大仔大女媽媽會

收藏本版
發帖
返回列表
跳至頁

首頁
12

尾頁
   0
Vinell


別墅

積分: 845


1#
發表於 08-4-9 14:00 |只看該作者
看了毛媽寫細毛出世的文章, 兩夫婦互相體貼, 一家人互相關懷.好warm, 好和諧.

我就覺得我真係要好好反省. 因為我做了媽媽後反而變得神經質和常發脾氣....對住HB常抱怨, 被他投訴我生完後很惡, 對住囝囝試過好多次發脾氣, 縱使明知小朋友因為眼瞓而扭計,都忍唔住在街道上發怒向他吼叫..之後又無數次內疚...成日叫"NO"叫都有時我都覺得自己太多"NO"...好討厭!

請問大家有什麼好方法可以鍛鍊耐性和無咁衝動?現在收工便要回家照顧小朋友,所以無什麼時間出街, , 你們會以什麼方法舒緩情緒?
私人傳訊

pwypaulina


男爵府

積分: 5158


2#
發表於 08-4-9 15:51 |只看該作者
hi vinell,

你上嚟BK同我地傾下, 都係一個方法去抒發.....其實我好似你咁講, 自從生咗小朋友之後, 個人仲比以前容易"mum tsang" (本人個人都屬於急性子), 又多咗好多同老公發脾氣, 又多咗鬧jerry仔 (因為佢有時實在太naughty, 有時教極都唔聽), 同時又要湊細佬harry仔......有時鬧完小朋友之後, 又或向完老公發脾氣之後, 都覺得自己係咪做得唔啱, 如果可以冷靜d咁個處理可以好好多......

依家我會一方面同自己講要學習減少"mum tsang", 同埋每個星期我都會搵機會同老公兩個人去街, 可能係食個lunch/dinner, 如果時間許可, 我地會去睇movie...呢個時候老公通常都會話番我之前有乜嘢做得唔係咁好, 我地又會討論下點樣教小朋友, 同時, 我又會搵講座聽, 搵書睇, 希望知多d幫到自己/老公 (作為爸爸嘅角色).

我老公成日都笑我, 依家已經咁容易"mum tsang", 將來開始讀書要溫習, 又或者係小朋友又大個咗, 會有更多問題出現, 咁到時我咪要嬲到嘔血?!

你放工後要忙湊小朋友, 咁會唔會weeeknd有時間可以同老公(唔帶細路)去街relax下? 可以趁呢個時候大家傾下, 互相提點下, 互相關心, 增進了解

私人傳訊

minnelli


大宅

積分: 1382


3#
發表於 08-4-9 19:31 |只看該作者
同樣地，我開始時都好容易發脾氣，尤其發老公（同奶奶）脾氣，老公又會發番我脾氣，有時去到個位，問自己做mud鬼為佢生BB呢。

但係之後我地開始留意點解會發脾氣，同留意發完脾氣後遺症，如BB會唔開心，亦怕BB會好似我地兩個咁情緒化。

大家都有心想解決問題後，會花多左時間聽對方講心理感受，為對方分析吓，同真係take time off baby and off work, 兩個人去旅行（如舊年去左16日東歐backpack，因為係backpack，兩個人要一齊面對好多野，好好架）咁囉。

不過人人唔同，真係要先明白點解自己會有咁反應，下次唔係咁，又得唔得呢。我自己發覺最重要係唔好太自我中心，要發脾氣前，先深呼吸，再從唔同角度去睇件事，都幾得意架。

When really tired 時都好容易發脾氣，唔好俾自己too tired, 一定要先physically照顧好自己！

深呼吸好有用架，試吓！加油！

在愛中成長，才懂愛別人！成長短片  成長拾趣
私人傳訊

Kaling


大宅

積分: 3584


4#
發表於 08-4-9 22:28 |只看該作者
我最近都成日發脾氣, 因我全職湊仔, 有好多時間對住個仔, 個仔越大越naught, 又成日扭計唔肯食飯, 真係比佢激死, 有時激氣得滯都試過打佢...打完又覺得好慘...我有時都會問自己做mud要生仔, 為左個仔唔做野, 無野做, 無錢洗, 無得扮靚..身形走晒樣..生果時已經痛得死去活來, 生完又比佢不斷挑戰eq極限..有時心情真係好差..

