興趣嗜好今日: 8|主題: 123732

收藏本版

發帖

返回列表

跳至頁

查看: 1772 | 回覆: 7

[好文] 態度決定結果？

Powerbychris

大宅

積分: 3710

發表於 14-11-21 07:55 |顯示全部帖子

話說我契妹都算得上靚女，出身小康之家（小康的意思系老豆都有幾層樓揸手果種），外國名牌大學生，條件都算唔錯，人也沒怎麼樣，就系比較小心眼，有時候比較喜歡鑽牛角尖。

我助手呢，人長得普普通通，清湯掛面，老豆揸貨車老母當清潔工，公屋居民，香港九流大學畢業，人就笨D，不過做事盡責，脾氣超級好，典型乖乖女。

剛巧有個開工廠（世界級那種）的台灣客戶和我吃飯的時候開玩笑道叫我介紹女朋友給他，他說年紀大了（三十幾都叫年紀大？？)都想成家，我看見他人算可以就係比較踏實（一般廠佬都系甘），於是乎就介紹我契妹給他（梗系，好野梗系益自己人），為他們安排了一個飯局。

飯局就台灣仔，我，我助手（拉泥當陪客，兩男兩女比較自然），同我契妹四個。飯局都算相談什歡，看得出男女相方都互有好感。

我呢個媒人，飯後梗系打電話問我契妹O唔OK，點知我契妹話，台灣仔人長得可以（男人年過三十都唔發福一般都可以，成熟魅力嘛），家境也OK（唔OK邊敢介紹比你，邊養得你起），不過就唔夠紳士風度，看見她碗裡頭的湯沒有了，居然唔幫她添！看看他有沒有誠意改善吧！

天啊！甘都有問題？？甘你又想我點？叫我提醒我客戶注意風度？？？

呢個飯局唔到一年之後，台灣仔主動來香港請我吃飯，我好奇怪，因為台灣仔都算系我大客，要食飯都系我請，無理由要請我吃飯！

一坐下來，台灣仔先自隊三杯，話有一個好消息，一個壞消息，問我要聽邊個先。

我話先講D開心野啦，他說他快要結婚了，要感謝我。我話吓？對呀，壞消息就是，你助手要辭職了，因為要去他公司當老闆娘！

我話吓，唔系契妹嗎？點解變左我助手？

他話，你契妹人條件確實好，他也喜歡，不過她這個人有個大問題，就系不懂感恩，吃飯的時候我一個晚上不停的給她夾菜，她一次都沒幫夾回給我，這種人，不行啊！

反過來你助手就不同了，我幫她夾菜，她每一次都會說謝謝（當然，你系大客啊她那裡受得起），上每一頓菜她都先讓人家吃（當然我家教好），每次給我夾菜都永遠是夾最好的部分給我（老闆啊，唔系你食唔通我食），自己反過來吃頭頭尾尾，最重要是該說話時就說，該收口時就收口（梗系亂講野小心今年花紅！），多大體，人又節儉淳樸（你試試上有患長期病高堂下有弟妹讀大學靠你一個人份糧過日子），做事又勤快（飯局後因為關係較好我讓呢個女孩子跟台灣仔單），那麼好的女孩子那裡找啊。

我無語了！

幾年過後，我助手富太是當上了，生完兩件後又出公司幫手，她呢大才沒有當個管家婆一定出色，老公老爺奶奶錫到她暈。

我契妹呢，同我一個業務搞在一塊。我這個SALE屎，第一爛賭（呢D人一輩子都無本錢自己出去當老闆），第二無大志（呢D人無危險），不過人就高大靚仔，嘴甜舌滑，又懂得應酬，嫖賭飲蕩吹無一不精。老實講，他唯一存在意義就系做我傍友（出來做生意有個擺得上檯面的傍友同索秘書是必須的），陪我應酬！

最重要系，我呢條靚系有老婆的！

結果梗系，倒貼還賭債之餘，重日日大龍鳳（靚仔溝女邊洗錢？落吧大把免費餐），最後人地老婆仲踩上我公司，叫我負責任，管管她老公！

負你條毛，溝老闆契妹都算，仲上來踩場，馬上計埋份糧比你拿埋走唔該！

最後我契妹好像大埋肚，不過又打掉，拖拖拉拉，女人啊，一輩子最黃金那幾年，就這樣沒了！

呢個飯局有幾個啟示：

1. 食飯要小心，記得幫人夾菜，人地幫你夾菜一定要說謝謝！唔系，人地就會把你評為自私，無禮，不懂感恩，無紳士風度！後果嚴重啊！
2. 人揀你，你揀人，看中人家就主動點，唔好扮曬大支野。
3. 越無危險的人，就係最危險的人，你的最大對手，往往就在你身邊！
4. 無事獻殷勤，非奸即盜。一般極度溫柔體貼的男人，都系小白臉！
5. 想嫁富豪，唔該先反省自己，系唔系賢良淑德，因為富豪最不缺，就是美女！老婆，梗系揀件能相夫教子的賢內助啦！

私人傳訊