夫婦情感 今日: 18 | 主題: 42429

積分: 1558

82^#

發表於 14-10-24 13:42 |只看該作者

你好叻！

私人傳訊

積分: 459

83^#

發表於 14-10-24 18:54 |只看該作者

update下大家先~

簡單交待下少少野...我一直認為L先生(我唔想再叫佢老公...)出去飲酒係來自於工作壓力同經濟壓力, 由其係我決定唔做野想湊仔之後, 於是我地決定喺我臨生前兩個月賣咗間屋, 等手頭有錢. 又咁啱, L先生堂姐叫我地入去佢屋企暫住(佢屋企好大, 只有佢一個人住), 等我地慳返D錢. 由細到大, L先生O既所有女長輩們都好寵佢, 可以話佢係喺被愛裡面長大, 但就唔識去愛人囉....

講返當晚. 摑完佢之後, 佢就一直企喺門口唔肯走, 而我就好似個顛婆咁喪打喪鬧佢...最終, 我比佢留低咗, 佢瞓廳. 當下O既決定係因為我知佢無地方可以去, 佢班女長輩已經話唔會有人收留佢, 而佢父母喺外國住, 加上我唔甘心佢走個女人度...話我心軟也好, 比條後路自己也好, 既然趕唔走, 就比佢留. 之後嗰兩日, 我實在係瞓唔到, 食唔落, 一見佢就唸起佢拖住個女人出去見班朋友, 好浪漫咁拍拖O既情景, 唸唸下唔憤氣, 我又走佢打佢鬧佢...唉...何苦....

一直到星期三朝早, 我突然覺得咁樣落去唔係辦法, 所以就去咗睇醫生, 同時執咗少少野就走咗, 我留低咗封信比佢...(待續)

私人傳訊

nicoocin

積分: 4846

84^#

發表於 14-10-24 19:10 |只看該作者

引用：update下大家先~簡單交待下少少野...我一直

原帖由 chris_smleung 於 14-10-24 發表
update下大家先~

簡單交待下少少野...我一直認為L先生(我唔想再叫佢老公...)出去飲酒係來自於工作壓力同經 ...

jm跟住點？

保重身子啊

私人傳訊

積分: 9071

開心吸收勳章

85^#

發表於 14-10-24 21:52 |只看該作者

你帶bb 一齊走？嗰兩日，佢有冇同你講對唔住和以後想點？睇完醫生有冇幫助？這段時間唔好強迫自己做決定，對自己和bb 都唔好，放鬆心情，慢慢解決問題吧！L君可能一直都是小王子，想法好天真，唔習慣要擔起頭家，你和他都要平復心情才容易傾出結果。

保重，你好叻女，一定能夠找到最好的解決方法！

私人傳訊

天使青蛙

積分: 4953

86^#

發表於 14-10-24 22:45 |只看該作者

回覆：終於都認咗出面有第二個…

加油，湊住bb?保重呀樓主

私人傳訊

積分: 459

87^#

發表於 14-10-24 22:46 |只看該作者

(繼續) 又要交待少少野...BB喺兩周大O既時候已交比娘家湊, 因為我知道事情要來個了斷...而我爸爸本身有病, 佢最鍚我, 個孫出咗世之後簡直係佢O既開心藥, 因為咁, L先生出軌O既事我唔可以比佢知...呢個又係我要考慮O既問題...

話說回來...星期三嗰朝, 我個人登時覺得咁樣唔係辦法, 既然唸唔到解決辦法, 首要係唸點樣可以令自己開心, 所以我就執咗幾件衫, 攞埋passport, 唸住呢段時間周圍去下, 散下心, 但我亦要每星期有幾日如常去BB婆婆度睇BB...雖然無乜計劃過去邊, 但走出間屋嗰一刻, 我覺得輕鬆咗D.

跟住跟療師見面, 我個人簡直係崩潰, 喊住咁同療師講, 求佢救我! 係, 我真係要走出呢種情緒困局, 最低限度我要食野瞓覺! 食咗藥之後, 我就返咗外家, 見到個仔. 呢個簡直係我人生動力, 加上有藥物幫助. 講到呢度, 我想提醒各位JM, 想要找條活路比自己, 首要一樣野係有健康O既情緒先, 如果情緒有問題就先要面對, 快去睇醫生, 妳唔愛自己, 無人會愛妳!

住咗娘家兩日, 我終於都食到野, 尋晚可以瞓返覺好. 最surprise係我對住我爸媽竟然忍到眼淚. 抱住個仔, 心情異常平靜, 畢竟BB同我一齊捱過L先生冷落我地O既日子, 當時BB喺我個肚度. 思維越黎越清晰, 原本我一直喺"原唔原諒", "放唔放得低"呢個問題上打轉再好耐, 突然我唸通咗一樣野, 我係無可能原諒佢, 亦唔會放得低呢件事, 既然如此我又何需去為難自己? 不如從另一個角度出發.

