吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 醫護健康› 長者插胃喉

醫護健康今日: 8|主題: 7293

收藏本版

發帖

返回列表

跳至頁

查看: 32623 | 回覆: 29

[長者] 長者插胃喉 [複製鏈接]

kimmimamama

民房

積分: 15

1^#

發表於 14-12-28 00:03 |只看該作者 |倒序瀏覽 |打印

家中長者有吞嚥困難，已住院個多月，醫生建議插胃喉, 但年屆90, 家人都不想他晚年插住胃喉辛苦度過, 亦聽聞插胃喉後通常捱不到半年. 大家有何建議或經驗可分享嗎？

0 0 0

私人傳訊

sunev

侯爵府

積分: 20285

2^#

發表於 14-12-30 21:32 |只看該作者

回覆 kimmimamama 的帖子

唔好插胃喉，老人家好痛苦。每天家人送糊粥，慢慢喂長者食，慢慢來，遲d會好返。插喉，只是方便e生姑姑做嘢，慳水悭力。仲有，插咗喉，喉部就冇咗嚥吞能力，以後更難復原。長者唔同後生，重新train，談何容易？e+咩情況呢？
祝早日康復

私人傳訊

sunev

侯爵府

積分: 20285

3^#

發表於 14-12-30 21:34 |只看該作者

姑姑更正：姑娘，

私人傳訊

rachel_ching

水晶宮

積分: 68291

4^#

發表於 14-12-30 22:03 |只看該作者

引用：回覆 kimmimamama 的帖子唔好插胃喉，老人

原帖由 sunev 於 14-12-30 發表
回覆 kimmimamama 的帖子

唔好插胃喉，老人家好痛苦。每天家人送糊粥，慢慢喂長者食，慢慢來，遲d會好返。 ...

Totally agree...唔好插喉

私人傳訊

aprilcss

洋房

積分: 49

5^#

發表於 15-1-2 09:14 |只看該作者

回覆：長者插胃喉

樓主你要諗清楚

插胃喉係將營養奶水直接入胃
以維持長者生命

但若長者持續有吞嚥困難
只要一次，一次因食物落錯格，便會入到肺部引發肺炎。
而食野少既長者。一般身體比較虛弱，唔夠抵抗力去打贏肺炎，結果西醫方法都係用抗生素...如此類推。
你考慮清楚，邊d 方法對位長者係最好吧

私人傳訊

PoohNose1

大宅

積分: 4894

6^#

發表於 15-1-2 11:57 |只看該作者

sunev 發表於 14-12-30 21:32
回覆 kimmimamama 的帖子

唔好插胃喉，老人家好痛苦。每天家人送糊粥，慢慢喂長者食，慢慢來，遲d會好返。 ...

非常同意. 千祈唔好插胃喉. 連醫護人士私下也不同意. 我家老人腦退化加中風, 半昏迷情況下, 我們都堅持由口餵食, 由一小時餵兩三口米糊, 經一年時間, 現在半小時餵兩小碗米餬. 不過要考你的耐心和決心. 其間好容易動搖. 我家老人只有微弱的吞嚥能力, 托賴暫時未至入錯格而得肺炎.

私人傳訊

麻凡人

男爵府

積分: 6342

7^#

發表於 15-1-8 14:24 |只看該作者

我哋都係兩難

老爸90幾歲有腦退化，住護老院，一直食得好少；去年8月醫生已話要插胃喉，家人唔同意，除咗護老院職員餵飯餐，自己就煮鮮奶燉蛋，一星期一次攞去護老院餵佢食，次次都差不多食晒一個蛋。

3/1 餵完佢食燉蛋，幫佢抹抹手腳，發覺佢兩隻腳掌都腫，一隻凍冰冰（血氣唔通平時都係咁），一隻又紅又熱，好似發炎，摸頭有無發燒，與護老院負責人談過，因翌日係星期日，便星期六漏夜送入律敦治

