少年成長

跳至

首頁
12

尾頁
   2


伯爵府

積分: 15723


發表於 14-10-10 10:47 |顯示全部帖子
本帖最後由 vanessamom 於 14-10-10 10:59 編輯

我女就快 14 歲,本身高大型,166cm - 62kg,好鍾意食野。最近忽然間唔食所有平時食開的零食、芝士牛油等全部唔敢掂,晚餐食以往正常份量的一半,我多次追問原因,她最後答了:「我覺得自己肥」。初時的我,好耐心同佢解釋佢夠高,望落一d 肥都唔覺,個個人都話佢高大。又分析給她聽發育時期,好需要足夠營養,減肥對身體唔好等等.......我有我講,佢有佢繼續,結果未夠兩個月,瘦左 6kg (13磅),我開始駡了,佢仍然照做,剛過去的星期一晚再話佢,這次我無計可施下,話再唔食返正常,我就cut 佢電話、wifi 等佢無得上網,總之攪到關係好僵!
好想知道女孩子到了這個階段係咪好驚自己肥?佢而加塊面尖得好緊要,佢自己覺得咁為之靚,我卻極度反感!我話你要健康地減的話,只要戒零食、做運動,食多d 蔬菜生菓就可以了,正餐要最少食返80%!唉......解釋過、嘈過又罵過,我真的好倦了!


男爵府

積分: 6350


發表於 14-10-10 15:11 |顯示全部帖子

回覆:女孩子減肥問題

我記得我12歲都好肥, 未夠160cm有成60kg, 番學比人笑肥妹, 自我形象差, 到左中一升中二既暑假決心減肥, 食好少野, 最終一個暑假減左20磅, 即刻自信心番晒來!到而家幾十歲都keep住110-115磅, 我相信如果我果時無減肥, 而家仲係肥妹

其實你吾好太緊張, 只會影響大家既關係, 好好地同佢傾下, 訂下減肥目標, 如做運動食健康餐等, 比佢知你支持佢, 佢想瘦都係想靚o者, 呢個age自我肯定好梗要, 加油!


伯爵府

積分: 15723


發表於 14-10-13 06:26 |顯示全部帖子
littlelamlam 發表於 14-10-10 15:11
我記得我12歲都好肥, 未夠160cm有成60kg, 番學比人笑肥妹, 自我形象差, 到左中一升中二既暑假決心減肥, 食 ...
多謝你的回覆!原來你都試過未夠兩個月減咁多磅數,其實我係擔心阿女咁樣節食法會影響身體健康,這幾日她開始肯聽話少少,晚餐食得都算正常,唯獨是早餐及午餐都食得少,真沒法了,希望遲些她會明白!


大宅

積分: 1023


發表於 14-10-13 10:14 |顯示全部帖子
我大仔都話要減!不過我會比佢健康地減
費時減到又唔食早餐又唔食下午茶!我話早餐一定
要食,宜家佢身體好好多,口氣都無乜,又可以減重


珊瑚宮

積分: 118281


發表於 14-10-13 10:37 |顯示全部帖子
vanessamom 發表於 14-10-10 10:47
我女就快 14 歲,本身高大型,166cm - 62kg,好鍾意食野。最近忽然間唔食所有平時食開的零食、芝士牛油等全 ...
細路到14、5歲會注重自己形象, 你同佢講嘅好難吸引到佢肯聆聽

你識計BMI(BODY MASS INDEX) ? 重量(KG)除高度(M)兩次, 得出數字,

18-24係成人指標, 過咗24係偏肥, 但對細路唔夠準, 而減磅更需注意要減嘅方式要正確。


呢度有個港大對青少年健康研究計劃, 講到呢個問題, 可以幫你計算啱佢嘅BMI 同俾建議。

http://sph.hku.hk/yeah/calculator.php


伯爵府

積分: 15723


發表於 14-10-13 10:50 |顯示全部帖子
日日天天 發表於 14-10-13 10:14
我大仔都話要減!不過我會比佢健康地減
費時減到又唔食早餐又唔食下午茶!我話早餐一定
要食,宜家佢身體好 ...
係呀,我女之前一日食五餐,早餐、小息(麵包)、午餐、下午茶、晚餐!現在只食三餐!你囝多大?


