4年嚟我都多次問自己有冇選錯左呢, 我咁做係咪真係為佢好呢?
不希望輸左起跑線上, 要選好的幼稚園, 好的小學, 寧願跨區都唔選樓下屋村小學
但問題就出現了, 每天6點起床, 6點9出門口,坐校巴,尤其冬天, 真係好心痛, 6點鐘我自己都未必天天起到身,
相比樓下讀可以成8點才出門,一放學行幾步就到屋企, 我地就要成4點才到家,再加上功課又多, 每晚都要做到成11, 12點, 可能佢領悟力低, 可能佢不自覺, 下下踢一腳唷一唷,(有私人上門補習) 總之見到佢讀得好辛苦, 成個人一提到讀書就提唔起勁, 我倆都要返工, 好多野都要靠佢自己自覺, 但往往返學唔漏野就唔見野, 甚麼文具, 書, 校服,8達通, 講得出要帶去返學的, 都有唔見過, 明知已有默書, 考試範圍, 唔去到最後果日, 都唔會溫, 明知逢星期三要默書,問佢有冇, 佢就話老師冇講, 到星期二先溫, 我地又要陪到佢2,3點, 唔好話佢想死, 我對住佢都想死.我可以點做?有冇人可以分享下....