我29號早上入Qe.聽B b 心跳,醫生檢查完話宮頸成熟下午可以入產房生得。12:00到入左產房,吊左盬水醫生人手穿水,5係好痛。就可吊催生藥了,12:40開始吊藥水,就慢慢feel到宮缩密左,頭一個鐘係可以頂的順的,到2:00左右要開始聞笑氣,2:30左右就係痛到瘋,後來有位助產士話用手幫一幫我。(好似申手入去拿一拿胎盤出來,個下我立刻有想柯屎既感覺。)之後跟著助產士呼吸法用力2:40左右就生左! 我可能係第二胎所以比生第一胎媽咪快一倍。當日二個同房媽咪都係催生第一胎,三個一齊入佢地生左6個幾鐘!我個人覺得催生可以縮短陣痛既過程,好多人話會痛D.但我個人感覺又唔係。我第一胎順產咪又係痛到瘋,仲要痛耐D! 不過話你知催生完第二日到你個子宮會痛就好似陣痛感!大約二個鐘頭痛一次,痛大约5分鐘到。我30號開始痛到E家都仲痛緊。可以忍受到的,不過你都可以選擇食止痛藥。呢樣嘢我上胎順產時無的!其實你可上網睇下生產呼吸法,係生產過程中起好大作用!如果唔係大痛就用下大吸慢呼去幫助減輕痛楚。太早用笑氣,其實到生時一定會無力!仲有一定要食飽飽先入院。祝順順利利。