生完更加覺得自己係一個無耐性的人, 不過唔生都生左, 我都想佢有個開心快樂童年, 永遠都記得爸爸媽媽對佢的愛護照顧..希望大家一齊努力做個好父母..

私人傳訊

車莉


大宅

積分: 4684


5#
發表於 08-4-9 23:39 |只看該作者
我qq咪又係激到我cc下, 而家叫佢食飯真係好困難, 食2口又話飽飽走左去, 成日唔聽人講, 响私家車上都四圍"娟", 今日我好大力打佢手打到紅晒, 係有d內疚, 不過我真係好嬲. 早上返pg人人坐定定佢就周圍走, 最後我又"meet"佢 pet pet, 其實係有好多解決方法, 但嬲果下真係好難頂.

不過qq好多時都好乖, 又錫妹妹, 又會教佢講唔該, 收玩具, 安撫妹妹, 教佢爬爬, 行路. 唸落她都是一個好孩子, 加上她的笑聲, 其實我應該檢討下. Vinell, 多謝妳post出0黎, 我又係時間要tune下自己D情緒. 多謝!
私人傳訊

LittlePigmom


男爵府

積分: 5667


6#
發表於 08-4-10 10:05 |只看該作者
我又係, 呢排情緒極差.
一個就反轉屋企, 一個又扭計. 真係想死. 你地都有老公發洩下, 我老公成日係大陸做野, 我就好似一個人面對晒d野, 好upset. 呢排一喊就收唔到. 想請工人, 大仔又極反對, 都唔知點.
私人傳訊

mrsmcdull


男爵府

積分: 7403


7#
發表於 08-4-10 11:51 |只看該作者
Vinell,

其實我都有情緒既，唔好睇到以為我地一家好完美，家家有本難唸的經嘛，而且人人性格唔一樣，最緊要係搵到令自己舒服既方法。

我比較幸運係有個好媽媽，毛婆婆對住小朋友係完全冇睥氣既 (佢只會對住毛公公發 :;pppp: )，所以好多時我同毛爸管教毛毛有D失控時，都要婆婆幫一把。 而相對地，毛毛對住毛婆真係會乖好多好多，我都冇辦法。

舉個例，最近毛毛成日好多主見，又話我想...我唔想...我鐘意咁...我唔鐘意咁....總之就同你作對。 有時我都好激氣，呢排生完眼淺D，仲會喊添。 通常呢D情況我地兩公婆都唔知點處理，不過有時就會毛爸出口，如果佢太嬲，又會俾佢停下，到我出口咁，輪住來唔好俾自己單拖對住個發脾氣既小朋友太耐，因為一過得耐大人就好易失控。 不過當然如果成日要自己一個湊，就真係一個大考驗，唔係個個都咁高eq...。 另外就係關於家庭角色既分工，我覺得每個人係屋企都有一個角色，例如我係專責煮飯湊女，毛爸就同個女玩加其他屋企大事都係佢自己攪掂...如果兩公婆有共識，所有事都會易解決一 D，自己亦會擔當得好D，唔會成日嫌棄對方做得不夠/不好。

我就好少同毛爸拍拖，通常一有時間都係一家人一齊，最多係放工時一齊係街食飯咁。 我地比較鐘意放假時俾毛毛同其他朋友仔一齊玩，一來我地大人可以傾下，唔駛成日困獸鬥，另外小朋友之間也可建立下友誼，又可亙相學習一下咁。

