫家課冊, 一問之下先知囝囝被編坐在最尾位話睇唔到黑板...昨天帶囝囝去驗眼...
先發覺他有4百幾度散光...幫佢訂做眼鏡又未有得咁快羅...
每天我爸在我上班前及下班後都會不停地重覆說我囝囝呢樣唔聽佢話個樣唔聽話...
我教緊囝囝做功課佢就專登開電視又開到大大聲..叫佢合作關電視讓囝囝專心做功課...
佢又大大聲罵我說他有權看電視...到我囝囝肯專心做緊功課時又羅呢樣羅個樣食物出黎話叫佢食...
真係火都黎...我唔係度嘅時候唔叫佢食..次次要佢做功課中食呢樣食個樣...又羅飲品叫佢飲...
到佢最終做完功課都已經晚上12點幾...都已經擔心佢唔夠訓架啦...
囝囝上床要求我爸爸用手攬住佢訓者....(囝囝與我爸同床)...
我爸又發癲咁大聲罵我囝囝又羅起藤條打我囝囝(佢又成日對住我囝囝講粗口...話佢又唔肯聽)....
見到佢咁對我囝囝...我又嬲又心痛...
之後佢發脾氣走出廳要我氹囝囝訓....到我氹完佢訓之後因自己都會訓著...
半夜3點幾札醒又要走返出廳叫我爸回去訓...
每天不斷的6點幾起床...晚上12點幾訓....半夜3點幾札醒回自己房睡...
我都是人來的...我都會累的......返工已經夠累...放工教囝都算...還要不停地被罵...好辛苦....

0 0 0

私人傳訊

究竟我是誰

水晶宮

積分: 68231

熱血勳章好媽媽勳章醒目開學勳章畀面勳章環保接龍勳章

2^#

發表於 14-9-18 06:49 |只看該作者

引用：我有1個兒子,今年7歲多....本來1家3口與我

原帖由 lmfxphat 於 14-09-18 發表
我有1個兒子,今年7歲多....
本來1家3口與我父母同住, 一家5口住在一單位...母親前年癌症走了....
父親在我 ...

唔知講乜安慰妳，妳要咬緊牙關撑住吖，或者揾社工幫手，得嗎？

點評

rachel_ching Agree 發表於 14-9-20 11:53

cherrie_q

發表於 14-9-19 23:47

私人傳訊

hellohappybaby

積分: 186

3^#

發表於 14-9-18 08:16 |只看該作者

lmfxphat 發表於 14-9-18 05:42
我有1個兒子,今年7歲多....
本來1家3口與我父母同住, 一家5口住在一單位...母親前年癌症走了....
父親在我 ...

除了找社工幇你，加上前夫比贍養費你解決實際問題，其餘生活態度同情緒只可靠自己睇開啲宜家網上好流行每日感恩3件事
不如你試試，沒有3件事，便從1件事開始
幫自己加啲正能量

私人傳訊

chungsfamily

珍珠宮

積分: 32281

hashtag影視迷勳章

4^#

發表於 14-9-18 10:27 |只看該作者

加油, 前夫會給膳養費嗎? 多少都要, 幫輕下

私人傳訊

峰仔媽咪

積分: 5474

5^#

發表於 14-9-18 12:01 |只看該作者

仔仔有專注力問題，有無睇專科?因為這個問題無
解決會引伸好多問題，學校其實有無支援或包容這類
學生都好重要，至於你父親同佢傾下你嘅難處，仔仔方面
你要好有耐性教導。
做這個媽媽真唔易，你自己都要好好保重自己。

私人傳訊

megwong1

大宅

積分: 1196

6^#

發表於 14-9-18 12:14 |只看該作者

不如先嘗試解決問題

小朋友同經濟問題 - 搵社工 / 協康會 ( 我都係上網CHECK, 應該對你有用 ) ! 佢地亦應該可以話到你知有咩其他援助可以申請!

