吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 反面係最佳選擇

婆媳關係今日: 1|主題: 27693

收藏本版

發帖

返回列表

跳至頁

查看: 2483 | 回覆: 30

反面係最佳選擇 [複製鏈接]

iris_ng74

別墅

積分: 560

1^#

發表於 14-9-19 14:43 |只看該作者 |倒序瀏覽 |打印

嫁咗差唔多三年，啱啱有咗兩個月，好彩舊年年尾同我老公成個家族反晒面，老公知我有咗，都應承我個b同佢個家族無任何關係，我真係謝天謝地謝老公

話說我c6係細仔(對上兩個家姐一個呀哥)，出世咁耐都一路受屋企人控制住(包括佢嗰八個姑姐同呀叔)

我哋唔知算唔算係閃婚，拍拖唔夠一個月就決定結婚，搞結婚大概用咗年半時間

同老公响安排結婚嘅過程我哋嘈過一次咁多，嗰次嘈到我踢爛晒屋企d電器，原因就係因為佢屋企，話說我家姐當年係嫁去韓國，所以我屋企無搞過大禮，咁我呀媽就話佢唔識要d乜，淨係講咗要幾多嫁女餅派，其他嘅就睇下男家想點喇，咁我就走去同返男家講，點知d人又賴係客氣咁話由女家話事，但我已經話我呀媽唔識，所以用返佢哋當年嫁女嘅方法，要準備d乜嘢就話我知，我去準備，但係d人堅持要扮嘢，我無辦法之下就自己上網搵資料，跟住同返佢哋講，佢哋聽完之後就話我，邊有人咁過大禮嫁，應該點點點嫁嘛，我已經有點兒不爽，心諗一早問你你又唔講，依家又响道話我，之後好喇，跟佢指示整咗個list出嚟要準備d乜嘢再比老公睇，老公睇完返佢自己屋企講開，有d佢呀媽講嘅嘢我哋根本唔知乜嘢嚟，佢問返佢呀媽，佢呀媽即係發神經响個仔面前鬧我，話我究竟要d乜喎，佢唔認嗰d九唔搭八嘅嘢係佢自己話要，我老公即時當住佢哋面前打比我問我究竟點嫁，我嗰刻仲要聽到佢老母嘈亂巴閉已經好嬲嫁喇，好彩老公信我，鬧返佢呀媽轉頭叫佢收聲，之後我响電話道聽住我個c6問佢哋最終係要點，由我老公親手寫低，咁我諗住d人無得再賴皮喇

但原來人係沒有最賤，只有更賤，之後我倆公婆同c6個呀爸呀媽一齊去西環買過大禮嘅海味喇，我呢世女都唔會唔記得龍眼干呢樣嘢，我攞住個list問舖頭d人有無龍眼干，之後佢哋攞比我，嗰刻我老公個呀媽竟然走過嚟指住我嚟鬧佢話:\"你係咪要呢d?龍眼干龍眼干，我都唔知你想點，痴線嫁\"，我嗰刻真係想講粗口鬧佢，由頭到尾都係佢話要，關我乜事?

嗰日返到屋企我真係忍唔住同我個c6嘈，我真係覺得好委屈，最嬲嘅就係我老公當時唔過嚟幫我，我直情嘈到話唔結婚，喊咗好耐

結果我個c6等我冷靜返d，喊得無咁犀利就同我講，叫我就下佢呀媽，因為佢呀媽以前有情緒病嗰喎

0 0 0

私人傳訊

cwycat

大宅

積分: 4653

2^#

發表於 14-9-19 15:32 |只看該作者

回覆：iris_ng74 的帖子

甘你同c6係咪已經搬左出嚟住？係就唔洗理佢，你有左2個月，要小心啲身體丫，唔好勞氣

私人傳訊

小肥楊

珍珠宮

積分: 48772

wyeth冷知識勳章畀面勳章 BK Milk勳章

3^#

發表於 14-9-19 16:02 |只看該作者

少見為佳

私人傳訊

iris_ng74

別墅

積分: 560

4^#

發表於 14-9-19 16:04 |只看該作者

回覆：反面係最佳選擇

住嘅問題仲好笑，我哋計劃結婚嗰陣諗住結婚前三至五個月先搵屋租過二人世界，點知佢個家姐好好咁主動走去話租自己間屋比個細佬住，間屋佢本身租咗出去，但租客係佢99介紹，又成日遲交租，佢諗住呢個係最好嘅藉口唔再租比嗰個租客。

