兩年前,我喺坐旅遊巴去嘅,你上南怡島嘅官網會有資料,喺仁寺洞上車,一程車直接去到南怡島個碼頭落車,好方便。但要預早買飛,因好多人搭,一日得一班,宜家好似係8點半就開車(以前係9點半開嘅),但要預早15分鐘到車站。我之前係早一日到位於仁寺洞嘅南怡島旅遊中心買飛,我上個月上佢嘅官網睇過,宜家好似可以喺佢嘅網到訂飛添,你可以上佢個網望吓(有中文同英文),睇吓啱唔啱你。嗰次我哋去完南怡島,跟住搭shuttle bus 去小法國,㗎shuttle本身係由加平站開出,途經大概8個站左右,中途站會經南怡島碼頭,之後可以喺小法國個站落車,由南怡島到小法國車程大約25分鐘左右,但留意班次好疏,好似一個鐘得一班車。