尋晚, 我細佬的第二個仔出世, 佢係facebook度post咗張相, 標題為「媽媽送給爸爸的第二份禮物」, 睇到後實在有感而發!
生咗孖B兩年喇! 我老公從來冇講過話多謝我幫佢生咗對孖仔, 睇見身邊好多朋友生咗, 老公都會送手袋, 送鑽戒俾老婆, 多謝佢! 辛苦佢! (我唔係市儈, 加上我成份糧都俾埋我老公, 我地聯名戶口出糧, 佢買野俾我即係用我D錢, 但係, 我老公真係從來冇表示過!)
我明白我老公唔鍾意小朋友, 想要小朋友果個人係我, 但係我為屋企付出的, 佢從來都冇欣賞! 當年, 同老公拍拖幾個, 先知道佢係冇錢結婚, 要我一齊儲, 算啦! 鬼叫我恨嫁咩? (如果俾我老豆知道老公當日俾佢果8萬蚊禮金, 有3萬2蚊係我儲的, 佢爆血管都似!)
我一次過幫我老公生咗對孖仔, 係一次過有2個仔呀! 佢就從來都冇欣賞過我, 成日話我係人阿媽, by default 係要湊仔! 喂! 要返工搵錢返黎養家又係我(我搵錢多過我老公), 湊仔又係我, 份工辛苦到要拎埋D野返屋企做, 一係就OT到夜晚8, 9點, 飯都冇得食? 人地做女人有老公養埋, 份工可做可唔做, 生咗仔老公仲錫晒佢, 生日, 紀念日又有花收, 有手袋收, 有戒指收, 我就乜都冇? 連一句多謝, 欣賞都冇, 我係唔係自己攞黎賤???