大家亙勉之。
[size=x-large]0601 Family
私人傳訊

rebeccachor


大宅

積分: 1248


8#
發表於 08-4-10 15:54 |只看該作者
原來大家都會咁...其實我都係一個好容易發皮氣既人, 又好性急, 有咩都要在我掌握當中, 自己又好容易緊張, 好似有時一家人出街就會好驚唔記得帶嘢, 一定要一早執好哂, 如果到時太趕我就會好"忟" 架啦, 但有時邊有咁多嘢可以在掌握當中呀, 由其係小朋友...唉~

雖然我有工人, 但因為我老公要返shift, 所以好多時晚上都係得我同工人對住兩個bb, 工人做嘢又做得唔係太快, 有時食完飯8點幾, 佢洗碗都要洗到成10點...咁我就只好先同妹妹沖涼, 咁家姐就一齊入去玩水囉 (有時玩到成身濕哂架~) 妹妹沖完, 如果工人攪掂廚房可以睇住妹妹, 咁我就同曈曈沖涼, 如工人沖未得, 有時家姐又玩水玩到成身濕哂, 咁我就只好放妹妹在地墊上玩, 嗱嗱聲幫家姐沖, 但家姐又要玩水, 唔肯走, 有時真係好心急架...

有時工人放假, 老公又要返工就仲麻煩, 一對二, 妹妹現在跟開工人, 佢會蝦我, 眼訓又唔肯訓, 一放落床就喊, 真係激到你死, 我都有試過好多次發妹妹皮氣, 有時家姐曳又會發家姐皮氣, 但到頭來自己又會內疚, 所以我都要學習有耐性, 成日同自己講唔好嬲住, 要平心靜氣~

我依家會找機會放工後同朋友去下街, 食下飯, 不過都係一個月一兩次, 出去行完真係精神哂架, 透透氣嘛~
私人傳訊

Vinell


別墅

積分: 845


9#
發表於 08-4-10 17:39 |只看該作者
生完BB後便缺少私人時間和空間,我媽媽成日提住我已經係媽媽,要多點親親孩子(我和媽媽又唔放心比呢個姐姐湊),所以一下班媽媽便要我自己主力照顧孩子,偶而出街吃晚飯都滾水(碌)腳,時時收到追魂call..成日都要趕趕趕出下街都有壓力,有時覺得長期好似作戰狀態,弄得大家都認為對方做得唔夠好. 我真係應該認真分下工, 聽大家講完都覺得我要劃出個大家都有break的時間表, 希望可以大家都放鬆一點,少點磨擦.


其實我都係自覺控制不了場面便對小朋友先下手為強.有時見到其他媽媽好叻,自己咁渣,又會覺得自己做唔到好媽媽. 看到LittlePigmom一人湊兩個無幫手仲辛苦,大家都有難處.



可以在這裡傾下真係好好多, 多謝大家, 我先知我們都要面對類似的問題和謝謝你們share自己的經驗和解決方法!
私人傳訊

dora611


大宅

積分: 3277


10#
發表於 08-4-10 18:36 |只看該作者
我通常星期六or 日會將小b送回外家一day, 自已有時間去relax 下, body and foot massage / swimming ….etc.
平日夜晚8-11pm也對住琳琳, 通常我與老公一齊跟她玩, 睇無字圖書, 玩水...etc.
而我們又一齊同一公司, 一齊出門, 一早便開始review 琳琳昨天晚上之表現, 我有何不對的地方...而放工時又會想想今晚跟她玩what...我老公成日說, 要教好小b好易, 教我最難

[ 本文章最後由 dora611 於 08-4-10 23:49 編輯 ]
私人傳訊

南瓜


大宅

積分: 1698


11#
發表於 08-4-10 19:44 |只看該作者
我都想分享下......

我係在職媽媽,放工後就全程湊豆豆.我無再請工人,因為已經怕怕.
我全權負責豆豆的一切.爸爸比較晚歸,所以我根本無自己的時間.對住個女,又做家務,工作又時時帶返屋企做,遇上豆豆扭計,間中我都快要發癲......好彩爸爸好明白,會幫手做下家務,湊下豆豆.