伯爵府

積分: 15723


發表於 14-10-13 11:01 |顯示全部帖子
wonderlulu 發表於 14-10-13 10:37
細路到14、5歲會注重自己形象, 你同佢講嘅好難吸引到佢肯聆聽

你識計BMI(BODY MASS INDEX) ? 重量 ...
我都用過這個港大青年健康的計算過,阿女現時的身高體重亦屬標準,只是佢減得太快,令我擔心!以她以前的身高體重比例,醫生說她是 the top of the range! 點都好,我已不停提醒她,要吸收均衡營養最重要!


珊瑚宮

積分: 118281


發表於 14-10-13 11:05 |顯示全部帖子
vanessamom 發表於 14-10-13 11:01
我都用過這個港大青年健康的計算過,阿女現時的身高體重亦屬標準,只是佢減得太快,令我擔心!以她以前的身 ...
或者搵個營養師同佢傾下?

我侄女好食, 見咗營養師(兒意保健計劃), 依家識挑野才食, 有節制好多。


伯爵府

積分: 15723


發表於 14-10-13 11:15 |顯示全部帖子
wonderlulu 發表於 14-10-13 11:05
或者搵個營養師同佢傾下?

我侄女好食, 見咗營養師(兒意保健計劃), 依家識挑野才食, 有節制好多。
上星期剛帶阿囡去睇醫生,我同醫生反映問題,醫生已經同阿囡講:「點解你要減呀?你好標準呀,咁而加已經減左 6kg 啦,唔好再減了,可以食少d 飯無問題,but need to eat lean meat & fish as much as you can!做多 d 運動就可以了!」希望佢肯聽醫生講啦!


大宅

積分: 1023


發表於 14-10-13 11:50 |顯示全部帖子
大仔14歲!!


禁止訪問

積分: 102652


發表於 14-10-13 12:41 |顯示全部帖子

回覆:女孩子減肥問題

提示: 作者被禁止或刪除 內容自動屏蔽


別墅

積分: 542


發表於 14-10-14 11:15 |顯示全部帖子

引用:Quote:littlelamlam 發表於 14-10-10 15:11

原帖由 vanessamom 於 14-10-13 發表
多謝你的回覆!原來你都試過未夠兩個月減咁多磅數,其實我係擔心阿女咁樣節食法會影響身體健康,這幾日她開 ...
Tell her She should eat big breakfast, normal lunch n light dinner.. 減肥嘅法則: 早上食如王帝~ 中午食如公主~ 晚食如乞兒! 佢好似倒轉咗喎。
我曾經由52kg 1個月減至40kg... 都喺咁做。 而且少油食清淡d ok 㗎la. (我生咗三個b) 唔好唔食野啊叫佢

點評

vanessamom  嘩....你都減得好快喎  發表於 14-10-14 13:01


伯爵府

積分: 15723


發表於 14-10-14 12:45 |顯示全部帖子
KT0603 發表於 14-10-13 12:41
人地媽咪,可唔可以在煮食方面,配合下囡囡,如多菜少肉,不煎炸少油,溝糙米煲飯,有營養價值的食物,重質 ...
阿囡已經全部停食煎炸食物、戒了所有零食如薯片、餅乾、朱古力等,這些我絕對支持她!其實而加已經好淸啖了,再加上佢而加每日食兩份生菓(帶士多啤梨、藍苺、香蕉等返學小息食,夜晚又食一個橙),又肯食菜,每日踩半粒鐘單車,所以現在的 56kg 我覺得已經好標準了,我是不贊成再瘦落去!因為我從不覺得瘦就是靚,最緊要睇落均勻!這個減肥問題是兩母女最大的衝擊!


伯爵府

積分: 15723


發表於 14-10-14 12:59 |顯示全部帖子
楽家豆豆 發表於 14-10-14 11:15
Tell her She should eat big breakfast, normal lunch n light dinner.. 減肥嘅法則: 早上食如王帝~ 中 ...
其實我又覺得好難做得到這點,因為早上實在無咁既時間,加上一向既生活習慣,早餐真係食唔落咁多野,我覺得適當地減(我上面回覆另一位媽咪所講),我是百分百支持,但我覺得佢好似做得過份左!我唔知點形容,因為個個見到我女都會話佢好高,但從來都無人話佢肥,就算而加有 123 磅,但望落都係高瘦型!


