原文章由 shamapple 於 08-2-29 13:10 發表
我地儲極都無....
我都無野好講
咁落去唔掂架!!
你男友係咪講道理果d人?
我教你一個方法, 唔知work唔work, 但我諗至少可以提醒到佢, 佢將來都有個家要承擔!
你地有冇諗住幾年後結婚? 有冇任何planning?
我同我老公一拍拖就已經有結婚的念頭, 不過當時大部份收入拎左去供樓, 所以每個月儲得好少!
你可以同你男友傾下(當然係等呢件事完結之後啦, d男人個腦冇咁勁, 可以一次處理幾樣野, 如果你呢個時候去同佢傾, 佢會覺得你好煩架! 到時就唔會咁認真去聽你講了!)
1. 有冇打算幾時結婚?
2. 列個表比佢, 結婚大約要洗幾多錢? (不要計人情, 因為有時多有時少, 好難預的, d人情就當係你地度蜜月的錢或將來洗費)
3. 同佢計下, 每個月要儲幾多先得? 例如結婚要用25萬(未計買樓的首期), 5年後結婚, 即每年要儲5萬, 每個月至少要儲4200
4. 最重要的一點, 同佢講儲錢的方式, 不應該係每月洗剩先儲, 應該係每個月先儲起, 之後的才洗! 咁先儲到錢架!
5. 同埋要開聯名戶口, 仲要2個人一齊簽名先可以攞到錢, 咁就唔驚佢攞左d錢出黎又借比佢d屋企人!
當你有晒事實根據, 唔到d男人唔信, 佢地成日都以為結婚好簡單, 去簽個紙就得! 而且佢地成日會覺得自己好掂, 一想儲錢就會即刻儲到好大舊錢!(都唔知呢d思想係邊度黎既!)
仲有呀, 你男友話最後唔夠要碌卡, 到時咪又係佢還錢, 你估佢大佬會比返錢佢咩!!
我老公個2弟間屋d家私, 全部都係另一個細佬碌卡既, 話還話還, 話左3年幾就黎4年啦, 咪一樣影都冇......
♡女人想要奢侈品,其實要的是男人的捨得!
♡女人想要你出差的禮物,其實要的是男人的掛念!
♡女人想要生日禮物,其實要的是男人的心思!
♡女人想要擁抱,其實要的是男人的溫暖!
♡女人想要吵架,其實要的是男人的包容!
♡女人想要的一切,無非是要男人在乎她的感覺!