邊有人一生出就識做父母?我未有豆豆前,已經同自己講:帶BB來這世界是要BB&我學識愛/被愛,學習無條件付出.我吾知我做吾做到,盡力~耐性係培養出來,這是我的經驗.當我了解到我就算點發癲都不能解決問題,甚至更糟,因為自己的情緒會被BB的惡行主導,惡性循環由此起.我會深呼吸,定一定神先對付隻怪獸!習慣了就無咁好快COOL DOWN. 我好享受同個女一齊,去邊都帶住呀女,可能我平日返工,少時間對她.扭計係小朋友的專利,怪獸係他們的真面目!

共勉之


原文章由 Vinell 於 08-4-10 17:39 發表
生完BB後便缺少私人時間和空間,我媽媽成日提住我已經係媽媽,要多點親親孩子(我和媽媽又唔放心比呢個姐姐湊),所以一下班媽媽便要我自己主力照顧孩子,偶而出街吃晚飯都滾水(碌)腳,時時收到追魂call..成日都要趕趕趕出 ...
私人傳訊

panala


伯爵府

積分: 16451

好媽媽勳章 醒目開學勳章 環保接龍勳章


12#
發表於 08-4-10 23:08 |只看該作者
原來好多媽咪都要相似經驗...

我係半年前度又係成日俾個女激親發脾氣, 發到我同我老公都覺得我有d痴痴地, 新工人仲有d驚tim..好彩後尾自己唔理個B, 俾工人湊都俾番多d時間自己, 先至冇事...

雖然期間理少咗個B, 但我亦乘機睇多d育兒書, 上網睇下嘢, 同人傾下, 搜集info等等, 到心情平靜後, 再湊番個B, 又試下期間學番黎嘅方法, 又OK喎, 依家耐性好咗, 全部人都開心咗...good

當然仲要失去耐性嘅時候la!大家一齊再努力吧!
私人傳訊

TSZYUI


男爵府

積分: 8555


13#
發表於 08-4-11 01:00 |只看該作者
我除左對哥哥同妹妹有耐性外，對其他人就冇乜la！
又其我老公，所以佢成日話我發癲....
仲知關付兩兄妹嘅野，一唔順或比人攪亂的話就文架la！
不過唸深一層係得我一個知佢兩兄妹嘅生活習慣，
其他人緊係唔可以做到我咁la.....
不過有時会好嬲個老公幫唔到手，嬲佢靜係掛住做嘢，
嬲佢返工時間太長(佢自已编)，攪到太攰off成日瞓覺
嬲佢緊張公司多過我哋，叫佢決定嘢永遠慢半拍(公司嘢又唔会)
唉.....不過總好過唔上進又唔顧家ga！
私人傳訊

LittlePigmom


男爵府

積分: 5667


14#
發表於 08-4-11 10:21 |只看該作者
ha..ha..
我老公都係, 工作既野就上心, 睇一陣仔女又話辛苦.
算啦, 佢無事業心就係死既.


原文章由 TSZYUI 於 08-4-11 01:00 發表
我除左對哥哥同妹妹有耐性外，對其他人就冇乜la！
又其我老公，所以佢成日話我發癲....
仲知關付兩兄妹嘅野，一唔順或比人攪亂的話就文架la！
不過唸深一層係得我一個知佢兩兄妹嘅生活習慣，
其他人緊係唔可以做到我咁la.....
不 ...
私人傳訊

jp123


複式洋房

積分: 205


15#
發表於 08-4-11 11:29 |只看該作者
唉!! 呢排我都係比屋企搞到痴咗線.....奶奶剛做完大手術, 跟住就要化療, 電療....一大堆, 佢心情大家可以想像到....但奶奶平時對我們盡心盡力, 照顧懿懿無微不致, 我們希望能夠幫她克服難關!!

