自由講場今日: 584|主題: 1301519

收藏本版

發帖

返回列表

跳至頁

查看: 282 | 回覆: 2

住炮台山附近或小朋友喺附近返學嘅媽媽 [複製鏈接]

kaede

男爵府

積分: 8186

1^#

發表於 14-10-9 17:11 |只看該作者 |倒序瀏覽 |打印

剛才約4點15分鐘，喺吉野家對面等過馬路時，見到個小朋友一個四圍竄，跟住有個工人姐姐（我估）用英文講＂it's danger", 咁個小朋友就企喺欄杆邊，個工人就企喺旁邊做人肉欄閘，但係由頭到尾都無拖過佢。
到轉燈時，個小朋友即衝出去，熟知嗰盞燈都知，炮台山道係有車轉入嚟，個小朋友先向左，再向右跑，個小朋友跑得好快，個工人完全甩晒跟唔住個小朋友，小朋友上咗右邊行人路時，個工人仲喺左邊馬路上「跑」緊，嚇到我儍呀！
好彩當時無乜車喺馬路。

之後上咗行人路，個工人由頭到尾都無拖過個小朋友，嗰條路成日都有推板車運貨或者快遞派件車喺度出入，好危險嘅呢。

因為好擔心個小朋友，所以影咗張相，如果有媽咪個工人係身材較豐滿，小朋友校服係相入面嘅白衫綠褲，可以PM我，我有一張小朋友側面相，不過佢又跑又跳，影得都唔係太清。

希望大家唔好怪我多事啦，事非關乎安全我都唔會影人相。

點都好，各位媽咪記得要再三提醒工人同自己嘅小朋友拖住手仔過馬路呀！