想生BB

收藏本版
發帖
返回列表
跳至頁

首頁
1234

尾頁
   0
Joeff


男爵府

積分: 7422


1#
發表於 08-4-17 10:55 |只看該作者
我同我老公可以話一見鍾情,佢大我六年半,為人老實、孝順、有愛心,最重要係佢好愛錫我同埋唔介意我患有紅斑狼瘡（ＳＬＥ）。我地識咗半年就結婚！我知佢好鍾意小朋友，但係我地婚前檢查時家計會就勸我地唔好要,因為懷孕對我個病可以有好大影響。當時我無放係心上,因為我得個２３歲,邊有咁快諗到呢個問題。不過我知我老公點都有Ｄ失望,但係佢話佢要大唔要細喎！
２００５年一次例行婦科檢查,我心血來潮叫醫生寫紙俾我驗血,佢當時都問我點解,我話唔知,淨係覺得我有嘢唔妥。點知佢第日急ＣＡＬＬ我,叫我去佢診所攞份報告入急症室,佢話我有佢話我有泛血球低下症,血色素得6.3(Borderline 11)，白血球2.2(Borderline 4.0),血小板64(Borderline 150)，如果唔入醫院好危檢！我當時嚇一跳，但係自己又行得走得，咪即刻叫埋我醫生妹夫出嚟俾多個專業意見囉。佢一見到個報告都同意個醫生講法,仲叫我去政府,因為手尾可能好長！結果入咗ＰＷＨ,急症室Ｄ姑娘都即刻收咗我入院,不過佢話可能搞錯,因為揸住咁嘅報告應該係攤咗响張床度,唔會好似我咁可以四圍走。結果入院再驗多次血,發覺仲慢慢跌緊。個醫生同我講要同我抽骨髓，可能係地貧,可能係原因不明，最Worst係血癌。當時我好平靜,响度諗,我仲有兩個月就三十歲，都叫做開開心心，就算依家死,唯一嘅遺憾或者就係無小朋友啫！抽完骨髓之後輸咗三包血，終於出現翻應有嘅症狀,就係虛弱到落唔床。當日入院時由於內科無位,我轉咗去婦科房，到我開始好番Ｄ,我就同周圍Ｄ八吓.佢地有Ｄ入嚟刮宮,有人割子宮，有一個係做咗ＩＶＦ，陀住三胞胎５個月，因為有Ｄ見紅,所以入咗嚟.有睌,佢流咗一地血,我迷迷糊糊聽到佢求個醫生點都要同佢保住最少一個。我响到諗,點解有Ｄ人可以輕輕鬆鬆刮宮,有人就死都要保住ＢＢ,我當時唔明,因為無經歷過！之後我Ｄ血小板跌到去２８，可以無端白事流牙血同鼻血,要食類固醇（不過治療過程太痛苦,唔想再提起！）最後佢地話我個ＣＡＳＥ係原因不明,就算我表明我响加拿大驗到有ＳＬＥ,佢地都話我唔似係,之後轉介咗我去睇血液科，內科同婦科（因為我經血過多,可能係導致我咁低！
唔知係唔係天意，我睇婦科嗰陣佢問我結咗婚幾多年同有無小朋友,我地話結咗六年幾不過無小朋友。佢就問我地有無避孕，我地話無特別、順期自然。佢就問我地會唔會想睇生育輔導科，但係要考慮清楚,因為好多人排唔好嘥咗個位。可能係ＴＩＭＩＮＧ問題，我啱啱死過返生,係時候要諗諗呢個問題，咁就請佢轉介,點知原來一排就要排到一年後．．．
第一次睇生育輔導感覺好差，佢話我有ＳＬＥ,係高風險懷孕，可能又影响大又影响個細,叫我地都係諗清楚先喎，再講我地都唔算做不育,因為我地都無連續認認真做功課兩年而又無ＢＢ，吓？七年無避都無都唔係不育,我無嘢講！不過佢都安排我做咗一連串化驗，叫我地自己再努力試吓，半年後覆診！其間我地又問內科我可唔可以生仔,佢地話只要唔係病發期就可以,仲話婦科係比較謹慎！半年後,化驗結果係我老公Ｄ蟲唔夠同埋形態唔好,而我就一切正常。不過今次遇到個好醫生,佢話我就算有ＳＬＥ,我老公唔夠數,其實都唔係話可以有ＢＢ同埋自然成孕，仲叫我地唔好氣餒,半年後再覆診！我地又重撚希望，又再開工！好彩我一路無病發,少咗一份固慮！可惜半年後又遇返第一次嗰個醫生,佢又嚇我話我唔知有個咩抗體，將來個ＢＢ會有機會心律不正，嚇到我地立刻想縮沙,自己身體差都唔想連累下一代！（之後內科又話機會好微，千份之一！）如是者,又半年！可能我太ＦＯＣUS响生ＢＢ度,又買排卵棒，又計呢樣計嗰樣,攪到自己神經緊張。