本帖最後由 karinawong1031 於 14-10-23 12:27 編輯
唔知點解M咗咁多年，M親都會漏；夏天戴M巾直頭辛苦到爆，最近發現咗樣好嘢，就係月經杯，又方便又環保。呢樣嘢外國好流行，有好多唔同牌子，台灣都開始多人用，不過香港冇代理，我都係網購。上網爬文揀咗最多好評價錢較平既Yuuki Cup同Meluna Cup。
基本上佢係一個矽膠杯，月經時摺埋塞入陰道，個杯會响裡面打開接住子宮流出既經血。
第一次收到個杯，見到個SIZE真係嚇親，不過因為係軟矽膠，置入時接埋都係粗過手指公少少，而且陰道其實又冇乜神經線，所以塞入去唔會太痛，生過小朋友基本上係完全冇感覺。佢仲好過棉條唔會覺得刮。只要置入方法正確，完全唔覺有放嘢响入面，亦唔會漏，瞓覺都冇問題，如果心理上唔放心或者未用得好熟，可以加護墊做保險。8﹣12個鐘先攞出嚟倒一次，去小便同開大都唔使拎出嚟，方便到爆。當然放入同攞出嚟既方法要練習一下，今個月係我第三個經期，已經係完全冇難度。
因為經血係儲响個杯入面，完全接觸唔到空氣，所以唔會有異味。
清潔方面，只需每次月經前用熱水浸住放入微波爐或水煲煮兩三分鐘。經期間要攞出嚟，先洗乾淨對手，帶杯食水入去，攞出嚟用食水沖沖就可以放返入去。杯既容量唔同牌子都唔同，我用中或者細SIZE，可以放8﹣12個鐘都唔會滿瀉，基本上返工前响屋企放入去，放工返屋企先攞出嚟倒都仲得。
呢隻杯可以用10年以上，真係慳返唔少M巾夠環保。我呢兩隻牌子，每個網購連運費大約200蚊港紙，計落都係抵。
因為係置入式，開始真係有啲心理障礙，我介紹過俾幾個朋友都話唔敢試。不過我用咗真係覺得超爽，尤其是工作忙到去廁所換M巾都冇時間，或者好動既女仔，值得推介。
我唔係代理，純粹分享，有興趣可以上網揾"menstrual cup"或者月經杯，可以揾到好多不同牌子既比較，用法同心得。建議想買嚟試既，最好揀硬度屬中等的，硬度偏軟的雖然容易放入，但响入面好難打開，我之前買咗個軟的戴極都戴唔到。同埋亞洲人陰道偏窄，我生過小朋友都係用M碼或S碼（唔同牌子既尺碼都唔同，要留意返），流量多就入廁所倒密啲。除非好高大，否則都唔使用到L碼。
<div><a target=_blank href=http://www.pregnology.com/pregnancy/08/09/2012><img border=0 width=650 height=120 src='http://www.pregnology.com/preggoticker120/FF66FF/660033/My%20pregnancy/08/09/2012.png' alt='Pregnancy%20ticker'></a><br><a style=font-size:9pt;color:#444444 target=_blank href=http://www.pregnology.com>Make a pregnancy ticker</a></div>
不過熟練咗唔會太咁輪盡。
發表於 
返回列表
