使用意見今日: 0|主題: 14118

收藏本版

發帖

返回列表

跳至頁

樓主: bullbull1

徹底心淡了，各位有緣再見... [複製鏈接]

1 23

召藥師

超級版主

積分: 54806

2024年龍年勳章 2024勳章 2023年兔年勳章 2018父親節勳章 2018母親節勳章熱血金章精緻種植勳章好媽媽勳章超級版主 2011至尊種植勳章環保接龍勳章大廚勳章 BK猜猜猜慶中秋 hashtag影視迷勳章

41^#

發表於 14-11-3 12:13 |只看該作者

一直以來，版主處理一般pm me pls依類回覆，都係會先提示會員，提示無效就會關閉主題，依個做法係想保持主題可讀性，同埋版面保持充實討論嘅話題。

烹飪版主Rose-mag嘅操作原因係系統預設其中一個選項，如果大家曾經試過舉報違規post，就會見過有列原因。如果對版主操作原因有唔明白之處，可以隨時聯絡版主，但希望大家都明白一點，就係版主都係會員一份子，上網時間唔一定定時定候。bk係親子網站，唔少會員都係有自己家庭，甚至有唔少會員要同時兼顧家庭同事業，版主唔係唔想立即回應，而係唔係任何時候都必定可以抽身回應，依點係希望大家都可以體諒。

今次鬆餅機主題，因為有其他會員扯開話題講代購，版主提示完又再提示，仍有會員唔合作討論代購，而bk係有版規列明禁代購話題，版主又冇可能不斷反覆監察，所以最後將主題關閉(唔係移走成個主題冇得睇)。

如果大家對bk版規及版主管理方式有任何意見或疑問，黎使用意見發帖係最合適，因為依版係集中哂會員對bk嘅意見，方便管理員同版主了解同回應，如果咁做被當係滅聲就真係超大嘅誤會喇。

希望大家明白，版主都想大家開心分享自己所見所聞同心得，但版主同時亦要維持討論區秩序，版主唔係隻手遮天，我地有既定守則去遵守，操作都係按照管理員定下嘅指示去做。如果會員有意見，我地歡迎大家提出，我地會同管理員商量點樣去調整到最理想。謝謝!

唔好意思，回應比較長