5/1 醫院話佢完全吞唔到嘢，再餵食分分鐘入咗肺會即死，醫院只係幫佢吊鹽水，不准進食，要我哋馬上決定插喉，醫生打完電話，護士又再打嚟。

7/1 我哋決定唔插，醫院打嚟話會8/1稍後送爸回護老院，叫我哋自行餵食，但醫生話不出三日便會再入院。

跟護老院傾咗，佢地都會照餵飯餐，我自己就每天放工後去餵吓燉蛋之類，觀察一星期左右，如果真的唔食嘢，睇嚟別無他法。

私人傳訊

Cocoyymama

複式洋房

積分: 403

8^#

發表於 15-1-9 00:12 |只看該作者

引用：我哋都係兩難老爸90幾歲有腦退化，住護老院

原帖由 麻凡人 於 15-01-08 發表
我哋都係兩難

老爸90幾歲有腦退化，住護老院，一直食得好少；去年8月醫生已話要插胃喉，家人唔同意，除咗 ...

同意，一插左胃喉吞功能會一直退化，好難返轉頭，而且進食有時係一個生活環節，無咗個過程會令老人家生活少左好多樂趣。但實在要視乎情況，如果長者真係呑唔到而勉強餵食，每日呑小少落肺，長期就肺炎。

建議樓主試下針灸，我婆婆中風時幾䉷重，平來插左喉，我堅持找中醫去醫院針灸，約幾星期就開始食到嘢。

私人傳訊

麻凡人

男爵府

積分: 6342

9^#

發表於 15-1-9 09:44 |只看該作者

謝謝好建議

私人傳訊

kimmimamama

民房

積分: 15

10^#

發表於 15-1-9 21:20 |只看該作者

多謝各位意見。之前醫院逼我哋決定，佢哋堅持唔俾嘢佢食，只可家人餵食，但前排流感高峰，只有夜晚可探病，結果老人家每日只有晚上先有幾啖嘢食。
不過可惜老人家等唔倒我哋做決定…

私人傳訊

andysin

大宅

積分: 3297

11^#

發表於 15-1-10 03:53 |只看該作者

其實真係唔好插喉好，醫院就插喉方便佢地，食藥用幾秒，食奶放落奶袋話之理。唔使揾人理。

屋企人惨慘痛經驗，食阿司匹靈食到胃出血食乜都嘔，醫生吊咗兩日水，就話要插胃喉先可以食返嘢，開始時話係暫時性，但係食奶又疴唔停，每次都叫醫生同姑娘轉返用口，次次都唔肯，個半月就話佢退化到只可以用胃喉。

個人越來越瘦，d奶又唔會有飽肚感，人越來越弱。

其次醫院成日話口食落錯格，我屋企人反而插喉食奶已經幾次落錯格，醫院放落奶袋就走人，流得快頂住，想嘔又有條喉阻住，結果流去肺，得肺炎。

再者條喉係要換，嘔咗要換，位唔對要換，一個星期又要換，每次換屋企人都非常辛苦。

我好後侮做插喉的決定，如果每日能有時間去醫院，令可有一餐用時間慢慢食。

私人傳訊

gigimo

大宅

積分: 2924

12^#

發表於 15-1-11 23:08 |只看該作者

本帖最後由 gigimo 於 15-1-11 23:15 編輯

無得唔插, 除非你想睇佢餓死 lor.

我爸爸4月時入過醫院 (應該都係吞嚥有問題肺炎發燒)後, 神智急速轉差, 跟本餵佢食野餵好耐都食唔到, 食藥都有困難. 見佢瘦左好多好多.

幾個月後到7月, 應該係吞嚥問題肺炎發燒入院. 咁呢次就要插胃喉. 全家最反對插喉既人係我. 成世人最傷心係呢次.

當然我無得反對, 除非我有方法令佢食到野 lor, 但我無辦法. 細佬安慰我話: 你都唔想爸爸第日好瘦咁走 ga? 最後插了.

7月尾後回家了, 用胃喉餵奶. 見爸爸營養充足, 肥番. 而且之前爸爸好怕凍的, 飲完奶一排, 我摸佢手腳都不會凍的. 我都心感安慰少少.

11月覆診時, 醫生話爸爸好似狀態幾好, 寫紙俾我 book 見言語治療師. 我一聽到那刻好開心. 但無幾耐我就浮現番之前餵食唔到既困難狀況. 點知要見言語治療師既時候, 家裹既 lift 壞左去唔到, 我轉改1月睇.

點知, 上星期爸爸夜晚在家過身了.

不過不知原因.

私人傳訊