當然, 懿懿有著大部份小朋友一樣的情況, 扭計, 發脾氣, 哭鬧, 打人......爸爸有時都會timeout 佢, 萬試萬靈!!
但佢一見到我就特別扭計, "蝦"我, 爸爸就會哦我不夠硬:;pppp: 比佢食住!! 平時, 我工作好忙, 當然希望珍惜晚上的兩個小時, 所以都不太計較!! 佢對住工人姐姐就好乖, 姐姐都好"錫"佢!!

小孩一天一天長大, 過了這半年就好好多, 希望大家抱著耐心, 她們是感受到的!!

ps. 我老公都係返shift, 有時我自己湊 (星期日或工人陪奶奶覆診), 唯有去親戚朋友到, 幫下手分擔下!! 有時帶返公司比同事湊!! 總有方法o架!!

ps. 我平時返工都係忙到死, 晚上等懿懿睡著先再覆e-mail, 大家要體諒!! 做唔晒d嘢會睡不著的!!
Charlotte



Baby
私人傳訊

rebeccachor


大宅

積分: 1248


16#
發表於 08-4-11 11:42 |只看該作者
我都成日嬲我老公, 因為佢成日見我揍佢地兩個就意見多多, 又話要咁, 又話要咁, 但佢只係齋講, 又唔做...佢就話我唔肯聽人意見! 本來對住兩隻小鬼怪已經火火地, 但都按得住, 如佢再出聲我就真係會發火啦~


原文章由 LittlePigmom 於 08-4-11 10:21 發表
ha..ha..
我老公都係, 工作既野就上心, 睇一陣仔女又話辛苦.
算啦, 佢無事業心就係死既.
私人傳訊

zzerong626


大宅

積分: 2736


17#
發表於 08-4-12 00:07 |只看該作者
係到聽到大家的心聲, 真係好想發下驢so.....

我都自問對住囝囝係完全冇睥氣, 最多咪ignore 下佢, 打下手仔.
講起BB好有主見, 唉! 就係呢期越來越有主見, 要你坐/企呢度, 要你咁咁咁... 攪到被人話我仲壞佢, 最近又多左d 難題,囝囝一向都好痴我, 依家開始痴姐姐, 但一見到我就要抱抱; 攪到每次要人抱住去玩, 到左要玩的地方才落地, 好似traffic 唔關佢事...... woo... 後來有人教我一朝~~[媽媽抱一陣, bb行一陣] work 左一排, 以為掂晒! 點知自己衰多口, 同姑媽講左呢個心得之後, 宗熹聽到, 以後每次用呢朝, 宗熹就同我講: 媽媽抱多陣!!! 死未!
打回原形, 令我腰背腳又痛....
最近, 才問到人用第二朝, 再試下先！
就係心腸唔夠硬, 但囝囝就皮氣好.所以唔難揍．
針無兩頭利! 要平衡到又少脾氣, 又管教得好, 又無家庭磨擦, 真係超人都做唔到!

因此, 好怕生第二個, 到時我未必可以做到心平氣和! 如果我一分心, 一定做得唔好, 會越來越內疚.... 等等. 所以生左第二個的媽媽, 我向你地致敬!

