婆媳關係

收藏本版
發帖
返回列表
跳至頁

首頁
12

尾頁
   0
laimanw


複式洋房

積分: 399


1#
發表於 08-3-20 01:58 |只看該作者
我以前也以為我的99很好人, 但與她兩年的相處上, 都發覺她為人口不對心, 扮好人。她最想別人讚她好人, 在人前人後扮哂野。

自從我小產後, 她立刻怪我, 話我因為工作而沒有了bb。大老, 如你個仔好有錢, 我還要工作嗎? 再者, 我現在自己賺錢供自己讀書, 你個仔 又供唔起我。另外, 我99不嬲最憎新抱做工, 但最可笑是她自己後生時, 經濟條件不錯時, 也走去做工。但她就是識話人, 唔識話自已! 而且, 她在我面前話, 話我做工是貪錢, 又說她的兒子不喜歡女強人等, 俾說話我聽 (她最叻就是這様)。

一. 我不是女強人; 二如果她咁明白她兒子的心態, 叫她的兒子, 則我的c6同我分手law。他追我時, 我也是打緊工, 常要ot的。而且, 今次我出去工作, 也是我的c6支持我去。

我媽叫我不要怪99, 說她失去孫兒也很傷心。但我說我真的做不到。我的bb在3個月時, 無端端停了心跳, 胎死腹中。我已經超級傷心。她還要怪我, 說是我的錯! 醫生也說不關我事, 為何要這樣怪我, 增加我的罪咎感 ? 我是bb的媽媽, 她/他曾在我肚內生存, 我比誰會有更深的感受, 會更傷心吧? 難道我會特意殺死肚內的bb?

最離譜是, 她這樣指責我, 她有否想過自己也是女人? 而且她的女兒也曾在10年前小產過, 最可笑是她女兒小產時也不講俾我99知。小產事件過了數年後, 我99與其女兒鬧咬時才知自己個女十年前小產過。好心佢檢討下自已la, 連個女小產都唔話俾佢聽!

之後做完流產手術數天, 99又扮野堅持要來探我, 要煮野比我食。各位, 她不是真心想照護我, 而是怕別人說她不是一個好人, 好99。她來時我還要和她做戲, 真慘! 但我心裏面, 已話比自己聽, 我永遠也不會原諒她, 因她在我最傷心時, 踩多我一腳, 令我痛上加痛, 好難受!

[ 本文章最後由 laimanw 於 08-3-20 02:09 編輯 ]
私人傳訊

KoyeBaby


子爵府

積分: 12890

醒目開學勳章 畀面勳章


2#
發表於 08-3-20 02:17 |只看該作者
原文章由 laimanw 於 08-3-20 01:58 發表
我以前也以為我的99很好人, 但其實與她一年的相處上, 都發覺她為人口不對心, 扮好人, 因她最想別人讚她好人, 在人前人後扮哂野。

自從我小產後, 她立刻教訓我, 話我因為工作沒有了bb。大老, 如你個仔好有錢, 我還要 ...



樓主唔好咁傷心啦!我2年前都小產過,好明白你心情!不過日子都係要過,既然你已經知道你99嘅本性係咁有問題,你就索性同佢少d交集,當佢透明,你有你生活,佢有佢廢話!如果佢每一句說話你都咁上心會好辛苦架!!你係唔係同佢一齊住架?你c6知唔知道佢咁樣話你?
私人傳訊

我愛Corina


瑪瑙宮

積分: 134385

2024年龍年勳章 2024勳章 好媽媽勳章 醒目開學勳章 環保接龍勳章


3#
發表於 08-3-20 02:30 |只看該作者
我都好明白你無左bb既心情,真係好傷心...如果你份工唔係太辛苦,應該冇關係....
你99好冇理lo..今時今日咩世界,唔鍾意媳婦做野 除非我可以買晒我想買既野,否則我都會去搵錢...
私人傳訊

