婆媳關係

收藏本版
發帖
返回列表
跳至頁

首頁
12

尾頁
   1
邱吉爾


等待驗證會員

積分: 506


1#
發表於 08-5-8 17:34 |只看該作者
大家都係做人老婆新袍，所遇到既事都係咁上下，唔好講咩請教啦，大家分享吓啦

我遇到辣手ge對象唔係來自老爺奶奶, 相反, 佢地對我好好, 我同奶奶都好傾得埋, 佢亦都對我同老公仔女好好, 我都覺得好幸福ga

但, 我太99就係好辣下, 由我初相識老公開始, 老公己經同我講話佢媽媽好怕佢亞嫲, 佢亞嫲非常人可以容忍, 當時我都有心理準備, 同時, 因為我個上司都係個極麻煩ge老女人, 我習慣咗, 我同佢打咗10幾年工, 有咩我都己經受過, 為咗份糧, 我忍慣咗, 識得點應付, 又因為我做嘢那處都有好多同事有個惡家婆, 佢地都成日過都幾招比我, 我地總結一樣嘢, 就係千祈唔好發火開火, 做乜都要笑笑口, 咁樣老公就算真係覺得我過咗火時, 佢都無咁反感, 兩公婆亦唔會咁易因為d唔相關ge人而嘈交影响感情~~

第一次見面：
我第一次去老公屋企拜會佢老人家同埋6299, 我一入屋, 佢就喺房大聲叫出嚟~叫佢除鞋呀, 跟住去洗腳呀, 我唔要有菌入屋ga, 跟住洗完出嚟要有d規矩斟茶比屋各人.......ok, 我跟住做, 點知到斟比佢時, 佢叫我跪喺度, 要我要叫佢亞奶飲茶喎, 當時我爭d笑出嚟, 心諗, wa, 有人仲勁過我自己亞嫲ge, 佢都真係天下無敵呀, 當時我無跪到, 我淨係照斟茶比佢飲, 同佢講, 亞奶, 我亞爺教過我, 我未入門唔跪得人地ga, 跪咗你要認我入門ga喎, 但, 你個孫都未知肯唔肯要我, 咁我唔跪得架, 嗰時佢咪面黑黑咁飲囉, 跟住我6299就打完場話, 傻ge, 點會由客人斟茶ga, 坐啦, 唔使客氣啦咁....

其實, 我同老公拍拖其間, 老公都唔肯點樣帶我返屋企見佢亞嫲, 因為, 佢驚我唔開心囉, 咁講真, 嗰時上親去都有嘢要聽, 真係極之難受ga, 有幾次我都嬲住走咁, 但, 我老公又扮晒狗仔咁say sorry, 我又算數囉

2 : 跳到講結婚時

太99同我講, 話我一入得佢門, 就一定要生仔, 一定要唔好唔做嘢, 要同老公合力維持頭家, 佢唔要廢人新袍喎.......我咪笑笑口答佢 : 亞奶你放心啦, 我唔會係廢人啦, 你睇我手手腳腳咁粗你就知我幾有用啦, 你第日有咩頭暈身慶, 我抬你去睇e生都有力ga, 幫你抹c抺尿都無問題ga, 放心啦, 包喺我身上啦, 佢亞嫲當時未諗到我玩佢呀, 仲話我 : 係牙, 你又真係幾大隻喎, 邊有女人咁大隻ga, 我話係呀, 你睇, 我個籮柚仲大過亞x（我老公）實有仔生啦咁, 唉, 佢望一望我籮柚, 又真係笑晒口喎......事後, 當然我老公返到屋企比佢亞嫲鬧啦, 話我黑心啦, 但, 我老公話我係直咋喎, 仲叫佢亞嫲咪多心, 我老公話返比我聽佢爭d比我笑到佢標尿, 佢話我好點佢亞嫲炸喎, 無話我其他喎