瞓覺問題 – 難解決D , 因為我都係長期無覺好瞓!

私人傳訊

ceciliasycheung

別墅

積分: 950

畀面勳章

7^#

發表於 14-9-18 12:19 |只看該作者

回覆：好大壓力(想呻下..)

真係唔知講咩, 但你嘅堅持同忍耐都叫我佩服, 學樓上話齋, 揾社工啦, 而你仔仔嘅情況, 全職湊佢對你哋大家都好

點評

rachel_ching Yes 發表於 14-9-20 11:55

cherrie_q

發表於 14-9-19 23:47

私人傳訊

yumilee

大宅

積分: 1448

8^#

發表於 14-9-18 12:30 |只看該作者

回覆：好大壓力(想呻下..)

咁都仲頂得住已經好叻

點評

rachel_ching X2 發表於 14-9-20 11:55

私人傳訊

gk678

伯爵府

積分: 19582

9^#

發表於 14-9-18 13:19 |只看該作者

樓主, 放鬆D 啦.

其實主要問題都係小朋友學業上; 咁個仔有D 咩專長, 我地都控制唔到架啦.
好似樓上D 人咁講, 搵社工睇下幫到D 咩, 慢慢黎啦.

私人傳訊

西檸

積分: 8585

10^#

發表於 14-9-18 13:39 |只看該作者

回覆：好大壓力(想呻下..)

樓主，你有無申請公屋？有間屋係可以幫到你同個仔既，大家都要私人空間。
兩個人應該唔過入息！

有無考慮轉工？sales 黎講10k, 返咁長時間，真係好hash!

呀仔個度盡左力就算！咁夜先訓，小朋友真係醒唔到！學校知唔知仔個情況？有些學校可以做調整功課數量。

幫唔到d 咩，
既然男人靠唔住，靠自己一定得

關關難過，關關過，比信心自己！加油！

私人傳訊

shanx2tracy

積分: 378

11^#

發表於 14-9-18 13:41 |只看該作者

雨過便天晴! 加油，努力啊媽媽!

私人傳訊

積分: 226

12^#

發表於 14-9-18 15:24 |只看該作者

回覆峰仔媽咪的帖子

專注力問題已在政府醫院排期，但要到明年6月先有得睇…

私人傳訊

積分: 226

13^#

發表於 14-9-18 15:41 |只看該作者

ceciliasycheung 發表於 14-9-18 12:19
真係唔知講咩, 但你嘅堅持同忍耐都叫我佩服, 學樓上話齋, 揾社工啦, 而你仔仔嘅情況, 全職湊佢對你哋大家 ...

誰不知全職自己湊最好? 我唔做野就全家食風…其實搵社工真係幫唔到d咩…我媽走後都有社工問過我家情況…
個陣我爸聽埋d38賤親戚係咁叫佢羅綜緩…
佢自己有退休金加上我一家當時資產根本無資格申請…加上我自己都唔想申請綜緩
有手有腳有工做點解要咁無骨氣羅呢d錢?
我老豆就發晒癲咁罵我唔俾佢申請(我地都唔夠資格), 又係咁煩社工…
個社工耐心咁解釋俾佢聽話唔夠資格，佢就係咁鬧人…
我爸是個說不通的人，成日最聽d賤格親戚亂講野就當正人地為佢好…
當正我同我妹害佢咁…他以為我很想跟他同住嗎?絕對唔會羅，
當我同我囝狗咁罵，但若說分開住我又唔忍心丟下他，
話晒他又咁大年紀，講真個句我真的好怕他被大陸個女人害，
他被她迷到咩都聽晒佢話，依家我只有見步行步…
與他同住壓力好大…但點都好，我唔會丟下我爸…