ling00


大宅

積分: 4627


4#
發表於 08-3-20 02:57 |只看該作者
我都o係2年前小產過. 唔好咁傷心啦. 補番好個身體。好快會有家啦。我個細仔都9個月大啦。

私人傳訊

蜜棗


子爵府

積分: 11426

睛靈勳章 畀面勳章 BK Milk勳章


5#
發表於 08-3-20 03:52 |只看該作者
我都好明白你,失去咗肚中肉已經很很很心痛,睇得你99真係幾q麻煩(因為兩年前嘅事,我相信佢講到今時今日)其實你個99咁q識做戲,真係同佢講多多都冇用.不如倒返轉頭你同佢夾戲,唔係總有一日佢會上演一幕〝新抱搞喊奶奶〞到時你就仲無辜.
爆愛車縫作
私人傳訊

laimanw


複式洋房

積分: 399


6#
發表於 08-3-20 05:46 |只看該作者
好彩不是人齊住, 我以前有想過如她最鍚的細仔不與她同住(他細仔正計劃買屋, 自己一個人住), 我會與c6同佢住, 免得她孤單一人(因我62已死去多時)。但經過我小產後, 算了, 因知道自己的脾性真的頂唔順佢。

我有同我c6講, 99常單打我, 但我知他也很難做。c6只是跟我說, 她媽是家中的boss, 要人去聽她的。她喜歡管東管西, 她的說話要個個都聽。她叫你不要做工, 就不要做工, 讀書就讀書。但c6也說她媽其實什麼也不懂。c6這樣說, 我又可以如何? 一個佢呀媽, 一個佢老婆, 我都知佢好難做。所以, 唯有現在少d同99見面。

我不可當佢透明的, 她敏感度很高。我試過對她黑面, 她是感覺得到的。那次大家的關係都好彊, 但當然c6咁蠢, 是察覺不對的。

你說得對, 我應嘗試對99每句說話都不上心, 不然自己會更加不開心。在學習中。


[quote]原文章由 KoyeBaby 於 08-3-19 19:17 發表
樓主唔好咁傷心啦!我2年前都小產過,好明白你心情!不過日子都係要過,既然你已經知道你99嘅本性係咁有問題,你就索性同佢少d交集,當佢透明,你有你生活,佢有佢廢話!如果佢每一句說話你都咁上心會好辛苦架!!你係唔係同佢一齊住架?你c6知唔知道佢咁樣話你?

[ 本文章最後由 laimanw 於 08-3-19 23:30 編輯 ]
私人傳訊

laimanw


複式洋房

積分: 399


7#
發表於 08-3-20 06:01 |只看該作者
我對上那份工, 做了5個月(因小產便辭工了)。我返工返8小時, ot也不過半小時, 可以說日日準時收工, 99是知道這些的。

99是一個非常女性化的人, 有著女性的溫柔, 卻帶點孤僻, 她不會大聲罵你, 但會打單你。99有一個朋友, 因工作關係, 少了時間照顧家庭。(她跟我說, 因為她的朋友出來工作, 所以其兩個兒子就未能考進大學了。) 故她怕我也會是這樣。她很傳統和"文失", 連我嫁入c6家前, 99的朋友已向我單聲99的為人很"文失", 只是怪我蠢, 一直看不清, 因未過門時, 她對我好似好好的。她最鐘意女人三從四德, 相夫教子, 怕我工作後, 少了時間照顧家庭。


原文章由 我愛Corina 於 08-3-19 19:30 發表
我都好明白你無左bb既心情,真係好傷心...如果你份工唔係太辛苦,應該冇關係....你99好冇理lo..今時今日咩世界,唔鍾意媳婦做野 除非我可以買晒我想買既野,否則我都會去搵錢... ...

[ 本文章最後由 laimanw 於 08-3-19 23:16 編輯 ]
私人傳訊

laimanw


複式洋房

積分: 399


8#
發表於 08-3-20 06:03 |只看該作者
多謝你呀!
原文章由 ling00 於 08-3-19 19:57 發表
我都o係2年前小產過. 唔好咁傷心啦. 補番好個身體。好快會有家啦。我個細仔都9個月大啦。
私人傳訊

laimanw


複式洋房

積分: 399


9#
發表於 08-3-20 06:12 |只看該作者
這是我最担心的 (新抱搞喊99)! 所以99單打我或怨我, 我也會盡量忍, 因我知我一發脾氣時, 便會一發不可收拾。但也明白, 如我搞喊99, 個個一定會指責我, 因她的樣子好似很受保護似的(她從不會大聲罵人, 連自己的孩子也不會大聲罵, 但會娥你, 會話你, 會單打你。你幻想她似林黛玉便是了)。故我明白我的底線, 話到尾有事發生時, 我的姑奶等, 一定會幫呀媽, 則99, 唔通會幫我咩。

