夫婦情感

收藏本版
發帖
返回列表
跳至頁

首頁
12

尾頁
   0
shamapple


複式洋房

積分: 377


1#
發表於 08-4-24 09:51 |只看該作者
我有一個識左十幾年好朋友,係3-4年前搭上一個大係11年的男人,當時大家都知個男人有老婆同兩個女,當然喇,個男人周圍同人講同個老婆感情唔好....

當時我個好朋友竟然同人搭上左,個男人仲周圍同人講我唔比我個好朋友同佢一齊,原因係話我未拍拖,唔比好朋友拍拖...個男人痴線...老老實實,我好憎個男人,好朋友到今時今日都未正式同我講過佢地一齊指拖.....

佢地係呢幾年偷偷摸摸係埋一齊,終於男人正式同老婆離婚,但我始終面對唔到我個好朋友係一個禁樣的人,但我好朋友,仍然當我係
friend,有一次比我係條街撞到佢地兩個手拖手,我個 friend 狂 send sms比我 say sorry ,又怕我唔開心,我做手術時我個 friend 日日都來,仲早過返工.直至晚上我家人來佢先走,我有咩事,好朋友仍然最緊張我 ....

有時唸,明年結婚,係未繼續搵佢做伴娘呢?

但我始終面對唔都佢搶人老公,比你地,你地會點樣面對?
私人傳訊

arale1668


珍珠宮

積分: 43426

畀面勳章


2#
發表於 08-4-24 10:02 |只看該作者
老實講,佢做人地第三者同係你個fd係2回事,每一個人都有權選擇佢所行既路;如果佢地既關係唔係真係好有肉體上傷害到你既,同佢keep住做朋友囉(不過唔會乜都同佢講囉)..不過至於做伴娘既,唔知一件事,知既話我諗我都唔會搵一個做人第3者既人做囉...貪韾香咩??
(我成日覺得果d放棄自己家庭同第3者一齊既男人,總有一日佢一樣會放棄個第3者再同第2個一齊)
私人傳訊

ivy_lau


男爵府

積分: 5052


3#
發表於 08-4-24 10:14 |只看該作者
就算朋友做既野係啱定錯,我都會企響佢果邊,當然每個人都有佢自己既價值觀,我都唔接受搶人老公搞到人地家散果種人,不過我都係會以朋友開心為大前題,我會勸,但唔會話要佢跟我果套行,因為咁樣做都會自私左,加上感情係兩個人既事,或者有d野真係局外人感受唔到~
私人傳訊

吹吹水


禁止訪問

積分: 2329


4#
發表於 08-4-24 11:49 |只看該作者
提示: 作者被禁止或刪除 內容自動屏蔽
私人傳訊

kylam100


大宅

積分: 3479


5#
發表於 08-4-24 11:58 |只看該作者
原文章由 ivy_lau 於 08-4-24 10:14 發表
就算朋友做既野係啱定錯,我都會企響佢果邊,當然每個人都有佢自己既價值觀,我都唔接受搶人老公搞到人地家散果種人,不過我都係會以朋友開心為大前題,我會勸,但唔會話要佢跟我果套行,因為咁樣做都會自私左,加上感情係兩 ...



我而家有個case同你好以, 不過我已經結婚好耐
呢個fd 我都一直當佢妹教佢.. 而家佢同我一間公司本來好好不過佢成日發仔溫, 剛剛同公司同事分手又同我同一組同事搭上.. 全公司都知佢同同事拍拖+分手(佢地以為我地成公司都唔知)
我明講左唔好攪我新同事(佢係我呀e 細絰)頂.. 最衰係佢地3個都無即搭上后而家去埋旅行當我死一樣. 成組人3個我最大.. 而家連fd都無得做當中佢比左好多鍋+屎我揹我都原諒佢, 今次已經無得原諒同憎恨佢.. 我同佢識左6年有多都無及佢同我表弟3個月感情..因為我知佢呢幾年同過好多男仔去街又為左剛剛同公司同事分手食避x藥 又講過sex問題, 係人都知個我組新同事執人2灘..更何況我咩都知.. 而家我個靚仔咩都唔知同佢一齊.. 我好憎佢....

火燒到爆, 連我呀e 都無講, 唔係呀e叫我搵份工比靚仔 (本想自己人好教d 工作) 點知~不知所謂仲有佢係大學生好心搵過好女仔.. 個件野又底學歷又無腦.. 無知份天真.. 2個細我4-5年la.... 我好憎佢....