C6問我意見，我當初唔係咁想，驚將來有乜問題再加埋d咁嘅關話係會好麻煩，我有嘗試過捉個c6去睇樓，但我見佢個樣好似怪怪咁，追問之下原來佢成日比佢家姐問住呢個問題，心軟之下應承咗

結果我連屋到無睇過嘅情況之下就租咗嗰個單位，都算，我哋用咗一個月嘅時間去裝修，老實講，係我哋自己話要油過晒油，但我世估唔到間屋隔水，副牆龜裂，原先諗住個凌兩個星期嘅工程，結果用左足足一個月

都算，間屋我係用上手租客嘅價錢嚟租返，我睇過同區市價差唔多，可以係平幾百蚊嘅，但佢個天台(村屋所以有埋天台)一半嘅位置放咗間屋，裡面全部都係佢嘅嘢，一年生一年死，簽晒租約，點知大概半年後樓市升到澎澎聲，佢竟然通道唱話間屋咁平租比自己個細佬，我哋受咗佢幾大嘅恩惠咁，租約滿咗，佢又响道講佢間屋值幾錢幾錢，咁你咁講我咪交返你講嗰個數囉，點知佢又唔肯收，我真係頂佢唔順，扮q晒嘢

其實間屋我真係超級唔鍾意，住隔離個女人超級無家教，响間屋道教琴，咁你d學生出出入入你係咪有責任先?我試過屋企道門比人痴香口膠，塞d零食包裝袋入我鐵閘裡面，最嬲嘅就係塞晒d垃圾入我c6對boots裡面，c6嬲到爆炸，拍佢門同佢理論，叫佢睇住d學生，佢一句答埋嚟，佢都管唔到嗰喎，我c6梗係唔會就咁算數喇，走去同個業主(佢家姐)講，個業主聽到之後交足戲話隔離屋衰，一定會搵佢哋理論喎，兩頭蛇嘅嘢，大家都知結果係點喇

我哋d村屋係唔會有管理處，垃圾都係自己攞去附近嘅垃圾站，佢生完個女以後，可以好嘢到經常將d屎片垃圾放出門口，仲要放正响我嗰面，其實仲有好多好多嘢，有次我直情打去消防署投訴佢，但d人可以無家教到走去業主道話返我轉頭囉，真係好難想像到，為人師表，會教出d乜嘢學生出嚟呢？

私人傳訊

M.A.C

伯爵府

積分: 17773

5^#

發表於 14-9-19 16:18 |只看該作者

聽你講左2件事，
第一你99有情緒病，咁以後大條道理少少見。
第二你姑9既好心租屋，當買個教訓，凡事有第一次，以後醒目了。

私人傳訊

iris_ng74

別墅

積分: 560

6^#

發表於 14-9-19 16:38 |只看該作者

回覆：反面係最佳選擇

直到年尾，業主睇中咗第二個單位又唔夠錢買，失驚無神走上我屋企搵個細佬(當時我返緊工)，攞咗個細佬d鎖匙，溫馴嘅老公無奈咁交咗比佢(呢件事我鬧到佢得返半條人命)，之後佢就返咗工，嗰晚佢仲要返通宵添

我响完全乜都唔知又ot到癲咗嘅情況之下，收工一睇個電話，見到人哋家姐whatsapp我，內容係話佢睇中咗間屋落咗訂但唔夠錢，所以要賣我哋住緊嗰個單位，佢叫我放好d私人財物，因為佢將會帶人上去睇樓，我一睇到已經覺得個業主有病，佢唔係諗住响我倆公婆唔响道嘅情況下上我道，仲要唔知帶乜嘢人上去呀？

嗰晚我返到屋企，發現我根本唔洗用鎖匙都開到門，原來個八婆已經上咗嚟，仲要走嗰陣無鎖門囉，其實d人識唔識得尊重人，乜可以屋主唔响道走去人哋屋企嘅咩？調返轉得唔得先?