不過我無皮氣，原來可以令到家庭，少d 爭執，只要少影響到別人，或帶開心給別人才會有被愛的感覺．

有個問題, 大家都面對著的, 究竟親親孩子緊要定係私人空間緊要呢 ? 點平衡？真係一門學問，就算有得羅碩士都未必做得到好！盡力吧！盡力無條件付出吧！

共勉之
My blog
私人傳訊

南瓜


大宅

積分: 1698


18#
發表於 08-4-12 15:43 |只看該作者
zero,
見到你的分享,忍吾住又想講下
其實豆豆都係好多要求,好似話抱要這要那,有時仲喊曬.如果吾係好扭,我會轉移視線:毛毛(怪獸公司)好乖識自己行路,你乖吾乖?/嘩!前面有pingu,咁得意,我地行快d去找找/講下第二d野......
真係吾得,就先講話行到去xx(bb認得的地方)先抱.有時我隻手痛,直接講比豆豆知話媽媽手痛(面部表情要夠逼真)吾抱住.
我同你一樣,得一個,自然會就下個女.如果係玩遊戲,就由得呀女話事,其他野我係吾會讓步(盡量).如果bb扭曬計話要xx,我會叫她安靜地告訴我,然後我話:你係吾係要xx?我知你要xx,但係我地要做完yy(活動)先得.然後,通常發癲的豆豆會繼續發癲,我不停話:做完yy先得,跟住就轉移視,使她忘記之前的無理要求.試過幾次,就知媽媽吾會就.我吾知咁好吾好,暫時用住呢幾招先.

親親孩子?私人時間?
我無乜自人時間(除了工作),不過,我個女會自己玩,坐定定玩個幾鐘,呢個時候我會做公司野/家務,做曬就有少少free time.因為豆豆已經返學,如果我個日day off,就可以free好多.不過咁耐,我試過2-3次.其實小朋友都要學下自己單獨玩下,係咪?平衡?真係好難,我做人做左咁耐仲學緊!

原文章由 zzerong626 於 08-4-12 00:07 發表
係到聽到大家的心聲, 真係好想發下驢so.....

我都自問對住囝囝係完全冇睥氣, 最多咪ignore 下佢, 打下手仔.
講起BB好有主見, 唉! 就係呢期越來越有主見, 要你坐/企呢度, 要你咁咁咁... 攪到被人話我仲壞佢, 最近又 ...
私人傳訊

zzerong626


大宅

積分: 2736


19#
發表於 08-4-14 23:53 |只看該作者
南瓜

好耐無見!
關於抱抱,最近的第二朝好掂~~想同大家分享下

因為我一向用開個腰包形的咩帶, 叫做sit sit.
我同宗熹講sit sit 爛左,跟住佢仍然要抱,我一樣照抱,但唔行,話佢知宗熹大個左好多, 重左, 抱住走唔到, 佢會唸一陣就落地自己行, 有時會自言自語禁講有sit sit 就行得架la.
hehe ....又過關! 依家我真好開心, 開始左幾日都好work... 如果幾星期都work 算是介左抱. 希望得啦!

其他媽咪可能無呢個問題, 但我就頭癢C. 唉! 好在有時識到大家,可以申下, 開懷下. 呢朝都係bk媽咪教我架!
My blog
私人傳訊

ckbee


大宅

積分: 1629


20#
發表於 08-4-16 00:04 |只看該作者
我係0602媽咪,大家的bb都只係差一個月,所以都有留意前後月份的topic,希望响呢度發言,大家不會介意.
我係全職湊囝囝的,生完都係好冇耐性.尤其囝囝在食同sleep方面真係好唔理想.加上我一手做晒家務,湊囝,同個仔玩 .....(基本上可以講我老公係好傳統的男人,事業心好強,十足十幾豐建年代嗰種,同佢好大男人),所以真係有suffocate 的感覺
以前我個囝一唔聽話,eg 唔肯食野,唔肯瞓,我會lost control 咁發脾氣,話個囝,好似個deen婆咁,但之後又好後悔,後來我睇過一篇文章,講到小朋友都係copy大人的,如果你可以在你好angry時控制你的情緒,小朋友所學到的係how to control your temper.而唔係發脾氣
我心諗,小朋友而家都係細,係學緊野的stage,我地做大人真係要比個好好的榜樣,佢係一個個體,唔係我的玩具,佢有自己的思想,有佢的要求,我地要開心致arm,因佢己開始成長呀!所以先會有咁多野同我地要求唔同,反而如果我可以遁遁善誘咁引導佢,佢先可以正面同健康咁成長.
就係呢兩個理念,令到我收歛左脾氣,希望大家可以努力啦! 大家一起教出一個great kids!
私人傳訊


首頁
12

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見