喺度先講, 當時我都嬲到想搵杯車佢啦, 但, 可以咩, 咪唯有笑笑口咁亂up嘢點開佢囉, 打人唔使比警察拉, 我打咗佢啦, 但, 我見我笑笑口咁反駁佢亞嫲, 我老公都覺得我唔過份, 淨係覺得我傻傻地. 佢淨係叫我下次小心d咪比人覺得我咒佢地啫, 咁, 自此之後, 我咪次次都笑笑口咁扮晒傻up 3 up 4 嚟應酬佢囉, 佢次次都發火嚟鬧我架, 但, 我無理佢, 我尤佢講到口攰為止, 跟住斟水比佢飲, 話 : 亞奶, 飲完先再鬧過啦, 你應該口乾ga, 佢次次都紅曬眼再話多我一句, 仆x, 都唔知做乜x嘢娶個咁x蠢ge新袍, 痴x線, 跟住佢就返入房, 係次次都係咁, 我尤佢囉, 反而係我99有時走過嚟安慰我, 話佢係咁, 佢鬧完無嘢喎, 我99話佢都係咁鬧佢, 試過一次佢又係咁發癲鬧, 仲叫我早d"肯"喎, 我受唔住, 咪同佢講囉, 亞奶, 你鬧還鬧呀, 你要睇時間呀, 亞x（我老公）放咗工返緊嚟ga, 你比佢聽到你係咁鬧, 佢好担心你ga仲會黑面tim, 你知ga, 你個孫真係會搬ga, 又係你叫佢唔好搬要住返喺度陪你 ? 你知佢脾氣ga, 你亦都知我唔會發火還拖ga, 你識我咁耐, 你有無見過我駁返你咀? 我要駁咀好易ga, 你係咪想試吓 ? 你係要我迫你個孫我老公搬 ? 我地又唔係無錢搬, 你知我外家大把地方ga, 我要走, 聽日可以走啦, 點解我要喺度忍你啫, 無非想陪你囉, 我知你話我好陰濕ga, 成日亂up嘢, 但, 我唔想同你嘈啫, 最緊要係我老公都唔信我會對你唔好, 你咪搵嚟攪？ 自從嗰次之後, 佢鬧小咗我, 佢淨係開始4周圍唱我啫, 我尤佢講囉, 我又唔會小咗忽肉ge, 我真係無理佢ga, 係有時忍唔住, 咪扮發癲一路煮飯, 一路切魚一路啄肉時嗌, 你舊死魚丫, 要死就快d死, 我要啄你嚟食你咪典嚟典去, 你信唔信我踩你兩腳先再煮你丫那 ? 係咁口up up囉, 佢有時見到我咁, 佢驚ga,
私人傳訊

SASA滾


禁止訪問

積分: 1687


2#
發表於 08-5-8 18:20 |只看該作者
提示: 作者被禁止或刪除 內容自動屏蔽
私人傳訊

晞玥


珍珠宮

積分: 34110

hashtag影視迷勳章 好媽媽勳章 畀面勳章 BK Milk勳章


3#
發表於 08-5-8 18:22 |只看該作者
你令我完全佩服到唔知講咩!
私人傳訊

Leomummy


男爵府

積分: 7723


4#
發表於 08-5-8 22:26 |只看該作者
原文章由 邱吉爾 於 08-5-8 17:34 發表
大家都係做人老婆新袍，所遇到既事都係咁上下，唔好講咩請教啦，大家分享吓啦

我遇到辣手ge對象唔係來自老爺奶奶, 相反, 佢地對我好好, 我同奶奶都好傾得埋, 佢亦都對我同老公仔女好好, 我都覺得好幸福ga:wahaha ...


你好勁呀﹗我自問就未可以做到你咁啦，我對住自己阿媽d陰濕陰毒嘢，至多都係唔出聲，到真係忍無可忍時，唯有同佢大吵一埸，就好似最近咁，至始我同佢不單係零溝通，連眼神接觸也欠奉﹗

私人傳訊

愛麗斯傳說


大宅

積分: 4164

畀面勳章


5#
發表於 08-5-8 22:58 |只看該作者
你真係好勁呀......咁鬼忍得架.....仲要eq好高......轉數又快.....串完人都唔會比人鬧....佩服佩服......你真係要開班教我地d師奶仔呀.....咁樣對我地同老公的關係都會好D呀.....
私人傳訊

kayingivy


伯爵府

積分: 18129

好媽媽勳章 醒目開學勳章


6#
發表於 08-5-8 23:42 |只看該作者

私人傳訊

KoyeBaby


子爵府

積分: 12890

醒目開學勳章 畀面勳章


7#
發表於 08-5-8 23:44 |只看該作者
睇到我嘆為觀止~~~我有你一半就唔駛俾99恰啦!
私人傳訊

paklok


侯爵府

積分: 21203

好媽媽勳章 醒目開學勳章 畀面勳章 環保接龍勳章


8#
發表於 08-5-9 00:14 |只看該作者


呢度曾經好多無感受過99賤野既人,
叫人唔好咁對個99, 始終係老公個老母云云,
你個太99咁惡頂都治到佢,
我真係超級佩服你呀!!
我都希望學到你一半功力,
我俾我屋企隻八婆激到就黎要自殺避左佢啦,
以後我諗起你點處理, 我應該會好d架~
私人傳訊

