母乳餵哺 今日: 0 | 主題: 85693

積分: 956

1^#

發表於 08-3-2 19:32 |只看該作者 |倒序瀏覽 |打印

餵咗人奶兩個幾星期,一路好吃力,右邊成日痛;千辛萬苦練好手勢右邊唔痛,以為可以開開心心餵人奶,唔使痛得咁緊要,點知呢兩日又痛番,仲連左邊都痛埋,兩邊都痛得好緊要,我懷疑係因為阿女'猛長期',我個個鐘都要餵,結果頂唔順

而家要泵出嚟用樽餵,等自己休息吓;但係又擔心阿女食慣奶樽會更加咬痛我

;有時忍唔住真係要補奶粉(真係容易好多),但係又內疚...其實奶粉都唔係有毒啫...

點算呢?係咪個個奶媽都經歷咁多困難架呢?大家點樣捱過架?

0 0 0

私人傳訊回覆引用

adfayfay

積分: 1599

2^#

發表於 08-3-2 20:50 |只看該作者

講真，頭兩個月真係好好好好辛苦..每個鐘起身不在話下，又要抱住先肯睡..但係又唔要點解日日捱一陣就過o左...o個時成日發阿b爸脾氣，夜晚日頭我都會無啦啦喊！有一兩次自己好忟，屋企又得番我和bb一個，我就這樣放bb在床，由她喊，自己又喊...不過好快自己又忍唔住，抱番bb呵番佢，餵佢！我那時成日會計算著幾日去健康院啦，因為一想到去磅重，見到bb有重又健康，我又會好開心...會撐住繼續餵...現在bb還有6日就四個月，我都期待著bb檢查的日子呀.....加油努力俾心機..bb的健康和笑容就是我們最大的鼓勵！

私人傳訊回覆引用

astermama

複式洋房

積分: 467

3^#

發表於 08-3-2 20:51 |只看該作者

Hello樂太，唔好灰心。初初係好辛苦，進退兩難。我都經歷過一個鐘餵一次的階段，其實係BB幫你刺激做奶，都真係好攰，我唯有叫屋企人幫我，一餵完就俾佢哋湊，自己即刻瞓一陣，因為我BB對奶粉敏感，我只有努力餵。反正泵又少，不如你直接餵仲好，抱住BB自己咪閉起眼休息一陣，呢D日子一兩個星期就過，有D人幾日就上夠奶，你就可以回復番兩至三個鐘一次。
如果真係好攰，補一兩次奶都無妨，唔駛內疚。
努力呀，支持你﹗

私人傳訊回覆引用

彤b^^

禁止訪問

積分: 20403

4^#

發表於 08-3-2 21:07 |只看該作者

提示: 作者被禁止或刪除內容自動屏蔽

私人傳訊回覆引用

積分: 956

5^#

發表於 08-3-2 22:13 |只看該作者

但係而家兩邊都痛,餵又唔係,唔餵又唔係.

好似今朝痛到死,於是休息咗大半日,晚上覺得好啲,又忍唔住試餵,結果而家又痛過.有時都諗係咪不如全泵算.唔埋身有乜問題呢?

私人傳訊回覆引用

Karena1015

男爵府

積分: 9099

6^#

發表於 08-3-2 22:55 |只看該作者

你有冇去健康院比d姑娘睇過你餵呀？佢地會教你應該點餵先冇咁痛，頭一個月真係好痛架！我都試過好多次比仔仔咬到損晒、流血，不過只要忍得過頭一個月就ok架喇！我而家都差唔得轉晒全泵，因為要返工嘛，不過埋身既感覺真係warm d架！見到佢飲到笑果種感覺真係好好架！仲有我覺得多d埋身先會多d奶，但係如果你真係頂唔順既全泵都ok，唔好迫自己迫得太緊要，總之餵奶呢家野只要唔放棄就一定得架喇！加油呀！

私人傳訊回覆引用

laikw931

複式洋房

積分: 221

7^#

發表於 08-3-2 23:31 |只看該作者

你是乳頭痛還是乳房呀？都要分清是甚麼原因，如果是乳房痛，要弄清是否發炎，但如果只是乳頭，都多數是bb啜得耐啫
你都可以食止痛藥，出院時多數有開必理痛，都可以試試有沒有幫助。

私人傳訊回覆引用

積分: 956

8^#

發表於 08-3-2 23:35 |只看該作者

我就係喺健康院學咗幾次,終於唔再痛,以為一天光晒,點知呢兩日又痛到死

唔知係咪因為夜晚補一餐奶粉,佢又學壞手勢出事.
我啱啱至喊完,覺得舒服啲;但係今晚唔知點過.好彩請咗工人幫手,同埋老公好支持,唔係我放棄咗好耐

私人傳訊回覆引用

積分: 956

9^#

發表於 08-3-2 23:39 |只看該作者

原文章由 laikw931 於 08-3-2 23:31 發表
你是乳頭痛還是乳房呀？都要分清是甚麼原因，如果是乳房痛，要弄清是否發炎，但如果只是乳頭，都多數是bb啜得耐啫
你都可以食止痛藥，出院時多數有開必理痛，都可以試試有沒有幫助。 ...