次次Ｍ嚟都哭崩長城；有時又有假懷孕症狀又急急去買驗孕棒，結果緊係又喊啦,攪到我老公都要安慰我好耐！其實我老公仲慘,一方面佢又想有ＢＢ,一方面佢又驚我身體承受唔到懷孕嘅重担,終於攪到「男人最痛」！呢個時候又要睇生育輔導,我入房之前就祈禱唔好見到我之前個醫生。好彩我見返第二次個好醫生，我一發不可收拾同佢講我地呢年幾兩年嘅日子,一時話生得,一時又話好高風險,我以為自己去錯咗家計會叫人唔好生添！佢好ＮＩＣＥ咁話之前個醫生只不過清楚了解我將要面對嘅風險啫，我明,不過語氣可以好Ｄ,唔駛攪到我地兩公婆嘅心情好似笨豬跳咁！終於聽到佢話,既然你地努力咗咁耐都唔得,我就寫紙俾你地去排期啦！我地即刻呼咗一口氣！可能你地會覺得點解我地唔睇私家呢？因為我老公覺得我响ＰＷＨ睇緊ＳＬＥ,佢地可以一齊跟進我個,事實上又真係咁！
２００８年２月,去咗聽講座同排期，但係佢話我地只可以做最簡單嗰隻ＩUＩ,因為我食排卵藥可能會誘發我嗰病,所以只可以抽我老公比較好嘅蟲蟲响我排卵期放入去，機會率當然又低Ｄ啦！經過一番商議,我地決定排公家症２００８年８月,仲要一次過。如果天意係要無嘅話,我地不如接受現實，其實我地兩公婆唔係一直都生活得好開心咩,鍾意就去買嘢食嘢，得閒仲煮飯仔飲紅酒，一年仲可以去吓旅行,可苦要逼得自己太緊呢？
本來好地地,點知嗰晚我嗰妹同我講佢有咗，佢仲問我點解我唔早Ｄ生,因為佢唔想佢嗰個做大喎！我真係無嘢好講，你估我想㗎？！一下子Ｄ心情又跌到落谷底，唔通我要生個ＢＢ就要一波多折？好衰唔衰嗰陣又有Ｄ假懷孕症狀,Ｍ遲咗幾日,以為個天終於憐憫我...最後支驗孕棒當然係﹣ＶＥ啦，呢次連我老公都忍唔住喊！過咗幾日,我安排咗個家庭聚會，我個妹同我講佢會宣佈佢嘅喜訊,我嗰一刻我無嘢。到咗嗰日，我一起身就無緣無故咁不停喊,喊到虛脫，又嘔,又發燒,又頭痛，仲不斷咁同我老公講唔想返工,因為我唔想見到任何人。終於我都無出席到個聚會。第日，我Daddy問我知唔知我個妹有咗，仲問我地有無打算。我一聽又喊，將我之前Ｄ經歷講哂俾佢聽。佢話佢都估到有Ｄ嘢，本來呢Ｄ嘢應該Mommy同我講,但係佢去咗旅行,唯有佢同我講，佢話雖然佢好想抱孫,但係如果個女同個孫,佢一定要個女。佢仲叫我養好身子,等８月睇吓有無機會，如果盡咗力都無就算,唔好俾咁大壓力就算.我聽完之後又喊，我怪算己三十幾歲都仲要佢擔心！
之後個禮拜都好似行屍走肉咁，我有個都想生ＢＢ嘅朋友叫我陪佢睇中醫,我本來都無心情去,但係我老公叫我去睇,仲話陪我一齊睇,話一齊養好身子等８月。我見佢都咁積極,我無埋由唔去㗎。結果佢話我地兩個身體都好差,要調理吓！要戒好多嘢食,仲要早Ｄ瞓！之後仲開咗３日藥！我地食完覺得幾好咪ＫＥＥＰ住睇囉！一路睇咗三個禮拜,我老公話我心情好咗面色又好咗,最重要係我地生活習慣正常番,同埋嗰方面無哂壓力好ＥＮＪＯＹ添！
不過三個禮拜後我突然發高燒，Ｄ手指關節又腫又痛,我擔心我又病發...點知我食咗抗生素都ＫＥＥＰ住高温咗５日，Ｍ又遲咗,我居然又痴咗走去買驗孕棒,我今次唔敢俾我老公知。當我拆開個包裝嘅時候,我有小小啡紅色嘅分泌,我個心即刻諗：今次又嘥錢！不過都照驗啦，點知,好快就見到個＋！我唔敢叫,淨係叫我個老公兩分鐘之後入嚟。佢一入嚟，我就俾佢睇仲問佢究竟係唔係真，佢居然話：你唔係有好多嘅咩,再驗多次囉！？？激死,原來佢以為我個支係驗排卵。當佢知道我係有咗嘅時候,我地都無出聲，只係攬埋一齊,一切都盡在不言中！
我依家７ＷＥＥＫＳ喇！雖然個中醫話我個胎好弱，Ｄ早孕反應又令我好辛苦。再加上之前西醫話如果我身體如果承受唔到,就要終止懷孕。要但我仍然堅持食Ｄ有營養嘅嘢，食安胎藥（有時食到嘔返出嚟再食！）休息多Ｄ（不過周身骨痛）盡量保持心情開朗！起碼我都盡哂力，對自己無悔無憾啦！
我寫咗咁多嘢,無非想講有Ｄ嘢我地真係控制唔到。當你好努力嘅時候可能會徒努無功；但每每你想放手嘅時候，奇蹟就會出現！