[ 本文章最後由 kylam100 於 08-4-24 12:03 編輯 ]
私人傳訊

ringoivy


翡翠宮

積分: 76971


6#
發表於 08-4-24 12:09 |只看該作者
一家唔知一家事, 你只可以勸你個fd小心d呢個男人, 佢可以同佢一齊離婚, 他日佢亦可用同一方法黎對佢 不過你都唔好怪你個fd囉 牛唔飲水又點禁得牛頭低呀 要怪就怪個男人賤格啦, 當然我唔係爭你個fd, 因為從中我唔知你個fd係被動定主動囉, 倘若佢真係主動咁去搶人老公 就真係要不得啦
原文章由 shamapple 於 08-4-24 09:51 發表
我有一個識左十幾年好朋友,係3-4年前搭上一個大係11年的男人,當時大家都知個男人有老婆同兩個女,當然喇,個男人周圍同人講同個老婆感情唔好....

當時我個好朋友竟然同人搭上左,個男人仲周圍同人講我唔比我個好朋友同 ...
私人傳訊

Irismammy


別墅

積分: 697


7#
發表於 08-4-24 12:30 |只看該作者
原文章由 shamapple 於 08-4-24 09:51 發表
我有一個識左十幾年好朋友,係3-4年前搭上一個大係11年的男人,當時大家都知個男人有老婆同兩個女,當然喇,個男人周圍同人講同個老婆感情唔好....

當時我個好朋友竟然同人搭上左,個男人仲周圍同人講我唔比我個好朋友同 ...



我覺得你朋友對你都好好，因為在你患病時陪伴你左右，加上，佢就算搶人老公又唔係搶你的，有咩問題？分分鐘係個男人自己個家一早有問題先，而你個ｆｄ無錯，佢仲可能因此要被迫背負第三者之名，又無咗你呢個朋友支持添！咪仲可憐！

我以前試過有個朋友，我結婚都有諗過搵佢做伴娘，但佢就會在我病到失晒聲，食藥食到迷迷糊時ＳＭＳ我，問我做咩呢幾日無覆佢（我一早幾日前講過自己病，得番八十幾磅），佢話佢自己同男友嗌交好唔開心，話我一啲都無關心過佢，之後仲話唔肯嚟我婚禮添！我那天怕她誤會，即打比佢，但就開唔到聲，講唔到嘢，佢都依然站在自己立場ｏｎｌｙ，仲ｃｕｔ我線呢！


所以我覺得你個朋友真的已很好喇！
私人傳訊

ching070707


公爵府

積分: 29646

認識瑞士牛牛第三回


8#
發表於 08-4-24 12:53 |只看該作者
我覺得係2回事..佢都有自生活...
至於你話做伴娘,你諗真過唔過到自己個關,
私人傳訊

tokwawan


大宅

積分: 1864


9#
發表於 08-4-24 13:27 |只看該作者
坦白講, 我唔會再當佢係朋友, 我覺得做得好朋友, 至少價值觀, 或者有好諗法係一樣, 我最憎做人第三者, 就算一開始唔知, 知道後都要立即斬斷...既然大家有唔同既睇法, 做朋友都冇謂啦...佢既然有自己的選擇, 我也可選擇不同佢做朋友
私人傳訊

Esther823


複式洋房

積分: 463


10#
發表於 08-4-24 14:28 |只看該作者
我有個舊上司都係第三者, 當然佢都知道我地唔贊成佢咁做, 但係佢又確實很愛這個男人.


不過就無影響到我地嘅友誼, 最重要係佢唔會有異性無人性
私人傳訊

bobby711


大宅

積分: 1174


11#
發表於 08-4-24 14:52 |只看該作者
其實做朋友無計..佢的路係由佢自己行..佢咁大個人都知係錯都要去做..咁做朋友只可以權佢唔好咁做.佢唔聽又係佢事..如果你唔鍾意做佢朋友咪唔做..做朋友有權選擇...但係唔值得..十幾年朋友..都有友情係度...我都有朋友出賣過..佢做我男友第三者..結果我無同佢做朋友..但我仍然都掛住佢..因我同她都係識左十幾年...
伴娘咪睇下佢肯唔肯做先講..
你可以問下佢啦..你自己都係想佢做伴娘.
私人傳訊

ioi


伯爵府

積分: 16534


12#
發表於 08-4-24 15:15 |只看該作者
睇黎你朋友真係好珍惜你地之間的友誼喎. 但我都覺得價值觀唔同好難做朋友, 我講d野佢唔啱聽, 佢講d野我又唔啱聽, 唔可以深交, 最多只可以做普通朋友, 間中聯絡下. 我唔會搵佢做伴娘囉.
私人傳訊

蜜糖小叮


禁止訪問

積分: 1686


13#
發表於 08-4-24 20:18 |只看該作者
提示: 作者被禁止或刪除 內容自動屏蔽
私人傳訊

Vca


男爵府

積分: 5681


14#
發表於 08-4-25 08:25 |只看該作者
如果係我既話，只要好朋友唔係做我 + 老公既第三者，我都會希望佢得到幸福! 我唔會對佢既行為表示支持或反對~ 但我會好直接咁話比好朋友知道我唔認同佢既做法!