別墅

積分: 542


發表於 14-10-14 21:42 |顯示全部帖子

引用:Quote:楽家豆豆 發表於 14-10-14 11:15 Tel

原帖由 vanessamom 於 14-10-14 發表
其實我又覺得好難做得到這點,因為早上實在無咁既時間,加上一向既生活習慣,早餐真係食唔落咁多野,我覺得 ...
我個女160cm 但都喺55kg, 佢話好肥。我都覺若減去五kg 會好dd. 其實佢哋鬼妹仔身材。 小小baby fat ok 嘅。
大大下就自自然然消㗎la.
ok la, 你個女可以減多1kg 嘅, 之後就maintain 囉。
不過maybe佢要嘅喺骨感港女body feel... lol
同埋你一味同佢對抗無用嘅喎。 嘗試下喺佢嘅生活and身邊嘅朋友落手。。 check 下同d 咩朋友一齊, 或者有在意嘅男仔?or 比較嘅女仔?唔好衝住減肥嘅問題, 嘗試下暢談daily life, school life 咁, 你或者可能發現d course. 可以好好對症下藥呢
加油, teeage mum needs to think deep n do not argue directly 㗎.


伯爵府

積分: 15723


發表於 14-10-15 09:24 |顯示全部帖子
楽家豆豆 發表於 14-10-14 21:42
我個女160cm 但都喺55kg, 佢話好肥。我都覺若減去五kg 會好dd. 其實佢哋鬼妹仔身材。 小小baby fat ok 嘅 ...
你囡多大?都開始貪靚了?係呀,之前的 166cm-62kg 醫生話係鬼妹仔 size。心儀男仔就應該未有(可能讀女校的原故),但之前閒談時聽過佢講某d 同學仔 lunch 唔食野,因為想減肥,但佢埋堆的幾個都是高大型,所以真係唔明解 ......
其實同個女的關係一向好好,學業方面我從不趨谷佢,所以沒有這方面的磨擦。平時佢又會同我講下學校同學仔既八卦野,例如邊個邊個同隔離男校男仔去街,邊個同學仔係火車上見到隔離男仔好靚仔,又俾相我睇(同學仔 what's app 給她),跟住兩母女又一齊哈哈大笑:「咁都話靚仔?唔係嘛!」等等趣事! 所以一直以來,我都覺得個女好懂事,有咩事做得過火時,我提一提佢,佢都會接受,但唔知點解今次就講極都當我唱歌咁款,可能真係反叛期既開始.....


別墅

積分: 542


發表於 14-10-15 10:39 |顯示全部帖子

引用:Quote:楽家豆豆 發表於 14-10-14 21:42 我

原帖由 vanessamom 於 14-10-15 發表
你囡多大?都開始貪靚了?係呀,之前的 166cm-62kg 醫生話係鬼妹仔 size。心儀男仔就應該未有(可能讀女校 ...
咁就喺啦,。或者有d 女仔比較lor. 同埋好有可能喺成班friends 開始減。 我個女剛17.. hsc la
加油呀,。mami...大大下好好多。。 始終喺女仔,。喺小心眼少少。


男爵府

積分: 6674

熱血勳章


發表於 14-10-15 11:21 |顯示全部帖子

回覆:女孩子減肥問題

女仔有目標減肥,而又減到,好勁呀!因我咁多年都做吾到
大個女了,要靚嘛!吸引外人之外還增加自信,做到減磅了,她有意停下,Keep住fit size嗎?要提她:而家ok,骨肉均稱,再瘦下去得排骨就無晒美感架啦!睇下上年度香X小姐的冠亞軍,瘦到好驚嚇,季軍的高頭大碼之餘,有D肉地至順眼好攬架又講埋八卦野㖭!從思想觀念入手,女從朋輩中只追隨瘦就是美,提醒她過了火位就不得了!


伯爵府

積分: 15723


發表於 14-10-15 14:21 |顯示全部帖子
楽家豆豆 發表於 14-10-15 10:39
咁就喺啦,。或者有d 女仔比較lor. 同埋好有可能喺成班friends 開始減。 我個女剛17.. hsc la
加 ...
Hsc......星期一開始左啦喎(我姪女都係今年考),緊張嗎
Thank you 你的加油!經過今次的減肥事件,我先知原來個女已經長大了,佢立心要做既野真係好堅持地做到(只好安慰自己去欣賞佢既決心)


伯爵府

積分: 15723


發表於 14-10-15 14:30 |顯示全部帖子
LKS媽媽 發表於 14-10-15 11:21
女仔有目標減肥,而又減到,好勁呀!因我咁多年都做吾到
大個女了,要靚嘛!吸引外人之外還增加自 ...
係呀,之前衝突時我都有同佢講,佢真係好野,大人話減肥都會忍唔到口,何妨佢之前係一個勁鍾意食野既人,話減就減,即時停晒平時鍾意食既野。我都有講過太骨感唔靚,但睇嚟佢收唔到

首頁
12

尾頁

跳至