[ 本文章最後由 Joeff 於 08-4-28 11:51 編輯 ]
私人傳訊

tvkittymama


大宅

積分: 1352


2#
發表於 08-4-17 11:38 |只看該作者
To: Joeff

Thank you for your sharing!
You're so brave. Cheer up!
Take rest and keep your body more strong and healthy.
私人傳訊

BOBOWIN


別墅

積分: 731


3#
發表於 08-4-17 11:54 |只看該作者
恭喜你呀!
我都係靠睇中醫先有bb, 我都睇咗睇生育科一年, 發現無效先轉睇中醫。朋友介紹, 好多人搵佢睇生bb, 我睇咗五個月就有咗。
你要好好保重, 食多d瞓多d,開開心心等bb出世。
祝你生個肥肥白白健健康康的baby, 一家三口快快樂樂!
私人傳訊

Wishhavebb


大宅

積分: 2471


4#
發表於 08-4-17 11:56 |只看該作者
原文章由 Joeff 於 08-4-17 10:55 發表
我同我老公可以話一見鍾情,佢大我六年半,為人老實、孝順、有愛心,最重要係佢好愛錫我同埋唔介意我患有紅斑狼瘡（ＳＬＥ）。我地識咗半年就結婚！我知佢好鍾意小朋友，但係我地婚前檢查時家計會就勸我地唔好要,因為懷孕對我個病可以 ...



好多謝你的分享, 你而家要多點休息, 如果可以, 叫醫生開多d病假俾你, 你要休息多d !! 訓多d覺 !! 食葉酸同安胎既野 !!!! 唔好諗太多 !!!! 努力 !!!!!! 祝你生個肥肥白白既bb !!! 母子(女)平安 !!一切順順利利 !!!!!

私人傳訊

arale1668


珍珠宮

積分: 43424

畀面勳章


5#
發表於 08-4-17 11:59 |只看該作者
謝謝你的分享...
要小心身體,好好休息...唔好咁操勞..好好安胎呀!!!!
私人傳訊

auntieprawn


複式洋房

積分: 231


6#
發表於 08-4-17 12:02 |只看該作者

回覆 #1 tvkittymama 的文章

Joeff,

Your experience is very touching, we always support you. Take more rest and be happy.
私人傳訊

