筲箕灣黑店「雅泗僱傭公司」
各街坊小心,已有多人中招,已報警,向消委會投訴及聯絡壹傳媒跟進!
地址:東城酒樓對面
11月,想揾個印傭,於是就到筲箕灣一間顧傭公司,佢地介紹左一個姐姐我地
見面,個姐姐有照顧長者大小便失禁同推輪椅經驗,日常清潔,煮飯,家務等
等,講得出嘅要求佢都應成,笑容非常好。於是我地就簽左依位姐姐。
簽左大約十日,接到顧傭公司來電,姐姐已返印尼,因為老公撞車,介紹另外
一個姐姐比你,但依個姐姐淨識照顧長者,買餸,煮飯,家務唔識做。我話我
想要返之前個姐姐,但佢話姐姐聯絡唔到。
我地話要退錢解約,佢話公司話合約本身係到1月13日先上工,而家又未到,
姐姐或者到時返黎上工呢。(但急需於1月13日有工人到)
最後同佢公司講要去領使館查下姐姐有冇出境,及告知領使館,投訴有件咁
嘅事程發生,同知道有好多網上投訴五花八門。
最後公司說,用錢解決到嘅問題,就唔係問題啦,只可以退回$128x給你及
一封解除合約嘅信,其餘有$7xxx就唔會退返比你啦。
12月頭
天網灰灰,阿媽幾日後在北角撞見簽約個姐姐(話老公撞車果個),上前詢問
她為簽了約都唔上工,她說當天向顧主請辭,舊僱主因老人家剛離世,小朋友
又須照顧,希望她留下幫手。她已通知顧傭公司,因此她根本未有同我地簽約。
於是阿媽到顧傭公司理論,該公司表示已有印傭係印尼見到呢個姐姐,因為她
丈夫昏迷在院,所以手機留在家,聯絡唔到。agent 亦堅持已辦入境報申請手
續。我媽說姐姐跟本未離開過香港,你點會有印傭係印尼見到姐姐,她說如果
姐姐冇離開過香港,她們都是受騙者。
另外阿媽已經去入境處查詢,資料話雅泗顧傭公司跟本冇同我地辦過申請傭工
手續!咁在呢點足以証明,呢間公司係黑店,係有心行騙。
媽地都有報警,但警察叫我地自行調解,或去消委會投訴。