drm


侯爵府

積分: 24212


9#
發表於 08-5-9 00:27 |只看該作者
You're the best.
:-D :-D :-D :-D
私人傳訊

晞玥


珍珠宮

積分: 34110

hashtag影視迷勳章 好媽媽勳章 畀面勳章 BK Milk勳章


10#
發表於 08-5-9 00:42 |只看該作者
原文章由 KoyeBaby 於 08-5-8 11:44 PM 發表
睇到我嘆為觀止~~~我有你一半就唔駛俾99恰啦!


唔好話一半,我學到十分一已經執到!
私人傳訊

Vca


男爵府

積分: 5681


11#
發表於 08-5-9 00:52 |只看該作者
原文章由 邱吉爾 於 8/5/2008 09:34 AM 發表
係有時忍唔住, 咪扮發癲一路煮飯, 一路切魚一路啄肉時嗌, 你舊死魚丫, 要死就快d死, 我要啄你嚟食你咪典嚟典去, 你信唔信我踩你兩腳先再煮你丫那 ? 係咁口up up囉, 佢有時見到我咁, 佢驚ga,


我睇到依段，笑到噴咗口水出來!!!

不過我根本冇可能做到好似妳咁~~~
比在係我...好有可能我一早斬咗佢!!!

[ 本文章最後由 Vca 於 08-5-8 16:54 編輯 ]
私人傳訊

我愛Corina


瑪瑙宮

積分: 134587

2024年龍年勳章 2024勳章 好媽媽勳章 醒目開學勳章 環保接龍勳章


12#
發表於 08-5-9 00:57 |只看該作者
嘩!!你好勁!!同埋我覺得你應該係個幾玩得既人....

我同你一樣,6299好好,但個太99 ...佢又唔係衰既,佢唔會鬧我,但係係咁煩係咁煩....煩到你理佢為止+佢好dirty+唔知自己年紀大,咩都爭住做(又做得唔好)+好小家..

不過我而家唔會忍佢,佢一煩我,我就叫佢收聲,一係同佢講,你好煩呀!你唔好再煩我得唔得呀....佢問我d低能問題,我就叫佢自己諗答案...

我覺得99好勁,可以同佢住左3x年..我問99有冇諗過唔同佢住,99話有,但係賣唔甩佢..
私人傳訊

ling00


大宅

積分: 4627


13#
發表於 08-5-9 03:15 |只看該作者
私人傳訊

邱吉爾


等待驗證會員

積分: 506


14#
發表於 08-5-9 08:13 |只看該作者
人點會無脾氣? 爭在點處理, 喺公司己經訓練到我百忍成金, 同埋, 我份人真係算樂觀, 好多時呢頭嬲緊, 呢頭就問老公, 係喎, 我嬲緊ga喎, 我嬲緊咩呀, 講返比我知等我繼續, 我老公都比我激c咁滯

太99份人真係好簡單, 佢之不過古老,盟塞,自私,自大,專制,目中無人,中意用鬧嚟表達佢ge意見之外, 佢基本上都無乜嘢ge 咁佢淨係鬧之嘛, 我咪尤鬼得佢鬧囉, 佢有佢鬧, 我有我睇到哈哈笑, 老公唔喺屋企, 我咪串佢兩咀囉, 老公喺屋企, 我咪講d嘢出嚟泵吓我老公笑又成機話吓佢囉, 我ge選擇好簡單, 我淨係要老公覺得我好, 覺得佢係值得愛我咁就夠, 其他嗰d唔關事ge嘢當有鬼喺度攪攪震就算囉

之前睇有個topic話有個媽咪唔中意個99成日問佢行程, 我個太99都係咁上下, 一日到黑都要我地詳盡報告行蹤, 我老公己經放棄咗, 中意答就答, 唔中意答就入房, 咁太99ge target自不然落咗喺我度, 我諗返起我大肚時因為初期作小產有個星期請咗假無返工, 咁我攤c咁朝晚撻喺屋企, 太99就極之唔滿意, 話我因為唔郁ge關係先會咁喎, 佢地後生陀仔成日勞動就無事, 佢跟住有日同我講 ~~