朕


大宅

積分: 4049

好媽媽勳章


7#
發表於 08-4-17 12:04 |只看該作者
你要好好保重身體吖!!
加油,小b都會同你一齊努力吖!!!
私人傳訊

KR0101


等待驗證會員

積分: 2878


8#
發表於 08-4-17 12:14 |只看該作者
很同情你的經歷
紅斑狼瘡是一種會致命的疾病
我朋友也是這樣
最終找神醫才醫得好
恭喜你啊
私人傳訊

cherrymami


洋房

積分: 327


9#
發表於 08-4-17 12:14 |只看該作者
樓主要努力呀,唔好放棄,多d休息,食多d野,bk既姊妹會支持你,最重要係bb都會同你一起努力既
私人傳訊

baby_fung


複式洋房

積分: 371


10#
發表於 08-4-17 12:17 |只看該作者
Joeff, 我好感動呀, 一路睇一路想喊, 因為太開心聽倒你終於有自己既bb, 真係得來不易...你要好好保重, 要笑多d, 你地大細都一定會好健康架!
私人傳訊

miffymiffy


瑪瑙宮

積分: 131672

好媽媽勳章 醒目開學勳章 畀面勳章 環保接龍勳章 親子達人勳章 BK Milk勳章


11#
發表於 08-4-17 12:23 |只看該作者
恭喜你呀

你同BB要加油呀~~
私人傳訊

MagicQoo


大宅

積分: 4216


12#
發表於 08-4-17 12:48 |只看該作者
Joeff,

睇到妳嘅辛苦經歷, 去到最後到妳驗到bingo嗰刻, 我真的好激動, 感動到流左幾滴眼淚添!
恭喜妳最終能夠排除萬難, 成功懷孕, 祝妳BB健健康康成長!
私人傳訊

sliwh


大宅

積分: 3751


13#
發表於 08-4-17 13:12 |只看該作者
Thanks for your sharing, i am so happy to hear your good news!! Pls take good care of yourself and bb.
私人傳訊

wohwoh


男爵府

積分: 8322


14#
發表於 08-4-17 13:18 |只看該作者
妳既經歷好令人感動呀。 妳同老公都好勇敢好堅強，恭喜你地終於有回報，我相信呢份福氣會永遠跟住你地。小心身體，多 D 休息，一齊同小 B 努力，一定無問題！加油！:)
私人傳訊

babyling


大宅

積分: 1345


15#
發表於 08-4-17 13:37 |只看該作者
原文章由 Joeff 於 08-4-17 10:55 發表
我同我老公可以話一見鍾情,佢大我六年半,為人老實、孝順、有愛心,最重要係佢好愛錫我同埋唔介意我患有紅斑狼瘡（ＳＬＥ）。我地識咗半年就結婚！我知佢好鍾意小朋友，但係我地婚前檢查時家計會就勸我地唔好要,因為懷孕對我個病可以 ...


真的好感動...希望一切順利, BB健康愉快...God bless you!

babyling
私人傳訊

飯島寶


複式洋房

積分: 336


16#
發表於 08-4-17 13:37 |只看該作者
Joeff,
恭喜晒呀
要小心身體呀
私人傳訊

kanas526


大宅

積分: 1639


17#
發表於 08-4-17 13:44 |只看該作者
Hi joeff:

恭喜哂呀! 祝妳同埋BB都健健康康
私人傳訊

skywing


複式洋房

積分: 186


18#
發表於 08-4-17 13:45 |只看該作者
原文章由 Joeff 於 08-4-17 10:55 發表
我同我老公可以話一見鍾情,佢大我六年半,為人老實、孝順、有愛心,最重要係佢好愛錫我同埋唔介意我患有紅斑狼瘡（ＳＬＥ）。我地識咗半年就結婚！我知佢好鍾意小朋友，但係我地婚前檢查時家計會就勸我地唔好要,因為懷孕對我個病可以 ...

恭喜你.聽你有左真係好開心.好 感動
祝:生個健康快樂小可愛
一家三口快樂
私人傳訊

lifeasapig


複式洋房

積分: 348


19#
發表於 08-4-17 13:57 |只看該作者
add oil, sleep tight, and take care.

wish you and you family all the best.
私人傳訊

kanas526


大宅

積分: 1639


20#
發表於 08-4-17 14:07 |只看該作者
我以前都諗住去睇佢，就係知道佢D脾氣咁衰至唔去。
佢呢種人簡直不知所為
私人傳訊


首頁
1234

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見