原文章由 蜜棗 於 08-3-19 20:52 發表
我都好明白你,失去咗肚中肉已經很很很心痛,睇得你99真係幾q麻煩(因為兩年前嘅事,我相信佢講到今時今日)其實你個99咁q識做戲,真係同佢講多多都冇用.不如倒返轉頭你同佢夾戲,唔係總有一日佢會上演一幕〝新抱搞喊奶奶〞 ...

[ 本文章最後由 laimanw 於 08-3-19 23:13 編輯 ]
私人傳訊

funpucca


男爵府

積分: 8001

大廚勳章


10#
發表於 08-3-20 10:01 |只看該作者
唔好咁傷心,我06年時有左,果時無畀99知,點知係宮外孕,要做手術切左左邊輸卵管,我老公同我姑仔都話千祁唔好畀99知,原來,我姑仔幾年前小產過,都無畀99知,因99好麻煩同迷信,而我做完手術後,99要做節食飯,老公叫我唔好去係屋企休息,99唔知我有事,好唔高興我唔出席咁"重要"的做節飯
我覺得,佢仔同女都係,有乜事都唔會講畀佢知,就係因為得唔到關心之餘仲會得個煩字,所以,我ge事更加唔會畀佢知,我讀書又好,有事又好,通通隻字不提
我99雖然無講到出口話要我生仔,但當我透露一定會生之後,佢對我態度明顯好左小小,如果畀佢知我得番一邊,肯定覺得我無得生都似
我99都係覺得做新抱要做晒家頭細務,對老公服侍周到,但佢自己同佢個女就可以求求其其,鍾意就做,唔鍾意就唔做

[ 本文章最後由 funpucca 於 08-3-20 10:12 編輯 ]
私人傳訊

綿綿珠


洋房

積分: 98


11#
發表於 08-3-20 11:50 |只看該作者
我同你一樣,bb停左心跳,我同我老公都勁傷心,話說我bb8週時,62給了三萬元我們,叫我們幫他買股票,但我bb9週時停左心跳,我做完手術回到家,我62立刻叫我地比反他那三萬大元他,根住我99同我地講,冇左mic仲好,唔洗憂心個bb wor 因為我bb6週時開始有血,我地同99講我地好憂心個bb,但當時我99仲煲d有green 豆湯給我飲 真係勁嬲呀 佢地都顛顛地gr,果三萬係幫佢買,我唔會有jetso嫁,有必要立刻取回?佢地一 問候都冇呀,有mic 話仲好law,兒子才冇了bb,第一時間說錢,我發誓我一定要搬,一定要!
私人傳訊

wingandroy


複式洋房

積分: 198


12#
發表於 08-3-20 12:17 |只看該作者
樓主, 我係你, 唔理99係經常大吵大閙還是扮弱者, 單係佢咁樣係人地傷口灑鹽咁卑鄙, 我一定會同佢反面, 以後唔使旨意會望佢一眼.
私人傳訊

小白菜


洋房

積分: 51


13#
發表於 08-3-20 15:10 |只看該作者
看來這么多位的99都好過我個，上年我小產后一句問候一个电話都冇，但我想像的到她興灾樂禍的样。根住幾個月后我又有咗，我親眼見到佢好似兜头俾人淋着成盆凍水，仲要姑仔叔仔都在場。我真想掉頭，走着佢。至今我个囡囡１２日大了，沒見過男家人或任何电話。系咩系絕得好系要！
私人傳訊

christina060630


複式洋房

積分: 157


14#
發表於 08-3-20 15:19 |只看該作者
原文章由 laimanw 於 08-3-20 01:58 發表
我以前也以為我的99很好人, 但與她兩年的相處上, 都發覺她為人口不對心, 扮好人。她最想別人讚她好人, 在人前人後扮哂野。

自從我小產後, 她立刻怪我, 話我因為工作而沒有了bb。大老, 如你個仔好有錢, 我還要工作嗎 ...