私人傳訊

積分: 226

14^#

發表於 14-9-18 15:44 |只看該作者

西檸發表於 14-9-18 13:39
樓主，你有無申請公屋？有間屋係可以幫到你同個仔既，大家都要私人空間。
兩個人應該唔過入息！

轉工我諗左好多年，但由於我唔係賣衫個d sales, 加上學歷唔係咁好，呢份工都做左差唔多十年…依家收入省住用都剛剛夠用…怕轉左搵唔到呢個價

私人傳訊

lam_yau

積分: 6641

2024年龍年勳章

15^#

發表於 14-9-18 16:22 |只看該作者

你真係好大壓力呀, 但唔好比太多負能量比自己, 真係會癲架. 其實長此落去會影響你個仔一生, 其實佢依家個表現已有問題.
我覺得你不如唔好做野住, 去找社工或議會, 同佢講你同你亞爸唔O岩, 睇下可否點樣可安排一間屋比你同個仔, 同埋暫時申請綜緩, 專心教好個仔同處理好佢既心理先, 如果唔係讀書唔成, 又係呢種環境下成長好影響佢.

私人傳訊

p_olivia

大宅

積分: 3797

16^#

發表於 14-9-19 09:33 |只看該作者

其實我覺得你做得好好呀! 比著我, 我未必仲咁好耐性教個仔做功課

我都同意樓上所講, 你可以申請公屋, 你同仔仔自己住. 咁樣唔代表你唔理你爸爸, 只係大家都需要私人空間, 你自己需要, 其實你爸爸都需要(佢怡得佢可以成日開大個電視睇, 一個人瞓哂張床, 得閒帶個大陸女人嚟屋企住下), 唔係同住先叫做理你爸爸. 你可以搜集下資料, 同人傾下, 睇下有無得揀啲近你爸爸屋企0既公屋, 你爸爸可以幫你湊住個仔之餘, 你又可以經常去探你爸爸. 你亦都唔需要怕你爸爸比個大陸女人呃, 因為你唔怕得咁多, 你提醒過你爸爸就算, 佢唔聽都無辦法, 唔通你24小時睇住佢咩, 佢咁大個人, 何況你仲要睇住你個仔

另外, 你仔仔學習問題, 睇嚟你仔仔間學校同補習社都唔適合佢, 佢地只會忽視佢, 完全幫唔到佢. 學校/補習社, 仔仔, 自己都辛苦...我唔係呢方面0既專家, 但我相信係你睇政府醫院前, 你要提升佢0既學習興趣, 啲學校同補習社咁對佢, 比著我都唔想讀啦. 有無啲無咁多功課, 活動教學0既學校? 有無認識其他媽媽? 同其他小朋友一齊做功課會唔會好啲? 得閒同佢玩下角色扮演遊戲,做下義工, 從遊戲中學習, 其實學習遲緩唔緊要, 最重要加強佢自信心

我覺得你唔好諗轉工住啦, 轉工要面對好多新嘢, 同有好多嘢你未知, 未清楚, 以你而家既心理狀況, 未適合去新環境住

做單親媽媽係好難, 得閒同啲朋友或喺BK呻下, 唔好諗住靠男人, 自力更生先靠得住, 頂住呀! 咁先比到正能量你仔仔架!

點評

是是但但 AGREE! 發表於 14-9-19 16:03

私人傳訊

shpfamily

伯爵府

積分: 16747

17^#

發表於 14-9-19 10:06 |只看該作者

有散光可能對學習影響左, 有眼鏡後可能好好多呢

私人傳訊

catlee324

積分: 7361

18^#

發表於 14-9-19 14:13 |只看該作者

嘩.....見到你個CASE都唔知講咩好你要加油呀頂住.....如果社工都幫唔到手真係試下搵前夫傾傾因為個仔佢都有份佢都要知道個仔有野成長問題同幫手解決

至於你爸方面 .....依家老人家都唔會點變唯有辛苦你
得閒就搵阿妹傾下等自己唔好咁大壓力囉

仔仔問題真係要正視學習遲緩唔知關唔關視力事

私人傳訊

kisani