奶~究竟你今日做過d咩 ?
我~吓, 我做過d咩呀?
奶~我咪就係問你今日做過d咩囉...
我~咁你想知我做過d咩呀
奶~我而家咪問緊你囉
我~咁我都唔知你想知咩, 咁我講d咩呀, 你想知我做過d咩, 你比d提示, 我先知係咩ga
奶~x, 你究竟玩咩呀, 我問你頭先做過d咩呀, 仆x
我~吓, 我無仆到街呀, 我都喺屋企
奶~亞x（我老公）你話吓你老婆啦, 佢究竟講咩呀....（跟住佢好慶咁返房, 仲要好大力好力咁山門, 我跟住都仲聽到佢喺房度係咁鬧, 我幾驚玩大咗激c咗佢呀）

我老公又係得一個表現啦, 就喺笑到收唔到聲囉, 見到老公咁開心, 我就諗, 第日再搵多d嘢玩吓先
私人傳訊

cherry1498


大宅

積分: 3008


15#
發表於 08-5-9 08:41 |只看該作者
原文章由 邱吉爾 於 08-5-9 08:13 發表
奶~究竟你今日做過d咩 ?
我~吓, 我做過d咩呀?
奶~我咪就係問你今日做過d咩囉...
我~咁你想知我做過d咩呀
奶~我而家咪問緊你囉
我~咁我都唔知你想知咩, 咁我講d咩呀, 你想知我做過d咩, 你比d提示, 我先知係咩ga
奶~x, 你究竟玩咩呀, 我問你頭先做過d咩呀, 仆x
我~吓, 我無仆到街呀, 我都喺屋企
奶~亞x（我老公）你話吓你老婆啦, 佢究竟講咩呀....（跟住佢好慶咁返房, 仲要好大力好力咁山門, 我跟住都仲聽到佢喺房度係咁鬧, 我幾驚玩大咗激c咗佢呀）


哈哈哈哈哈...笑死我啦,你太99又真係係咁問個下好野喎...如果係我99知講完頭2句就已經OFF,唔出聲嚕...跟手就會打俾我老公打小報告...話我好唔應佢,唔專重佢LOR...
私人傳訊

boey


男爵府

積分: 8888


16#
發表於 08-5-9 09:04 |只看該作者
高人
私人傳訊

connieqwah


別墅

積分: 800


17#
發表於 08-5-9 09:29 |只看該作者
Hello, 邱吉爾

好精彩, , 好好笑. 好心涼, 快的講多啲你的招數分享.
私人傳訊

邱吉爾


等待驗證會員

積分: 506


18#
發表於 08-5-9 10:07 |只看該作者
原文章由 cherry1498 於 08-5-9 08:41 發表


哈哈哈哈哈...笑死我啦,你太99又真係係咁問個下好野喎...如果係我99知講完頭2句就已經OFF,唔出聲嚕...跟手就會打俾我老公打小報告...話我好唔應佢,唔專重佢LOR... ...



我老公話我最抵c係真係扮晒認真咁問佢想知d咩ga, 佢話我個樣好似返緊學, 好努力咁答個老c問題咁, 佢話我個樣好低能好攪嘢 (我特登ge )
私人傳訊

邱吉爾


等待驗證會員

積分: 506


19#
發表於 08-5-9 10:17 |只看該作者
先排又有一單激c人事件~~

話說有晚食飯時, 佢又例牌做百彈齋主啦, 係咁彈, 又話呢樣唔好食, 又話d飯煮得硬....啦, 把幾火, 我咪夾舊魚比佢, 跟住同佢講, 亞奶, 你食 "多舊魚啦", 點知佢呢次鬼咁精, 一聽就知我話佢多舊魚, 佢即刻發爛炸話, 咩呀, 我知, 我知你話我多x魚丫嘛, 講白d啦大人大姐...... he he, 我心諗, 叻女咗喎, 咁快get到我 meaning, 我咪答佢囉, 亞奶, 係多舊魚呀, 我見今日小餸, 特登加多10蚊買多舊魚呀, 魚啱你食嘛, 我老公即刻搭口, 話, 亞奶, 你中意食魚嘛, 我叫佢買多舊魚比你ga, la, 而家食飯呀, 細路喺晒度呀, 咪再魚嚟魚去呀, ok.....老公出聲, 我地兩個都收聲, 繼續食魚
私人傳訊

kiki.kiki


珍珠宮

積分: 49031

醒目開學勳章 環保接龍勳章


20#
發表於 08-5-9 10:42 |只看該作者
你好叻.........

D對答笑C我.....我有你1成功力已經好好啦...
私人傳訊


首頁
12

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見