之前嘅嘢我都仲可以忍你，但今次我真係忍無可忍，我用d好唔客氣嘅文字覆返佢，反對佢再帶人上我屋企，我仲將佢send比我嘅message放上facebook比人評下理

第二日我亦都主動打比我62(當時仲會認，依家响街見到佢我理都無理佢)同佢交代返點解我會咁嬲，佢响我面前同我講話自己個女唔啱，但都係諗住親戚一場所以無所謂，無諗過我咁大反應，又叫我唔好同佢計較，我明佢嘅立場，都應承佢將來有機會見到面嘅都唔好嘈，講呢個電話嘅過程有段時間我c6都响我身邊

我當初都以為老人家係明白事理嫁，點知賤係全家族嘅事囉，個仆x响我背後話我累到佢個女買唔到嗰間屋，訂都蝕埋，跟住又同d仔女講我連佢都鬧埋，又話我通道(facebook)唱衰佢個女

好彩嘅就係，我老公聽住我講嗰個電話，知道我用乜嘢語氣態度去\"鬧\"佢老豆，佢哋話我唱佢哋，但有人主動搵我倆公婆，話比我哋知佢哋點响出面唱我，最好笑嗰句就係有人話:我租間屋比個細佬(我個c6)，都唔知關佢(我)乜嘢事喎

你講到咁理所當然，你又笠水唔敢再帶人上嚟?(我話過如果比我知道無我倆個响道嘅情況之下佢再帶人上我間屋我就會報警)你講到自己咁啱，警察上到嚟都唔會理我喇，你驚乜嘢呀？八婆

私人傳訊

iris_ng74

別墅

積分: 560

7^#

發表於 14-9-19 16:44 |只看該作者

回覆：小肥楊的帖子

好耐無見過，年尾到依家响街見過一次，但無理到佢就走咗

私人傳訊

懿仔媽媽

子爵府

積分: 14657

畀面勳章

8^#

發表於 14-9-19 16:47 |只看該作者

所以我C6 舅父有層近港鐵既高層靚景單位一直空置....一年等佢返香港住個零2個星期咁大把。我奶奶都成日出口術叫我某親戚好平咁租左佢....我都冇反應,就係驚以上既事情發生.......

私人傳訊

iris_ng74

別墅

積分: 560

9^#

發表於 14-9-19 16:57 |只看該作者

回覆：反面係最佳選擇

佢哋根本唔當d新抱係人，我c6嗰次返去同個老豆理論，話:你咁偏幫我哋就唔服，嚟緊唔洗旨意個新抱肯出嚟同你食餐飯
結果佢呀爸話:哦，咁無所謂，我生d仔女出嚟都係想d仔女陪嘅啫，佢，無所謂喇

呀嫂其實仲慘過我，生第一胎女，6299去醫院探去，點知99第一句講嘅就係:個bb早咗出嚟，所以\"luck\"咗d嘢
到第二胎都係女，但bb有小小問題唔可以一齊出院，到bb出院前一晚，呀哥打比我問我洗唔洗返工，可唔可以陪佢一齊去醫院湊呀b出院，我應承咗，嗰朝一早同老公陪佢d屋企人去飲茶，佢哋一知道呀嫂唔去接呀b，就不停問我，乜呀嫂唔得閒咩，點解自己唔去接，呢d說話仲要唔係淨係個衰99講，連佢個女都咁講，我真係忍唔住一句得埋去:我呀媽話坐月唔可以出街嗰喎

點評

喵喵miu 甩左啲野依句真係好衰發表於 14-9-19 17:22

私人傳訊

iris_ng74

別墅

積分: 560

10^#

發表於 14-9-19 17:07 |只看該作者

回覆：反面係最佳選擇

我慶幸我老公咁明白事理，唔會一味叫我啞忍，佢知佢嗰d屋企人真係好過份，佢同我講叫我放心，如果要佢揀佢一定會揀過，件事係佢哋唔啱，由嗰刻開始佢唔會再理佢嗰d所謂屋企人，結果佢老豆幾個月前生cancer，我個c6真係無逼我去探佢老豆，佢自己都係去過三幾次

到我有咗，我又驚老公會唔忍心，見個老豆就死就會比佢見我個b，但佢肯應承我，我响佢哋心目中係外人，所以我生出嚟嘅對佢哋嚟講都係外人，bb唔關佢哋事

我真係忍唔住要响呢道公開同我老公講:我愛您!我呢世揀得最啱嘅就係嫁咗比您呀