你99又係過份左,不過你唔好咁唔開心啦,休息多d,如果你成日(林)住對你自己都唔好,等遲d身體好番d再生bb啦
私人傳訊

心滿意足


男爵府

積分: 8710

好媽媽勳章


15#
發表於 08-3-20 16:47 |只看該作者
個bb係你既,無人比你更傷心啦,你都唔想既,
邊輪到佢怪你喎,你唔洗理佢啦,費事勞氣呀!
私人傳訊

tokwawan


大宅

積分: 1864


16#
發表於 08-3-20 16:47 |只看該作者
天下的99係咁賤..我去年年初小產時, 我個賤人99居然話, 算啦, 佢應該係女, 知道grandma唔鍾意女, 所以佢咪自己走囉...
私人傳訊

christy1012


水晶宮

積分: 65702

2024年龍年勳章 2023年兔年勳章 醒目開學勳章 畀面勳章 BK Milk勳章


17#
發表於 08-3-20 17:33 |只看該作者
原文章由 laimanw 於 08-3-20 01:58 發表
我以前也以為我的99很好人, 但與她兩年的相處上, 都發覺她為人口不對心, 扮好人。她最想別人讚她好人, 在人前人後扮哂野。

自從我小產後, 她立刻怪我, 話我因為工作而沒有了bb。大老, 如你個仔好有錢, 我還要工作嗎 ...


樓主唔好咁唔開心,你自己要小心身體,小產後要多休息,多進補,
你99呢d都唔係人黎嫁啦,咁o既說話都講得出,今時今日呢個年代,
有邊個人大肚就唔駛做呀,我身邊大把同事大住個肚返工啦,
你唔好彩都冇辦法,佢唔應該怪你,你比任何人唔開心,
唔好嬲,多休息
私人傳訊

牛精仔


琥珀宮

積分: 157928

玩具勳章 好媽媽勳章 醒目開學勳章 畀面勳章 叻叻勳章 2011精緻種植勳章 環保接龍勳章 BK猜猜猜慶中秋 BK Milk勳章


18#
發表於 08-3-20 21:07 |只看該作者
如你個仔好有錢, 我還要工作嗎? 再者, 我現在自己賺錢供自己讀書, 你個仔 又供唔起我。<----千祈唔好比老公聽到你咁講, 到時佢仲傷過你 !
私人傳訊

wawaliluk


公爵府

積分: 25680

好媽媽勳章 醒目開學勳章


19#
發表於 08-3-21 02:34 |只看該作者
當自己失去bb時, 99亦都無了個孫。 有時老人家會在不適當時間, 講一些無顧及對方感受的說話, 但通常好多人都唔會o甘留意, 但因那時你失去bb, 所以你會特別覺得受到傷害, 希望你能忘記不愉快的事, 若你對她有一個壞觀感, 她將來對你好, 你會覺得她做戲, 對你唔好, 更加新仇舊恨相加, 永遠關係唔好, 細心想想, 你c6怎麼做人, 幫你或幫佢?
私人傳訊

laimanw


複式洋房

積分: 399


20#
發表於 08-3-21 06:48 |只看該作者
多謝牛精仔的提醒, 但我的c6不會看到的, 而且他覺得也是這樣(不能供我讀書, 及兩人賺錢會好一點), 所以想我出來工作。補充: 我99常覺得我c6好有錢, 所以更加覺得我不用工作, 應當留在家裏。

wawaliluk多謝你的安慰。我媽也勸我, 說老人家難免會說一些難聽的說話。但我可以不計較她的一切, 但這件事卻真的氣難下。雖然她是老人家, 但不代表做什麼事也要老憑地得到別人的體諒。我尊重老人家, 但老人家也要學會尊重人, 互相尊重是做人的基本原則吧! 老人家做了半世人還出口傷人, 都幾可悲。

至於她扮野, 不是因為我先入為主, 或因為小產的事發生後而有感而發, 而是這兩年的相處, 我看見她如何對待身邊的親朋戚友而感受到的。

我c6兩邊都唔幫。你同佢呻, 佢就笑笑口跟你說, 99是這樣的, 好似好明白我咁, 然後就當一切事情沒有發生過。c6這樣, 我也無佢付。

[ 本文章最後由 laimanw 於 08-3-21 00:10 編輯 ]
私人傳訊


首頁
12

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見