我覺得唔係話事事都盲目咁表示支持就叫做好朋友~ 我自己覺得真正既好朋友，會喺對方有不是既時候坦白咁提點佢! 所以我亦會提點佢 - 叫佢要小心個男人+ 任何時候都要先保護自己，唔好比對方有機會傷害自己! 不過依番說話我只會同佢講一次，因為始終點做係佢既自由~~~~~
私人傳訊

星人mama


男爵府

積分: 7200


15#
發表於 08-4-25 11:52 |只看該作者
以前好朋友做左我同EX BF既第三者, 最後我哋三個都無再一齊 但如果佢係人哋第三者, 我諗我會忠告佢, 但始終愛情呢樣嘢, 好難講 友情同愛情, 應該係唔關事既, 我會請佢做伴娘
私人傳訊

shamapple


複式洋房

積分: 377


16#
發表於 08-4-25 15:57 |只看該作者
其實有提過,有鬧過,好朋友仍然都認為自己所做的是正確

好憎個賤男人,最鍾意約D女人一齊玩.又喜歡返深圳.

仲可以同個前妻人前人後"踏搏頭",又唔會係人前公開自己離左婚.

我個 FRIEND 又死心塌地同佢一齊,係未個個女人都認為自己可以縛住一個花心的男人.

不過我單獨同個FRIEND相處,感覺已經好陌生,無咩好講.
私人傳訊

小紅


子爵府

積分: 14201

醒目開學勳章 畀面勳章 大廚勳章 BK Milk勳章


17#
發表於 08-4-25 16:07 |只看該作者
原文章由 shamapple 於 08-4-24 09:51 發表
我有一個識左十幾年好朋友,係3-4年前搭上一個大係11年的男人,當時大家都知個男人有老婆同兩個女,當然喇,個男人周圍同人講同個老婆感情唔好....

當時我個好朋友竟然同人搭上左,個男人仲周圍同人講我唔比我個好朋友同 ...


我結婚前認識一個女仔(工作時認識), 雖然認識時間5長, 但都好講到野. 當時佢同一個有三個女儿的男人一起 ,個男人的老婆是個護士,听人講個男人想離婚, 佢老婆死都5肯. 識他們D人都好討厭個女仔, 系我面前講了好多關於佢的壞話. 坦白講我5鐘意的人做第三者,另外覺得D小朋友好可怜(總要系三個添).我自已5鐘意講別人D私事, 最主要是佢從來都沒主動同我講過呢件事, 就當沒听過.始終覺得:5好管人家D私事.

至於你話叫佢做伴娘 - 5系几好- 講緊意頭, 我會好惊呢家野. 特別是自已結婚. 所以我叫著佢做姐妹.
私人傳訊

juicypig


珍珠宮

積分: 30278

環保接龍勳章 hashtag影視迷勳章


18#
發表於 08-4-25 17:16 |只看該作者
一個人之所以快樂,不是因為她擁有得多, 而是因為她計較得少
私人傳訊

tiggertigger


大宅

積分: 4608


19#
發表於 08-4-25 18:14 |只看該作者
自己接受唔到既話，真係好難原諒朋友嫁，我朋友同佢男友分左手，(男友係我都識嫁!) 之後又同左第2個一齊，對方又係有老婆仔囡，仲要我地都識個男人，唉... 叫佢唔好，話佢又唔聽。

最終我選擇放棄佢，識左佢10年囉，d朋友都話我絕，話我真係可以cut 咩都唔搵佢，電話唔聽，e-mail就auto return，完全唔理呢個人。

但過左年多，我地又好自然咁搵返大家，其實唔使將件事睇得咁大，如果大家都仲有緣係一定會慢慢走返一齊，其實兩方面都知道呢段時間係俾大家冷靜一下，唔好話情侶，有時朋友都需要冷靜期。

當然我地既感情真係無以前咁好，但都算係一個好知己。
私人傳訊

hellolal


複式洋房

積分: 449


20#
發表於 08-4-25 18:43 |只看該作者
我耐之前我個好朋友都係咁，我都差啲同佢反面，因為我都覺得個男人唔好，佢同我個FN一齊時仲未結婚，后來又話因為責任要同佢老婆結婚，但唔鐘意佢老婆咁話，我個FN信到十足。我俾佢激到死，我話佢知如果佢真係唔鐘意佢老婆，咁又點會同佢結婚。但佢當時已經盲咗，好彩佢后來都清醒噃，最后同第二個結咗婚，生埋個女，以家我哋都仲係好朋友，但當時真係差啲無FN做
私人傳訊


首頁
12

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見