點評

Miyatachan

發表於 14-10-25 11:23

私人傳訊

hello_kristy

積分: 8463

88^#

發表於 14-10-24 22:52 |只看該作者

回覆：chris_smleung 的帖子

好好保重!!
哩度每個人都會為你加油，給你鼓勵!!
再難行，都總會有路行…

私人傳訊

麵包太太

積分: 4928

89^#

發表於 14-10-24 22:53 |只看該作者

回覆：終於都認咗出面有第二個…

加油樓主

私人傳訊

積分: 9071

開心吸收勳章

90^#

發表於 14-10-24 23:11 |只看該作者

樓主你思想好正面

有愛錫自己的爸爸、媽媽和可愛的仔仔，如果你經濟能夠應付，L先生真是可有可無！佢今次真係失去好寶貴的東西！

加油！！！

私人傳訊

積分: 459

91^#

發表於 14-10-24 23:14 |只看該作者

我同L先生O既感情問題先抱開, 呢個確實係短時間內唔會搵到答案. 咁不如先解決BB 問題. 給佢一個單親O既家? 還是快D去搵個好男人比個完整O既家佢? ...先講後者, 邊有咁多好男人會遇到呀, 有O既話都比人夾實咗啦~~ 而且我暫時無乜勇氣同力氣去投入一段新感情...

單親, 我又唔係無信心O既, 反正賣樓錢全部喺我度, L先生無咩好, D錢一直全部都比我管, 直至出事, 我亦好坦言話, 我一蚊都唔會比返佢, 佢話OK, 所以我兩母子係無經濟壓力. 問題就係BB O既成長, 我係佢媽咪, 所以有責任捍衛BB O既最大利益, 即使我幾憎呢個男人, 而且我唔可以咁霸道地幫個仔揀. BB會唔會要呢個爸爸, 應該由佢地兩個自己決定. 要睇爸爸O既做化, 又要睇個仔同佢O既緣份. 於是, 我send咗段msg比L先生:

"無論我同你將來會變成點, 你始終係BB O既爸爸, 我亦唔會霸道地幫BB去選擇, 襯住BB仲細去補償返由出世到以家失去咗O既父愛, 所以我唔會阻止你黎見個仔, 下次BB去健康院你要黎. "

L先生即刻回覆我話OK, 佢一定要做, 仲問題我可以即刻黎睇BB. 我都好大方應承佢, 呢兩日係咁耐以來佢抱個仔抱得最耐, 我比佢餵奶, 入奶粉...

JM們為我加油, 我見到佢嗰刻又唸個女人...我係作咗最大O既努力, 角色抽離先可以咁大方! 暫時講到呢度, 過幾日再同大家分享下.

點評

Freedomfish 你處理得好好發表於 14-10-24 23:25

私人傳訊

積分: 9071

開心吸收勳章

92^#

發表於 14-10-24 23:29 |只看該作者

L先生都算有些人性，肯留钱給你，亦想見bb。佢似乎仲好迷戀第三者，淨身出户都無問題，看來你也要有做單親媽咪的準備。雖然睇戲最喜歡大團圓結局，但你的情況真係好難忍，我睇見都有心如刀割之痛，忍唔住回覆咁多次。希望你早日走出困局，明天會更好！

私人傳訊

Esther_mama

積分: 1360

93^#

發表於 14-10-24 23:32 |只看該作者

回覆：chris_smleung 的帖子

點解你可以咁定？你很成熟嗎？如果係我.....都唔知點算！

私人傳訊

天使青蛙

積分: 4953

94^#

發表於 14-10-24 23:38 |只看該作者

回覆：終於都認咗出面有第二個…

你做得好灑脫，好采d錢係你手，唔係就真係好煩惱。

私人傳訊

積分: 459

95^#

發表於 14-10-24 23:51 |只看該作者

引用：樓主你思想好正面有愛錫自己的爸爸、媽媽和

原帖由 csk 於 14-10-24 發表
樓主你思想好正面有愛錫自己的爸爸、媽媽和可愛的仔仔，如果你經濟能夠應付，L先生真是可有可無！佢 ...

我都係咁唸，我係無損失~ 奶奶呢幾日係咁追擊我，佢係想開解我，但最主要係佢好驚我走，佢話我知妳無咗佢都得，但佢個仔無咗我條路會好難行…聲淚俱下咁

夠啦，我唔想做佢"阿媽"，然後比個安心出去搵情人囉!

私人傳訊

積分: 459

96^#

發表於 14-10-24 23:55 |只看該作者

引用：點解你可以咁定？你很成熟嗎？如果係我....

原帖由 Esther_mama 於 14-10-24 發表
點解你可以咁定？你很成熟嗎？如果係我.....都唔知點算！

我未到高齡產婦屆線，唔知算唔算年紀成熟

不過本身性格好獨立同倔強，工作方面都ok有d成績嘅，係近期為咗頭家退落黎，連社交圈都為佢縮窄咗好多

私人傳訊

celiawkc

別墅

積分: 595

97^#

發表於 14-10-25 00:01 |只看該作者

回覆：終於都認咗出面有第二個…

若果你唔知道太多佢地既種種, 我相信你可以慢慢放低.

私人傳訊