係乳頭,而且上面有白點--但係我知唔係乳線塞咗,應該係損咗.而家乳頭長期好似燈籠咁紅紅地,時不時好似俾針咭咁痛,真係痛到冇晒表情

私人傳訊回覆引用

Lulu皇后

子爵府

積分: 10754

10^#

發表於 08-3-3 00:01 |只看該作者

乳頭有白點應該係塞塞地,bb一啜就會好痛,我都試過,真係痛到入心入肺

,我果時就等亞女食完last餐奶,用針挑穿個白點,記得消毒支針,當白點穿咗就用泵泵佢,要比d時間泵,泵泵下個白點處就有d白色固體物體流出嚟,應該係d奶塞住咗,流唔出而盈固咗喺乳頭,所以bb一啜就痛,你要一空泵泵到個條乳腺通返,d奶唔再係杰先得,通返之後就唔會再痛,第2日已經可以餵返架啦,你可以試下,開頭1,2個月係會辛苦d,但都係值得架,真係抵抗力係好好多,比心機,仲希上緊幻嘅時候個胸係會有d針拮嘅感覺,係正常架,唔駛擔心,努力

原文章由樂太於 08-3-2 23:39 發表

係乳頭,而且上面有白點--但係我知唔係乳線塞咗,應該係損咗.而家乳頭長期好似燈籠咁紅紅地,時不時好似俾針咭咁痛,真係痛到冇晒表情

未經本人許可, 不得轉載

私人傳訊回覆引用

雪~bb

侯爵府

積分: 23618

2011至尊種植勳章畀面勳章

11^#

發表於 08-3-3 01:19 |只看該作者

加油呀
初頭係好辛苦架
好快就捱過架啦

私人傳訊回覆引用

louise0752

積分: 1340

12^#

發表於 08-3-3 02:12 |只看該作者

加油呀, 諗留起初初餵果2個月, 簡直係非人生活呀, 不過我而家都餵左15個月喇, 你叫我停我都唔制呀~~

唔好放棄呀, 我地成班奶媽支持你呀.

私人傳訊回覆引用

四隻貓

積分: 2324

13^#

發表於 08-3-3 10:55 |只看該作者

樂太, 你講果隻痛我都試過, 果隻痛真係痛到入心入肺, 痛到訓唔到. 我果時都係咬緊牙關照俾女女啜, 心想痛死就痛死啦,

我覺得係同bb食奶樽有關. 因為果時我返返工, 日頭女女食樽, 所以口型唔同左, 啜到我損曬.
不過好奇怪, 女女四個月大之後又無事了, 佢好似知道奶樽同媽媽奶奶要用唔同方法啜, 我之後一路無再損同痛了

你要努力呀, bb大d, 就會一切順利.

私人傳訊回覆引用

四隻貓

積分: 2324

14^#

發表於 08-3-3 11:00 |只看該作者

呀, 重有.
奶樽你可以買ChuChu 隻人奶奶咀, 會比較似啜媽媽乳頭, 令bb 咀型好d, 可能會啜你都啜得好d, 你可以一試.

私人傳訊回覆引用

bonbon16

積分: 3663

15^#

發表於 08-3-4 00:56 |只看該作者

原文章由樂太於 08-3-2 23:39 發表

係乳頭,而且上面有白點--但係我知唔係乳線塞咗,應該係損咗.而家乳頭長期好似燈籠咁紅紅地,時不時好似俾針咭咁痛,真係痛到冇晒表情

樂太,
比點耐性,我頭2個月乳頭系通到連坐低系馬桶都痛,因我仔仔出世好重,所以好大食,一埋身佢就一大啖岌落黎,每次餵奶我都似行刑甘,不過捱下捱下,好快就過,跟住一來仔仔習慣個嘴型,二黎可能d皮都厚晒!!:;pppp: 但眼見我身邊朋友唔系餵人奶,佢地既bb系過去幾個月不斷睇醫生,touch wood,我仔仔好ok,就乜都值喇!加油!!

私人傳訊回覆引用

積分: 956

16^#

發表於 08-3-4 18:04 |只看該作者

我都係為咗阿女健康啲至捱落去,touch wood,呢兩日好似好少少,我泵一邊,餵一邊,有時補一餐奶粉,好似無咁辛苦.
而家阿女都未滿月,只希望'好日子'快啲到

私人傳訊回覆引用

玥兒BB

洋房

積分: 125

17^#

發表於 08-3-4 19:28 |只看該作者

樂太.. 努力呀.. 每一個鐘餵一次奶我都試過... 半個鐘餵一次我都試過.. 但有時可能係bb 當咗你係人肉奶咀.. 所以你要分清楚bb 係唔係肚餓呀..
繼續努力... 你睇住bb 一日一日長大.. 你就會好好好好開心.. and.. 個種滿足感.. 冇野可以代替...

私人傳訊回覆引用

joannechow1031

積分: 1953

18^#

發表於 08-3-4 21:06 |只看該作者

各位bf媽媽, 樂太, 看見大家的血淚史,真令我很感動, 我們已經給了bb最好的禮物,就是母乳, 我也記過頭兩個月,除了bb咬到損晒,次次餵都忍著痛,又唔夠睡,子宮又痛,又谷奶到只可以坐向到睡,係猛長期, 試過中午12點餵到下午5點, BB都唔滿足, 當時, 真係好辛苦, 簡單係一世人都未無試過咁辛苦..,但上天賜給母親無限的能量, 可以憑著愛一一克服,所以希望你可以忍耐, 相信這些日子一定可以好快渡過,就會見到bb很健康滿足的様子時, 你一定會覺得自己所付出是值得的. 唔駛擔心阿女食慣奶樽,我依家個女就係只肯埋身食, 唔用奶樽,不過我覺得算啦, 無得咁擔心, 見步行步, 另外, 如果太痛,不防食止痛藥,都WORK家!加油,很多媽媽也支持你!!

私人傳訊回覆引用

孔太ww